少年成長今日: 1|主題: 16049

收藏本版

發帖

返回列表

跳至頁

查看: 31702 | 回覆: 3

只說不做 [複製鏈接]

csir3290

子爵府

積分: 12217

1^#

發表於 23-2-19 10:37 |只看該作者 |倒序瀏覽 |打印

相信好多家長都試過小朋友犯錯嘅時候會同小朋友講道理，但係總係有好多家長會話細路仔講極都唔聽，成日都重覆再犯。相信好多家長都會懂得同小朋友講乜嘢係啱乜嘢係錯，但係有陣時家長正正忽略咗一個好重要嘅因素，所以先至會令到啲細路仔成日同佢哋講但係都唔聽。呢一個咁重要嘅環節正正就係我哋成日都講嘅身教。

講出嚟就好似好老土咁，亦都好似係一個係人都知道嘅道理，但係現今社會雖然家長嘅教育水平越來越高，但係相反身教就好似越嚟越唔係好受重視。奇就奇在好多家長都會去學點樣教細路仔，去聽好多課程睇好多書聽好多理論，問好多方法但係走返轉頭還原最簡單最基本嘅身教偏偏可能就最唔在意！

早兩個禮拜，睇咗兩篇專欄都係不約而同講緊同一個道理，就係小朋友唔係聽家長點樣去解釋道理，然之後跟住去做，而係睇家長點樣喺自己身上示範呢啲道理同埋規矩出嚟，然之後先至慢慢跟住去做。而另外一個作者就講小朋友係唔會聽你講嘅，佢哋只係觀察緊家長，佢哋學到嘅道理唔係淨係聽你講出嚟，而係觀察住你嘅示範而學到。

要教細路仔品行最重要嘅就係家長點樣示範呢一啲品行同埋規矩出嚟！好多大道理好多家長都識講，但係又係咪真係識做呢！家長都唔識做但就要求細路仔係只係聽你講就學到同識做會唔會有啲過份咗呢！家長唔懂得控制脾氣，家長唔係一個有條理嘅人，家長唔懂得守規矩做嘢只求自己方便，家長唔懂得尊重別人等等，但係偏偏家長就要求仔女全部都要做到，會唔會有啲不切實際呢！好多家長都好有心去學點樣做一個好嘅家長，去學點樣教細路仔，但係偏偏好多家長自己就忘記咗當自己係細路仔嘅時候，其實佢想佢哋嘅父母係點。好多所謂好高深嘅理論聽起上嚟好似好專業好高深，但係其實諗深一層只不過係一啲基本常識，只要家長諗返自己細路仔嘅時候，其實想自己嘅父母係點樣，就可能好容易明白嗰啲所謂好高深嘅理論同埋道理。就好似上面所講細路仔唔係聽你點樣講道理而係從觀察家長嘅一言一行去學懂道理，做家長只要成日擺喺心入面，謹慎自己嘅言行，我相信教出嚟嘅細路仔就一定唔會差得去邊度！