我係一個唔識得表達自己到好失敗既地步既人…
有時就算真係善意既都會令人覺得我有惡意既地步…
結婚4年婚姻關係一直有問題, 經常鬧交/冷戰. 我一直都想主動去改變自己去改善呢個問題…
我以前會因為老公唔做家務而鬧交, 而家我會覺得佢唔做就我自己做, 唔去嘈佢
而家阿B出左世(3個月), 我自問壓力係大左, 即使阿B唔係同我地住, 我星期五晚先湊阿B返屋企, 但因為泵奶同各種家務, 我從來都冇俾過自己好好休息, 我會將自己放工到訓覺之間既時間安排得密麻麻。如果有一刻休息我都會覺得內疚。
尋日咁又發生左一件事…
收工後我地出左旺角買BB野, 食埋飯返到屋企都9點, 為左爭取時間, 我問佢, “你會唔會幫我洗奶泵呀?” 佢話”可以~” 咁於是我就去沖涼。
之後沖完涼出黎, 我見到佢未洗, 我都冇出聲, 諗住自己洗, 點知佢聽到我洗奶泵既聲就衝過黎想要洗, 於是我同佢講
“得啦我自己洗就可以了, 其實我叫你幫我洗係因為我諗住沖完涼出黎就可以泵奶(因為蒸奶泵要時間, 我沖完涼出黎佢就岩岩好蒸完),所以而家冇分別架啦, 不如你幫我收衫洗衫啦, 我唔係唔俾你休息, 只係我自己真係冇時間啦”
我就係講完呢句說話, 佢就著左, 一粒聲唔出收完衫, 我洗完奶泵去問佢
“點解你要發我脾氣? 我明明心平靜氣同你講野”
佢話 “你頭先咁都唔係發脾氣咁我都唔係發脾氣囉”
於是我企係度, 諗左一陣, 又自我反省左一陣, 同佢講
“SORRY呀, 我冇惡意架”
佢都係唔出聲, 於是我再講
“真係SORRY呀… 我唔係覺得你唔做野唔幫我, 我一向唔識講野, 可能你聽左唔舒服覺得好難聽, 但我真係冇惡意架”
講完都係冇用, 咁就冷戰左兩日
我係咪講野真係好MEAN?
發表於 
返回列表
