拍拖5年, 兩年前, 我o地奉子成婚, 一個星期唔夠老公就去左上班長註.
而我就同佢半年先見一次. 期間我返媽咪度住. 而佢都有俾張提款卡我, 俾我自己取家用.
我老公好慳, 結婚兩年, 到E+都未有個"家", BB由我媽咪揍, o係我媽咪度住, 而我會同老公o係奶奶間屋o既一張放o係廳o既單人床sleep.
我成日都會嬲佢無俾個"家"我同bb, 到最近佢應成我買樓, 仲叫我搜集資料.
我覺得大家收入ok, 點解要咁辛苦, 奶奶都唔鐘意我o地同佢住, 自問娘家家境不錯, 結婚當時父母都話俾層樓我o地, 但我唔想用佢o地辛苦$....我一直同老公講唔要買樓, 強調租屋.
本來佢上海果份工好好, 做左年幾, 我想佢多d時間配我同bb, 佢都唔想咁完做野, 佢就辭職, 搵左份工o係琛圳, 做左幾個月, 佢俾公司炒左. 我一直都覺得係有d關我事, 佢失業, 我無要佢家用, 但e+有野做, 又唔俾家用, 我講過好多次, 佢都話下次先, 但都係無, 我好傷心, 點解咁唔負責任.
佢本來好好, 可能大家以前見面少, 無咩摩擦, 但e+一個星期見3日, 我總係成日嬲佢, 我o既問題本來由"家"去到家用, 我覺得自己一直都好吃力, 要全力照顧一頭家. 其實以我經濟能力係可以勉強一個人擔起. 但我唔想佢變成我咁做係應該, 佢都有責任.... 我唔想成世都係咁...
咁朝我同佢講要俾家用, 新年要用好多$, 佢話我個個星期都嘈, 我話"下次你返o黎,唔好o念會見到我", 佢就走左...
其實佢係個好正直上進o既人, 我好傷心, 我係個eq好低o既人, 好容易喊, 成日o係佢面前喊同煩佢, 我都知佢覺得我好煩, 唔講道理..... 好多時我會想離婚, 我有同佢講過, 咁o既生活同無結婚無分別. 我有時都後悔嫁左俾佢.
我可以點做, 我唔想咁,唔想成日喊....新年唔想再同老公嘈...
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
