吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 覺得黃埔JUSCO customer service好差

母乳餵哺今日: 0|主題: 85706

收藏本版

回覆發帖

返回列表

跳至頁

查看: 1023 | 回覆: 8

覺得黃埔JUSCO customer service好差 [複製鏈接]

肥騰騰B媽:)

大宅

積分: 4409

1^#

發表於 12-10-3 08:22 |只看該作者 |倒序瀏覽 |打印

BB四個月未夠就出牙仔，琴日帶咗BB去JUSCO睇吓啲老人家成日講嘅所謂「牙膠」係乜東東。我唔識，走去問個服務員姐姐，佢見我抱住BB，問「係咪四五個月大??」，我話「四個月都未夠」。講完開場白，講返牙膠，講講吓佢問BB有冇脷苔，我諗住有啲咩問題好認真答有，一心想學吓嘢，點知佢只係叫我用紗巾濕凍滾水幫BB抹，唔係佢食嘢食得唔正經，呢啲其實我都知... 我答佢我會用棉花幫BB抹，佢用責備口吻話要用紗巾唔好用棉花，我心諗手巾仔易生細菌，點解用紗巾都唔用棉花，佢就話除非用脫脂棉，如果唔係啲棉花一絲絲甩出嚟BB食咗會肚痛，我心諗我梗係唔會用嗰啲棉花啦... 佢又開始問BB啲便便點，我已經開始聽唔入耳，佢講完我答佢「BB食人奶啲便便係稀啲」，佢一句話「咁你食得唔好啦!!」，我真係火都嚟!!!!!! 佢話「你食得好佢唔應該係咁嘅碼」，姐姐，我啱啱行埋嚟你仲估大咗我個仔，而家你又話佢奀!? 仲要你一吓就話係我唔好，我都係打算問吓牙膠喺邊啫，冇諗過要俾你批評!! 同個仔行街無端端俾人激親!! 我好唔鍾意呢間JUSCO!!

0 0 0

私人傳訊回覆引用

SmallRiceBB

男爵府

積分: 9751

玩具勳章

2^#

發表於 12-10-3 09:48 |只看該作者

回覆：覺得黃埔JUSCO customer service好差

佢可能對人奶認識少者，你教番佢麻。至於清潔口腔，健康院姑娘都係教用紗巾或者紗布，棉花係冇用喎！

私人傳訊回覆引用

maggie625

伯爵府

積分: 15258

陪月勳章

3^#

發表於 12-10-3 10:02 |只看該作者

回覆：覺得黃埔JUSCO customer service好差

bb部d阿姐係甘。有次佢地落手swll 我買樽，我講左埋身吾需要買樽。佢地就叫我買來餵水。我表明左人奶bb不喝水，佢地成班就圍住你係甘問點得嫁，bb個口好乾嫁，冇飲水身理機能吾掂等等

私人傳訊回覆引用

bobo1101

大宅

積分: 2243

4^#

發表於 12-10-3 11:02 |只看該作者

琴日我行過, 都聽到有個sell野既阿姐sell緊個客,
講d野好唔專業但扮專業, d大肚媽媽唔識野好易俾佢老點..

私人傳訊回覆引用

beiette

侯爵府

積分: 24510

畀面勳章

5^#

發表於 12-10-3 11:20 |只看該作者

回覆：覺得黃埔JUSCO customer service好差

對於d冇人奶常識既人，唯有一句爆埋去:講左咁多野，咁你到底有冇餵過人奶先? ，通常講呢句，d人就會收斂…

私人傳訊回覆引用

肥騰騰B媽:)

大宅

積分: 4409

6^#

發表於 12-10-3 15:04 |只看該作者

引用：佢可能對人奶認識少者，你教番佢麻。至於清

原帖由 SmallRiceBB 於 12-10-03 發表
佢可能對人奶認識少者，你教番佢麻。至於清潔口腔，健康院姑娘都係教用紗巾或者紗布，棉花係冇用喎！

...

口腔護理嘅意見尚可參考，我知有啲人係用紗巾，有啲人係用濕紙巾，只不過我覺得紗巾幫BB沖涼，抹勻全身，會抹埋個pat pat，就算每次會洗乾淨我都過唔到自己嗰關再塞入BB個口，濕紙巾我自己又驚有化學物質，所以先用棉花，咁大家有唔同諗法我覺得係正常嘅，但唔需要責備我，甚至後來咁樣攻擊我，我覺得好過份!!

點評

piglet_be 無人叫你抺PAT PAT同抺咀都係用同一條紗巾喎。發表於 12-10-3 23:13

私人傳訊回覆引用

肥騰騰B媽:)

大宅

積分: 4409

7^#

發表於 12-10-3 15:30 |只看該作者

引用：對於d冇人奶常識既人，唯有一句爆埋去:講左

原帖由 beiette 於 12-10-03 發表
對於d冇人奶常識既人，唯有一句爆埋去:講左咁多野，咁你到底有冇餵過人奶先? ，通常講呢句，d人就會收斂… ...

我冇意同個姐姐嗌交，費事窒佢，佢講咩我都由佢講，我聽唔聽入耳係另一件事。佢又唔知我飲食習慣又唔知我個仔幾重，最重要佢估我個仔幾大都未估得準就判斷我個仔唔應該咁細粒，我真係唔知佢憑乜嘢咁大口氣，佢聽到我餵人奶就即刻睇唔起我，我真係好嬲!! 佢都唔係做service嘅，咁樣撩起人把火!!

私人傳訊回覆引用

LL1999

珍珠宮

積分: 35418

牛年勳章 HiPP勳章(1) 2018母親節勳章 2018復活節勳章開心吸收勳章育兒性格勳章我的育兒心得勳章 hashtag影視迷勳章叻叻勳章 wyeth冷知識勳章畀面勳章 BK Milk勳章

8^#

發表於 12-10-3 17:06 |只看該作者

其實我唔明樓主點解咁嬲

3 唔識 7 既人, 都係講下啫, 唔駛咁上心

啱聽咪聽, 唔啱聽咪笑下算囉!

點解咁激氣!

至於佢話妳餵人奶餵得唔好, bb 細碼! 唔駛咁介懷!

我餵阿囡食人奶到一歲多, 一直都係細碼 b,

出親街, 都唔知比幾多個人話過了!

嬲得幾多?

只要 bb 健健康康就 ok 啦!

私人傳訊回覆引用

肥騰騰B媽:)

大宅

積分: 4409

9^#

發表於 12-10-3 18:33 |只看該作者

引用：其實我唔明樓主點解咁嬲3+唔識+7+既人,+都

原帖由 LL1999 於 12-10-03 發表
其實我唔明樓主點解咁嬲

3 唔識 7 既人, 都係講下啫, 唔駛咁上心

冷靜返落嚟理智啲諗真係唔知有乜好嬲，個姐姐口不擇言係佢嘅事，但嗰刻真係好火，好想講返出嚟。其實我個仔出世都有7磅半，唔係細隻B，不過旁人成日覺得我唔夠奶俾佢食，話BB越嚟越縮水，不斷俾壓力我，又叫我餵奶粉，又勸我唔好勉強... 其實我個仔體重keep住喺75線，身高亦喺最頂頂幾乎超標，健康院姑娘都話佢大隻，未滿月開始到而家都成日俾人估大佢一兩個月，但身邊啲人就係俾「食人奶」蒙蔽，一知道係食人奶就話BB細粒，我覺得呢啲說話係對媽媽嘅侮辱，亦係對新手媽媽嘅打擊!! 就係呢啲難聽嘅說話令好多媽媽受唔住壓力而動搖，與其話我好嬲，不如話我好痛恨呢種風氣，呢個姐姐嘅說話，我真係好難從容面對!!