夫婦情感 今日: 1 | 主題: 42728

積分: 10816

1^#

發表於 04-7-6 11:10 |只看該作者

我嬲到就爆血管啦!!!!!!!!!!!!!!!!!

當初同老公決定結婚時, 佢家人已經講d 難聽既說話, 但因為我已經有咗, 所以最後我們都結婚, 我和老公既年齡都唔係細, 佢30, 我28. 結婚後佢地對我都客氣咗, 無話好似最初果陣. 到今年bb 出世了, 我回娘家坐月, 奶奶不斷叫我早d番自己家, 最多佢每日由早上10 點到晚上10 點過來幫我, 叫我不要在娘家咁耐, 於是我2 個星期後就番自己家了, 點知.....佢無實行佢既諾言, 佢只係上嚟5 個鐘就走咗, 每日買個麵包比我當早餐連午餐, 我下午睡2 小時, 佢就幫bb 洗澡, 餵一次奶, 幫我整補品, 我已經比咗錢佢, 叫佢每日買隻雞比整補品, 3日有就1 日唔記得, 夜晚餐飯如果我老公番佢就整, 如果我老公唔番, 就洗d 菜叫我自己整, 但因為我bb 嘔奶好嚴重, 我根本無辦法走開, 所以我晚餐只食幾塊餅, 佢話趕住回家整飯菜比佢d 仔女食, 佢d 仔女個個都20幾歲, 就算你唔整比佢地食, 佢地自己都可以整比自己食啦, 既然你唔可以幫我, 就唔應該叫我番自己家坐月啦!! 呢d 野我都無同老公講, 我都算啦… 點知, 有一日, 我午睡時聽到佢同bb 講: 嘩, 你個死靚仔又嘔奶呀, 嘔死你呀! 我立即走出去望下, 佢連同佢掃背都無, 我就叫佢幫佢掃背, 我話大人啃親你都會幫佢掃背啦, 何況佢係bb, 佢就答我話: 要架咩?? 我晚上同老公講, 叫老公同佢媽媽講, 將bb 打側睡, 因為容易嘔奶, 我同奶奶講過好多次佢都唔聽, 結果就同老公吵架, 佢話以前又唔見有咁多bb 死!! 我當時嬲到即刻抱bb 走, 我覺得佢呀媽已經唔啱, 連個老公都係咁, 最後, 我老公同我道歉, 佢話以後唔會再係咁.

昨晚, 我同老公去奶奶到睇bb (我要番工, 所以由奶奶湊), 之前我已經同奶奶講叫佢用床圍, 因為bb 成日係床轉圈, 好容易撞頭, 佢話bb 唔會, 因為佢會識避! (一個bb 點會識避????)佢話如果用床圍, bb 會好熱, 於是昨晚我叫老公買一把夾床風扇比bb, 再整床圍, 點知, 奶奶發皮氣, 話床圍係要嚟擋風既, 天氣咁熱會整到bb 生熱痱, (bb 之前已經生熱痱,我買咗支寶寶金水比佢, 佢又唔同佢沖, 又話無), 仲有, 床圍既作用係防止bb 撞頭而唔係要嚟擋風!! 佢仲話: 我今晚就整走佢!! 我當時已經嬲到震!! 我細細聲叫老公同佢呀媽解釋, 佢竟然叫我唔好嘈, 收聲啦!! 跟住, 開奶用1 半98度熱水, 1 半凍水開奶, 我已經講過n 次唔可以用咁熱既水, 我同佢講我試過用呢個份量既水溫滴自己隻手, 我隻手都燙到紅咗, 佢話飲熱野係要訓練既, 我話飲太熱會整傷喉嚨, 佢永遠只用對手摸奶瓶, 點都唔滴自己隻手試, 有一次佢家姐同我講, 話好好笑因為燙到bb 吐番d 奶出嚟大哭,我唔明有咩咁好笑!! 佢家姐幫bb 掃風居然係用5指山按住佢後腦, 如果bb 一動, 佢就大力按, 我嚇到眼都突! 初生bb 腦順都未合, 居然大力按!! 同佢家姐講完, 到昨晚, 佢唔按佢頭, 只咁佢一隻手, 我又教佢托下巴, 但佢完全唔聽.叫佢地帶bb 去我呀嫂間醫務所, 佢話佢家樓下有一間, 點解要去咁遠? 我呀嫂間醫務所都只不過坐5 分鐘車程, 起碼唔使等, 又知d 藥好唔好, 講過2 次佢都係咁講…我唔知應該點同佢呢家人溝通! 我同老公走咗, 途中我老公自己一個行咗去, 番家後我換衫落街坐到11點幾, 我不斷哭, 到番上樓後, 我老公訓咗…於是我自己訓聽, 到半夜, 佢醒咗抱我入房訓, 扮無野錫我, 我推開佢跟住訓咗, 到今朝7:30 我起身時, 佢已經唔係屋企, 我都唔知佢幾點出咗去? 我覺得好心灰, 自問我做新抱同老婆都已經好好, 我係咪嫁錯人呢??
多謝大家比我發洩下, 我就嚟比佢地激到爆血管啦!!
:-( :-(

我叫祉延, 係2004年4月18日出世啦~~2004年8月10日, 我第一次識反身啦!! 2004年12月25日, 我識坐啦!!2005年9月1日, 我有16 隻牙啦!!
18/4/04 2.675kgs 29/7/04 5.5 kgs 61cm23/1/05 9.55 kgs 70 cm28/3/05 10 kgs 72 cm6/5/05 10 kgs 74 cm26/10/05 11.1 kgs 79 cm

私人傳訊

積分: 1111

2^#

發表於 04-7-6 11:42 |只看該作者

Re: 我嬲到就爆血管啦!!!!!!!!!!!!!!!!!

乜都吾好諗住，即刻計劃吾好比你奶奶揍，佢咁樣，就算吾出事你都有排驚，仲日日家嘈屋閉！

私人傳訊

Ali_03

積分: 4705

3^#

發表於 04-7-6 11:43 |只看該作者

Re: 我嬲到就爆血管啦!!!!!!!!!!!!!!!!!

你都唔好咁勞氣，咁勞氣咪傷自己身體，無益！其實你有無冷靜d同老公傾吓，因為有時佢出聲同佢亞媽講嘢總好過由你講。我諗你老公都會緊張個bb，大家都係為咗bb好，試吓同你老公用科學d的角度解釋，例如你奶奶咁湊會對bb有咩壞的影響，等佢知道你唔係針對佢亞媽，而係講事實。總之，凡事都要心平氣和去傾，正所謂”家和萬事興”嘛。Anyway，我都會支持你的。

私人傳訊

SUSANNA

伯爵府

積分: 17460

好媽媽勳章 BK Milk勳章

4^#

發表於 04-7-6 11:47 |只看該作者

Re: 我嬲到就爆血管啦!!!!!!!!!!!!!!!!!

睇完你所講的野, 我有少少回應.
其實當初我坐月時(4年前), 奶奶都每天下午4-5時來, 6-7就走, 你可以想想我的早, 午餐都係自已攪掂, 因我無請工人, 老公同媽媽又做政府工不能隨便請假(當時我早產), 所以未滿月我已經要煮飯/洗奶瓶/同bb沖涼等家務自已做, 因不想老公放工後太辛苦.所以我盡量自已做.
你回心一想我是第一胎, 同bb沖涼時我真係好怕, 但無奈無人幫, 就算換片都係自已, 有時我在廁所, bb在哭, 奶奶也沒有幫我抱bb, 你可以想像我當時多無助, 你有人幫都好過無人幫, 雖然佢未必做得好好. 但當你一想到有人等如無人時, 就更加氣憤.

備註: 我老公係獨子, 也是他們第一個內孫, 但都受到如此對待, 你明白我的心有多難受.

私人傳訊

~小熊貓~

禁止訪問

積分: 1160

5^#

發表於 04-7-6 12:03 |只看該作者

Re: 我嬲到就爆血管啦!!!!!!!!!!!!!!!!!

提示: 作者被禁止或刪除內容自動屏蔽

私人傳訊

HoWangMami

積分: 11653

6^#

發表於 04-7-6 12:16 |只看該作者

Re: 我嬲到就爆血管啦!!!!!!!!!!!!!!!!!

唔好咁唔開心,其實我未生時奶奶都話得啦,佢會幫手,講到MUD都得,到我生左佢未又係MUD都唔做,結果要我家姐每天放工後就到我處,幫我做家務,幫手照顧BB.要記住佢只係你奶奶,冇可能對你好似對佢D仔女咁的,就好似你都唔會對佢好似對自己MAMI咁一樣,又或者佢已忘記怎樣湊BB呢,畢竟已經係好幾十年前的事了
另外,我想你都要想怎樣安置BB,不要再交她湊, 因為長此下去只會加深你同老公的不和,而且果個此終係佢MAMA,叫佢成日去同佢講你咁湊唔好,咁湊唔得,就算係你對,但話得多,可能佢都會唔高興,同老公商諒下,有咩方法解決啦,支持你架!

私人傳訊

yenho

積分: 10816

7^#

發表於 04-7-6 12:35 |只看該作者

Re: 我嬲到就爆血管啦!!!!!!!!!!!!!!!!!

我已經試過心平氣和去傾, 我講時奶奶就話知, 過後照舊, 佢永遠要佢見到先會信, 最初我同佢講bb 嘔奶, 佢話佢從未見過, 要到佢親眼見, 佢先信. 我話b月個頭轉床用床圍, 佢都話bb 唔會撞, 係咪咩都要佢親眼見, 撞到有事先用呢?? 我都知佢湊大幾個仔女, 但時代唔同, 唔好成日用你以前點點點同我講!! 佢現在都用蒸奶瓶氣啦, 點解唔用水煲呀?? 佢只係接受佢個妹教佢果d, 我同佢講咩都好似係廢話咁! 個仔係我架, 你好彩養得大你d 仔女, 無撞傻, 無燙死, 無啃死, 但唔該唔好咁對我個仔. 問心, 我對佢已經算唔錯, 得閒都會請佢去飲茶, 上佢到差不多次次都買生果, 就算我唔係一個百分百新抱, 我唸都絕對唔係差. 就係因為佢奶奶, 所以我對佢仲好過對自己呀媽!

私人傳訊

積分: 1111

8^#

發表於 04-7-6 12:47 |只看該作者

Re: 我嬲到就爆血管啦!!!!!!!!!!!!!!!!!

我覺得，奶奶坐月時對自已吾好好小事，一頭半個月咁多，咪當睇清楚佢為人。老公吾幫自已出氣，都可以日後再傾，或者佢都一下子適應吾到咁多野，大家要互相體量下，冇理由為咁既奶奶傷感情。但如你打算一路比佢揍，就真係要三思！

我大膽D講，佢既行為係同你作對，再加一個什麽姑奶，我真係吾敢相像之後會掂。我都試過個BB係人地手，我講佢偏吾聽既之味，嗰個仲係自已亞媽tim。我媽都係偏同我作對，我哥講乜都岩我講乜都吾岩，仲要聲大大。有D老人家吾知掂解係要揾人做眼中釘，有D野佢明知係咁，但因為係你講，佢會偏吾聽，我當年忍左好耐至同D親戚講，講親都喊，但都係叫我忍下，就下佢，但針吾吉到肉吾知痛，眼見BB比一個不負責任的老人家揍，又肉赤又冇得鬧，你鬧佢都係咁，吾會改....我忍到我仔1.5歲我炒佢，明知會關係破裂都冇辨法，佢仲要週街唱我冇良心，但唔係咁，我同個仔都冇好日子過。

我會咁諗，如果吾想關係破裂返而你要早"落手"，第日間中見下面，大家好黎好去就算。

私人傳訊

fannyyeung

複式洋房

積分: 222

9^#

發表於 04-7-6 13:39 |只看該作者

Re: 我嬲到就爆血管啦!!!!!!!!!!!!!!!!!

yenho,

睇嚟佢地都唔識湊bb, 不如考慮育嬰院喇, 又可以申請資助tim,

私人傳訊

yenho

積分: 10816

10^#

發表於 04-7-6 14:22 |只看該作者

Re: 我嬲到就爆血管啦!!!!!!!!!!!!!!!!!

育嬰院要一早apply, 而且我問過香港仔無呀.
我知我奶奶好錫bb, 因為係佢第一個孫, 仲要係男孫, 但錫佢同識唔識湊係2 回事, 我唔介意佢唔記得點湊或唔識湊, 但佢完全唔接受人地既意見, 個仔係我既, 唔通我會亂作故仔, 要你同佢用床圍, 唔好比咁熱既奶個bb 飲? 我終於都明點解佢永遠都話我個仔唔肯飲水, 一飲就哭, 佢成日比d 咁熱既奶佢飲, 佢肚餓就話咩都制, 比你燙傷佢都飲, 佢唔餓時喉嚨又痛仲要飲熱水, 佢又點會肯呀??

私人傳訊

16694

民房

積分: 15

11^#

發表於 04-7-6 14:41 |只看該作者

Re: 我嬲到就爆血管啦!!!!!!!!!!!!!!!!!

老公一定幫自己毋親,就算你全部對晒都是你不對,最好自己揍阿b,當奶奶生麻瘋就對喇!千其不要在老公面前說她壞話,一定比老公話你不對,因為我都有一個得麻x煩的奶奶,需然不一齊住但都係好麻煩,失驚無神就來不特止還要攪攪震開下你的櫃,攪下你的水煲,遁下你的房成個董事長咁遁廠,當你教仔佢又爭住晒,什麼都關佢事,樣樣都有佢份.你話死得未呀,重有唔好同佢講咁多,以為好friend就來多幾次,佢只會當你係外人,自己的仔女孫先係自己人,從來唔會諗無你何來有孫,如果有機會搬屋,我會有咁遠搬咁遠,搭車時間長d,又要轉車就very good.奇實我都唔like去奶奶家,周身唔舒服,好似坐監咁.....有一句話應該多些跟老公講.....我嫁的是你*,愛的是你.*不是嫁你的屋企人,請你(老公)好好記住.現在都沒有人唱這首歌仔**雞公仔尾彎彎,做人新抱什艱難**得閒唱兩咀比老公聽,老公無聲出.如果佢嘈你,你問下佢係唔係唱歌都要你批準.如果老公成日都幫住佢,你不如叫你老公番阿媽到飲milk milk..問下老公愛你嗎?有幾愛?阿媽又愛唔愛?有幾愛?這些可能廢話d,但唔同時候就問唔同ga

私人傳訊

積分: 1111

12^#

發表於 04-7-6 14:43 |只看該作者

Re: 我嬲到就爆血管啦!!!!!!!!!!!!!!!!!

慳D使請工人可以嗎？你媽幫到手嗎？我當年都係請工人。千祈吾好諗住冇辦法，你諗下有D媽咪冇亞媽冇奶奶係身邊，都係要解決呢個問題。我嗰時忍無可忍，我諗，都冇乜人會揍得衰過我亞媽la，點解我吾請個工人博一博，結果我重放心左，bb又開心又乖。

BB第一年可能錫+食得飽就夠，但第二年要加埋識得教，呢樣野至最緊要！吾合作既老人家你估佢聽吾聽你枝笛？

私人傳訊