母乳餵哺 今日: 0 | 主題: 85706

積分: 3134

1^#

發表於 12-9-19 14:38 |只看該作者 |倒序瀏覽 |打印

6:30起身泵奶, 之後返工, 1:00泵奶, 8:00返到屋企食飯, 9:00幫bb沖涼, 9:30泵奶, 11:00一泵完我已經頂唔順上床, 訓到聽朝6點, 連沖涼時間都冇, 同bb玩既時間都唔多過10分鐘

因為唔夠訓, 身體已經發出signal, 我究竟點樣可以捱落去?

你地點樣爭取時間休息及同bb玩?

0 0 0

私人傳訊回覆引用

ZW1117

男爵府

積分: 7633

2^#

發表於 12-9-19 15:04 |只看該作者

回覆 Bbtvsvod 的帖子

我都係每朝 6:00 起身埋身餵, 夜晚 1:00 幾先瞓.. 頭幾日頭痛....

上車即瞓 (不醒人事咁...), 同 BB 玩只有埋身餵同埋星期六日那些時間....

私人傳訊回覆引用

chrisbaby

禁止訪問

積分: 5250

3^#

發表於 12-9-19 20:17 |只看該作者

提示: 作者被禁止或刪除內容自動屏蔽

私人傳訊回覆引用

sumyauyau

積分: 2480

4^#

發表於 12-9-19 20:37 |只看該作者

引用：回覆+Bbtvsvod+的帖子我都係每朝+6:00+起

原帖由 ZW1117 於 12-09-19 發表
回覆 Bbtvsvod 的帖子

我都係每朝 6:00 起身埋身餵, 夜晚 1:00 幾先瞓.. 頭幾日頭痛....

我都係，後來慣左會好少少，希望到6個月會輕鬆d

私人傳訊回覆引用

積分: 3134

5^#

發表於 12-9-19 20:41 |只看該作者

chrisbaby 發表於 12-9-19 20:17
想問你中午一點泵完,而後夜晚九點再泵,中間不用泵嗎??我回家通常都係埋身餵,餵奶時咪同BB講下野囉,我仲有個 ...

返工只有lunch時間泵, 其餘時間要做野嘛, 我又放7點, 通常捱到返屋企食埋飯先有時間泵, 其實好似我呢D工時長, 返工車程又長既媽媽係咪應該放棄人奶呢?
我而家返到屋企連玩BB既精神都冇, 剩係想訓覺, 胃口又冇, 又唔敢食藥, 為了bb, 自己的精神健康通通陪上了......

私人傳訊回覆引用

積分: 4409

6^#

發表於 12-9-19 21:18 |只看該作者

引用：Quote:chrisbaby+發表於+12-9-19+20:17+想

原帖由 Bbtvsvod 於 12-09-19 發表
返工只有lunch時間泵, 其餘時間要做野嘛, 我又放7點, 通常捱到返屋企食埋飯先有時間泵, 其實好似我呢D工時 ...

我都係在職媽媽，近嚟好多同事辭咗職，公司忙到打仗咁，我放咗工仲要返學。學校、公司都唔近屋企，要個幾兩個鐘車程。就算唔使返工喺屋企我仲要做功課、溫書，但我冇諗過要放棄餵人奶，BB而家三個月大，未飲過半滴奶粉。我相信只要清晰知道餵人奶嘅目的，就會有方向知道應唔應該放棄。

私人傳訊回覆引用

積分: 3134

7^#

發表於 12-9-19 22:49 |只看該作者

肥騰騰B媽:) 發表於 12-9-19 21:18
我都係在職媽媽，近嚟好多同事辭咗職，公司忙到打仗咁，我放咗工仲要返學。學校、公司都唔近屋企，要個幾兩 ...

咁你點頂眼訓?我一唔夠訓就頭痛, 仲生到成口飛滋, 又唔敢食藥, 唔係唔清楚目標, 係好清楚但身體已經發岀警號, 你咁耐都冇病過?

私人傳訊回覆引用

積分: 4409

8^#

發表於 12-9-19 23:27 |只看該作者

引用：Quote:肥騰騰B媽:)+發表於+12-9-19+21:18+

原帖由 Bbtvsvod 於 12-09-19 發表
咁你點頂眼訓?我一唔夠訓就頭痛, 仲生到成口飛滋, 又唔敢食藥, 唔係唔清楚目標, 係好清楚但身體已經發岀警 ...

我身體都好虛弱，啱啱驗到有咗第二日返工途中就暈咗不省人事入咗醫院，一路陀到臨生放產假，中間都仲暈過幾次要留院觀察檢查。我生完未出院時試過夜晚十一點餵BB餵到第二朝七點冇瞓過，因為一放低就喊，喊我又餵吓佢，一放低又喊，我又再餵... 基本上生完真係冇一覺瞓得長過四個鐘。到我要返工，有時BB扭到一點先瞓，好彩嘅就早啲，九點十點瞓着，唔好彩嘅一點幾餵完三點幾佢又醒咗，都係要氹佢啦，五點幾我就要起身，餵BB、留奶奶俾BB、梳洗完返工，長途跋涉搭完車返到公司趁夠鐘開工前我會再留多次奶奶。係好攰，但我認為值得嘅!! 頂眼瞓我純粹靠意志，有時真係好想瞓耐啲，但我知我再瞓就唔夠時間做咁多嘢，星期六日或假期多啲時間先瞓返多啲。我有病過，早幾日先發完燒，燒到個人神智不清。湊小朋友我預咗會冇覺好瞓，辛苦就靠意志力撐住，或者諗多啲其他方法解決。

私人傳訊回覆引用

朵朵

積分: 1538

9^#

發表於 12-9-19 23:58 |只看該作者

回覆：肥騰騰B媽:) 的帖子

真的好佩服你，我喂咗8個月就停了。當時覺得好辛苦，日日唔夠瞓，頭痛。但看到你，覺得我那些辛苦算唔到咩。

私人傳訊回覆引用

amypunwm

積分: 1750

10^#

發表於 12-9-20 01:07 |只看該作者

我都係靠意志捱眼瞓, 生B之後, 我無一覺瞓多過四個鐘
可能我未生前都捱得, 以前由中學讀到master, 我都有半夜起身做功課或者温書
而家我d家務盡量由家人分擔, 我負責餵bb同泵奶,洗泵
埋身時我同BB傾計親子
我在公司除lunch外, 都只偷了全日二十分鐘泵奶
我bb而家六個月, 全人奶, 返左三個半月工
只要有目標, 一定可以堅持

私人傳訊回覆引用

積分: 4409

11^#

發表於 12-9-20 07:30 |只看該作者

引用：真的好佩服你，我喂咗8個月就停了。當時覺

原帖由朵朵於 12-09-19 發表
真的好佩服你，我喂咗8個月就停了。當時覺得好辛苦，日日唔夠瞓，頭痛。但看到你，覺得我那些辛苦算唔到咩 ...

八個月都好厲害，我而家都只係餵咗三個月多啲。

私人傳訊回覆引用

siuyanmi

積分: 2243

12^#

發表於 12-9-20 08:38 |只看該作者

回覆：只係返左2日工, 已經病左.....

真係好有共鳴。我係超窮在職泵媽，間中埋身。我住得遠，返工時間超過一小時，我返工前會泵，早半個鐘返到公司目的係在開工前泵一次，到中午食飯時間又泵，放工後係公司泵完先走，返到屋企埋身餵完又泵，如阿b半夜要奶，埋身後泵清，跟住又第二朝喇，repeat n repeat everyday...
但我都仲有時間同阿b玩，15-30分鐘一日，係食晚飯前後，然後我先沖涼，泵完先瞓。
雖然我好努力，但每日仍要補2-3餐粉。我食n咁多種上奶嘢：motherlove, 椰油丸，多奶茶，黑豆漿，牛奶，木瓜魚尾章魚湯等等。身邊人包括c6同媽媽見我攪咁多嘢都咁少奶都叫我唔好餵，不過我從未想過放棄...
我b依家5個月，健康活潑，扎實靈活，呢啲係錢買唔到架。

私人傳訊回覆引用

siuyanmi

積分: 2243

13^#

發表於 12-9-20 08:46 |只看該作者

引用：Quote:原帖由+Bbtvsvod+於+12-09-19+發表咁

原帖由 肥騰騰B媽:) 於 12-09-19 發表
我身體都好虛弱，啱啱驗到有咗第二日返工途中就暈咗不省人事入咗醫院，一路陀到臨生放產假，中間都仲暈過幾 ...

冇錯，意志力係可以抵抗睡魔同病魔，唔好睇少自己。

私人傳訊回覆引用

積分: 4409

14^#

發表於 12-9-20 10:45 |只看該作者

引用：Quote:原帖由+肥騰騰B媽:)+於+12-09-19+發

原帖由 siuyanmi 於 12-09-20 發表
冇錯，意志力係可以抵抗睡魔同病魔，唔好睇少自己。

多謝支持呀!! 我生完身體又復元得比較慢，老爺奶奶老公又同我講不如餵奶粉，嗰段時間我有諗過我嘅堅持係咪多餘。我奶奶話人奶係好，不過做唔到都冇辦法。其實我唔知點解一開始佢就幫我打定輸數，成日問我有冇諗過唔夠奶餵邊隻奶粉... 我夠奶都仲要追奶，除咗追俾BB食，仲要追俾奶奶睇，真係搞笑... 而家成個冰格都塞滿晒奶，多到放唔落有啲我留咗喺公司冰格，有啲我放咗喺娘家嗰邊，我奶奶開始冇出聲。講多少少，我唔係用泵泵奶，係靠雙手揸出嚟，因為我試過用泵泵極都得好少好少，放完假我想繼續餵，發覺用手先留到奶奶，咁唯有用手。我揸到啲手指關節超痛，痛到隻隻手指都伸唔直，仲試過手抽筋，而家個胸俾我㩒到瘀晒咁一撻撻，但我會堅持!! 講咁多我係希望餵緊人奶嘅媽媽可以繼續努力，唔好因為覺得辛苦而氣餒，BB嘅成長係我哋努力嘅回報，加油!!

私人傳訊回覆引用

siuyanmi

積分: 2243

15^#

發表於 12-9-20 11:55 |只看該作者

回覆：只係返左2日工, 已經病左.....

私人傳訊回覆引用

MrsWongJr

積分: 1815

16^#

發表於 12-9-20 12:26 |只看該作者

引用：真係好有共鳴。我係超窮在職泵媽，間中埋身

原帖由 siuyanmi 於 12-09-20 發表
真係好有共鳴。我係超窮在職泵媽，間中埋身。我住得遠，返工時間超過一小時，我返工前會泵，早半個鐘返到公 ...

我都係在職窮媽，不過BB無飲夜奶我可以半夜泵湊數，佩服你的堅毅和意志，支持你撐落去！

私人傳訊回覆引用