回想起果段食又無啖好食，訓又無覺好訓嘅日子，的確係好易今人氣餒
我都要等到阿仔成3個幾月先有一晚好訓，仲要佢係不定時咁介夜奶，但係都無計，超眼訓都會爬起身餵佢，果d時間見到c6係隔離訓到劏豬咁真係有衝動一腳伸埋去
真係人都癲...好慶幸我老公無限量嘅支持同配合，最重要係無比d麻煩人係我身邊嘈住哂
呢半年黎最憎係d三姑六婆成日問我夠唔夠奶，有時仲要係大庭廣眾咁問，真係好火
感恩嘅係阿仔由滿月時生長線25，到打半歲針時急升到超出生長線97
所以每次有人問我呢個問題，我都會比阿仔隻大雞肶佢睇，之後反問番佢\" 咁樣你話夠唔夠呢? \":;pppp:哈哈哈...最最最大嘅bonuses係終於可以係男家吐氣揚眉
話說我係有咗阿仔先結婚，之前同c6同居咗十幾年，佢d屋企人成日認為係我有問題所以c6先唔肯同我結婚，一直當我係外人都不特止，仲要係外星人果隻，不過對我影響不大，唔駛見面仲好
最嬲係比c6果條八婆B6大嫂鬧，佢地幾兄弟都無生小朋友，條B6以為生咗個女大Q哂，仲想迫我同c6搬霸埋間屋，等佢個女落黎讀書有地方住，由一大肚就勁係男家人果邊狂打我毒針，果一刻我無聲出，因為我係外人，不過呢件事嘅得著係c6親眼睇到佢大哥大嫂係咩人，等佢唔好成日咁天真以為個個人都係好似佢咁無所謂，咁無私
因為佢一直都係個心度盤算，佢大哥大嫂有小朋友負擔大，我地買樓搬出去留番間屋比佢地一家三口會舒服d，當然發生咗呢件事之後就唔係咁講法，c6好理性咁提出要賣樓，拎番自己果份，我梗係舉腳贊成啦，仲揞住半邊嘴笑如果唔係咁我邊有宜家咁幸福呀~~就係阿仔出世之後，我做咗全埋身嘅ftm，佢地見到我湊到阿仔肥肥白白，黎到我屋企又見到整整齊齊，覺得好奇怪，問我c6工人係邊，我笑笑口答佢我係度，有咩吩咐? 再講落去先知比條B6洗咗腦，睇錯咗我，以為我係果d不負責任，又唔識做人嘅老婆同阿媽，哈哈所以話謠言止於智者，呢鋪仲唔清佢袋不過就算唔係佢地，我對阿仔都係一樣，一樣會堅持做個好媽媽，比最好嘅嘢佢
我已經超越咗餵到半歲嘅人奶諾言，宜家希望可以順利達到1歲嘅目標，每日3餐埋身食奶係我嘅happy hour，睇到隻臭豬一見到奶奶笑到突哂兩隻牙仔出黎，笑到咔咔聲，食飽ur果下，係我呢三十幾年裡面做得最有成功感嘅一份工作，c6一睇到阿仔嘅磅數就會笑得好開心，舉起手指公對我講\"辛苦哂\" 我一d都唔覺辛苦架，好感恩我同時有兩個男人愛我同比我愛，令我幸福滿載
終於明白上天比我這幾十年嘅人生目的係咩，孩子，世界塌了我也愛你，這裡你最了不起
發表於 
我仔由生長五十幾跌到三，希望我都可以有返肥脾，大家都加油！
返回列表
