母乳餵哺 今日: 0 | 主題: 85706

積分: 8526

1^#

發表於 12-10-4 09:49 |只看該作者 |倒序瀏覽 |打印

我平時每日預備四支五安奶俾我奶奶湊bb, bb飲奶係10點、1點、4點、7點，bb 7 點果轉奶唔會好合作，通常飲到8點左右。尋晚我同老公分別約左人食飯，我驚我夜返bb喊肚餓，所以預備多一支五安奶，同奶奶講如果我地夜返先餵，如果唔係等到第二朝餵。
咁我同老公咁啱9點都走，我返屋企洗泵同雪返公司泵d奶，佢去奶奶度湊bb。我特登叫我老公上車(果陣大約9:15)打俾奶奶，叫佢唔好再開支奶，廢事又餵又掃風要等成粒鐘先走得。
我老公返到黎，我見有4個吉樽，再confirm 係咪仲有支五安響奶奶度。點知我老公返剩返兩安左右!!! 我問唔係無餵最後果支咩? 我老公答話奶奶驚我地夜返，所以7點果轉奶加左兩安!!!

我知平時奶奶每日都倒我三四安奶架喇(佢應該每餐都剩一安半安)，咁我知佢湊得辛苦，都無干涉，惟有自己默默地泵泵泵。好在家下每晚埋身後，全日都泵到20幾安，所以都隻眼開隻眼閉啦。但今次真係興興地。明明佢都知bb最後果餐奶唔係好合作，平時暖五安，有時食3安左右就收手，十次有九次都食唔哂。我每次上去都惟有唔望支剩奶，免得自己upset。5安都食唔哂，做乜仲要暖7安出黎? 以為倒多d出黎bb就會食哂咩?!! 咁樣做除左嘥多我兩安奶仲有甚麼意義??? d 奶放得一個鐘又唔可以再食，佢肚餓要食咪到時先再暖過囉!!!! 我係泵媽唔係乳牛呀!!! 吼吼吼!!!

0 0 0

私人傳訊回覆引用

darichie

子爵府

積分: 13489

2^#

發表於 12-10-4 10:30 |只看該作者

回覆：VickyCY 的帖子

旁人唔明我地奶媽滴滴皆辛苦架嘞

私人傳訊回覆引用

buibui2002

積分: 7883

BK Milk勳章

3^#

發表於 12-10-4 11:02 |只看該作者

回覆：吼!

我系ftm同奶奶住, 屋企所有開支都系奶奶比, 佢一向都要佢個孫食新鮮奶, 掉0西我雪柜13，4安用尼看門口既雪奶, 我都系返房對住老公喊咋, 以架連奶都費事泵，我奶奶以有我d奶話食就有都唔聽人講

私人傳訊回覆引用

Jen0924

積分: 1578

4^#

發表於 12-10-4 11:03 |只看該作者

唔好咁嬲拉, 所以我都唔俾我工人姐姐餵佢一次過暖咁多出黎,
麻煩d但佢而家開頭暖3-4安咁, 然後先逐安加上去,
因為佢之前食奶唔係食得咁好
我以前有多浪費哂 (冰箱有幾十安過期奶),
而家大個仔16個月反而追奶追到我死.....
(以前一日泵3次就夠....而家唔再肯埋身反而泵多左次數都仲要再追先夠...
其實你可以麻煩你奶奶試下先唔好坐咁多 (反正佢每次都食唔哂???)

私人傳訊回覆引用

積分: 8526

5^#

發表於 12-10-4 11:13 |只看該作者

回覆 buibui2002 的帖子

所以我都只係上黎呻下，同老公up 幾句就算。有時我老公覺得都係果幾安奶，我又唔係泵唔出，為乜要為幾安奶發脾氣又唔開心。每日我都係最遲訓最早起，夜晚洗埋泵吽到點零鐘拿住個泵，老公就瞓到隻豬咁，覺得自己好孤獨。我喊，老公就話咁辛苦唔餵粉算啦。的確我而家泵得出，有時bb有人奶浴沖，但都間唔時有餐餐清，所以好有"積穀防饑"的concept。聽到兩安奶就咁白白浪費左，都忍唔住想爆我老公。

私人傳訊回覆引用

積分: 8526

6^#

發表於 12-10-4 11:23 |只看該作者

回覆 Jen0924 的帖子

bb除左頭兩餐食得好d，之後果兩餐通常都剩多架。我都知湊bb辛苦，所以都不斷同自己講唔好太執著。其實每餐我已經係預多左，每餐都會有一安半安剩左，過去兩個幾月根本就未試過要同一餐加奶。我以前同過奶奶講話倒四安，唔夠再響第二個樽加，奶奶話佢識，都後來佢每餐都倒多好多奶，總之我俾幾多奶，就會倒哂咁多奶出黎。所以後來我d奶全部拎返屋企較好份量先俾老公拎過去。

私人傳訊回覆引用

積分: 8526

7^#

發表於 12-10-4 11:29 |只看該作者

回覆 buibui2002 的帖子

你都唔好upset，咪當多d時間同bb 親近，埋身餵奶奶就無得樽餵。我同老公自己租地方住，先至可以盡情發洩。如果同奶奶一齊住，我諗我乜存貨都無，而我就會日日black face 我老公。

私人傳訊回覆引用

Sammyan

積分: 4414

8^#

發表於 12-10-4 17:07 |只看該作者

回覆：吼!

完全明白，我99又係驚死我餓襯佢個孫，整定晒份量比佢座熱就得，硬係要係第二支倒多安比佢，又攪到食唔晒，下餐又唔夠。都唔知邊個餓襯bb 。

私人傳訊回覆引用

Yeshi

複式洋房

積分: 399

9^#

發表於 12-10-4 18:11 |只看該作者

回覆：VickyCY 的帖子

唉，平時賓賓姐姐餵每次呀囡都會飲晒150ML, 但一到我C6餵就一定剩60ML以上！（一見到就無名火起，因為唔係第一次）每次問佢做咩唔餵埋佢？佢就話呀女瞓著左唔肯飲，最後支剩奶就浪費了。

雖然我唔窮，但泵出黎d奶每一滴都有血、有汗、有淚、有無限對呀女嘅愛!!!

所以，我真係好明白你心情... 努力、加油呀！再多嘅障礙都唔會減少我地對BB嘅愛

(有咩唔開心就囉BB啜住奶奶張可愛相出黎睇就會開心番晒)

私人傳訊回覆引用

siuyanmi

積分: 2243

10^#

發表於 12-10-4 19:02 |只看該作者

回覆：吼!

bb真係食得好sweet

私人傳訊回覆引用

beiette

侯爵府

積分: 24510

畀面勳章

11^#

發表於 12-10-4 19:22 |只看該作者

回覆：吼!

錢冇人嫌多，人奶都一樣，嘩，我地滴滴抵萬金架，"哂我奶者死"(我知唔應該唔激動)，我地唔係乳牛囉，唔會行兩行，食下草就有奶囉，我地都要努力!!!

私人傳訊回覆引用

肥騰騰B媽:)