母乳餵哺今日: 0|主題: 85706

收藏本版

回覆發帖

返回列表

跳至頁

查看: 2224 | 回覆: 30

分享：超窮變小富的故事 [複製鏈接]

clemencebaby

大宅

積分: 4622

1^#

發表於 12-10-4 12:02 |只看該作者 |倒序瀏覽 |打印

各位人奶媽, 我係呢度既新人，餵左人奶9個月。
我BB出世前已經日日黎呢個母乳版學野，對我幫助好大，真係好多謝呢度無私分享既媽媽。
之前因為電腦有D問題APPLY唔到BK既LOGIN ID，而家問題解決左，終於留到言喇~
見到咁多媽媽分享佢地成功餵母乳既經歷，我覺得好感動，我都希望同大家分享下我餵母乳9個月既感受。

我個BB本來響產房有機會埋身，但佢一埋黎含住乳頭, 個咀唔啜的，死都唔啜, 可能無奶啦。返到產後房, 頭一日都係只含唔啜，個樣仲好似好慘咁，我呢個新手媽咪真係無諗過有BB係唔啜奶的。之後姑娘話BB已經出世12個鐘仍然無屎無尿, 問我補唔補奶粉，我都知唔應該補粉，否則難上奶，但我好擔心BB會有事，姑娘又惡, 急起上黎，比左支奶粉佢食，佢一食樽, 竟然啜起上黎，原來佢因為我無奶而唔啜, 真係比佢激死。我當時身心都好累，又擔心BB，結果成日比奶粉佢食，佢又唔肯啜我。
產後4日，我上奶，變左石頭胸，忍痛喊住比C6按摩手擠奶，經過一夜既努力，第二朝開始PUMP到10~20ml初乳比bb食。
有奶出之後再比bb埋身，佢因為有奶食所以突然肯啜，呢個女，真係要有奶出先肯啜，激死。

但埋身既後果係乳頭超級痛，又出水泡又出血泡，我知佢含乳不正確，完全係nipple confusion。幾乎隔日就返健康院搵人奶姑娘教埋身，幾乎成間健康院既人奶姑娘都比我見過哂。但佢仍然體重唔理想，身邊長輩個個叫我餵哂奶粉算，我好DOWN，但無想過放棄。

返工後, 我仍然維持一日PUMP六次，放工後埋身一次，埋身後仍要補泵奶，因為佢真係啜得唔好，佢啜完大半個鐘都仲可以食兩三安奶....佢兩個月果陣，一日都要補一至兩次奶粉。返工後我每日都只能瞓到4個鐘左右，因為半夜我會起身PUMP一次奶。
有一樣野我真係好感恩，響咁疲勞又長期缺乏休息既情況下，我既奶量都無跌，三個月既時候，仲竟然可以做到全人奶，初時我真係好擔心返工後會越來越少奶.....

返工時我初初PUMP三次，到左BB6個月，就減少一次變兩次，回家再埋身再PUMP。
我BOSS好好，好體諒我餵人奶，容許我走左去PUMP奶，一句怨言都無發過，仲話我PUMP奶「完全無問題，呢D野唔洗問過我架」，佢講呢句說話時我差點感動到想喊，佢又比我做一D較為輕鬆既工作，等我可以無咁辛苦。我BOSS係一個無小朋友既男人，但佢都可以咁樣體諒我。我可以全人奶, BOSS好有功勞。

我BB滿月時生長線係3，三個月時開始全人奶，上到75，到而家9個月，超過左75。自5個月起, 冰箱常滿, 全是冰奶。
佢自四, 五個月起, 埋身食有好大改善，慢慢佢可以埋完身唔洗補奶，放假時我可以全埋身，做少好多功夫呢！
餵人奶真係好考驗一個媽咪既意志，由於個開頭做得唔好，我行左好多冤枉路，但亦都明白產後真係有好多狀況係自己控制唔到，好似我個衰女如果無奶佢真係死都唔肯啜，真係迫唔到佢，搞到上奶慢，PUMP出黎又唔夠佢食，要補粉。所以我好能夠體會半人奶媽既心情，我地都係想盡能力比最好既食物BB。無論點樣，都唔好放棄，最終係會成功。

產後9個月，我可以講我既身體比做女時強壯左，餵人奶既辛苦無拖垮我既健康。我產後至今都好少病，C6病埋，我同BB都無事，就算我都病埋, 我幾日內會好返...可能因為我都係一個全人奶寶寶，我媽全人奶餵到我半歲，只問身體都唔錯，比食奶粉大既兩個弟弟好好多。我唔係期望BB無病無痛，而係想佢盡量食得健康D, 為佢健康加得一分得一分，我點都唔想做全泵媽，係因為好享受同BB既親密時光，一生之中，只有頭一兩年同BB咁CLOSE咁SWEET，真係要珍惜。雖然我要返工，但因為我餵人奶，BB好跟我，佢成日笑，見到佢笑咩辛苦都唔記得啦！餵人奶呢個經歷對我影響都好深，每逢育兒遇到困難，我都回想一下，自己幾辛苦都堅持餵人奶，有咩問題係解決唔到呢？好快我就會重新振作。

希望大家餵人奶都餵得開開心心，順順利利。