因為呀囡心臟有事而岩岩係5月11號先至正式出院,因為要帶佢去打翻晒d針,就係12號順便去母嬰院問埋d姑娘我點樣可以埋身餵佢,呀囡一出世就要用胃喉,之後就算再學識用口仔食奶都係泵出黎用奶樽餵,未試過有埋身機會,就可能係感,係健康院姑娘教左我技巧但係呀囡唔肯啜,姑娘話佢用奶咀太耐,所以唔肯埋身都無辦法,但係我真係好唔甘心,因為我真係好想比呀囡埋身,希望會有多d奶比佢,係對佢健康最好架,所以我就記住姑娘教我既技巧,自己翻屋企再試過!!
好感因,我真係成功左,呀囡肯啜!!!好開心...前所未有既幸福感
哈哈~
不過有樣野我都想問下,因為埋身係唔知佢食左幾多,我按個胸係有奶出既,感我比佢啜果時係唔係佢一定食倒d奶? 因為我驚我唔按個胸,就算佢啜都只會變奶咀而食唔倒
另外係唔係佢食到飽既話就會唔扭? 我見佢啜得禁上下就瞓左,之後都瞓左幾耐,都有兩餐奶既時間,感係唔係代表佢食到夠飽所以唔會肚餓醒?
今日我再試多次,佢都係啜到瞓左,但我整開佢時佢叫左幾聲之後又係無扭,我問佢有無食飽果時佢仲對住我笑...感又即係佢食飽左
其實我唔係富媽,我平時泵出黎每日既量都係得4~5安左右,而且而家都無任何存貨,我想之後可以既就全人奶比佢,我只係驚一樣就係佢啜唔倒奶食唔飽而只係啜得耐好攰而瞓左感就大獲...
請各位經驗jm指教一下我依個新手埋身人奶媽...感激不盡!!!
呀B你要加油呀!! 爸爸媽媽點都會係你身邊支持你!! 你好叻架!!
發表於 
返回列表
