吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 真係好辛苦，好想拋棄一切離開，覺得堅持唔到啦！ ...

母乳餵哺今日: 0|主題: 85706

收藏本版

回覆發帖

返回列表

跳至頁

查看: 2692 | 回覆: 80

真係好辛苦，好想拋棄一切離開，覺得堅持唔到啦！ [複製鏈接]

12 3 4 5

tityting

男爵府

積分: 6675

1^#

發表於 12-9-15 21:07 |只看該作者 |倒序瀏覽 |打印

生之前一直同自己講要餵人奶，好努力去做，阿B唔識啜，我搵母乳顧問，搵母乳姑娘，點知要同阿B隔離14日，只可以泵，到依家做全泵媽，都唔緊要，因為可以做到全人奶。但阿B一日痾8-10次便便，好擔心，雖然返健康院䧛重ok,但成日都擔心D奶擺雪櫃衛唔衛生，係咪因為我D奶唔新鮮搞到阿BD便便咁稀又咁多？阿B生活冇規律，一時三個鐘食一餐，一時二個鐘，一時食130ml,一時又50ml,戒唔到夜奶，成日扭抱，唔抱又喊，抱又喊，冲涼又喊，換片又喊，一肚餓就喊到拆天，坐熱D奶需要時間，佢勁喊，喊到我好無助，好慌亂。一日瞓得3個鐘，好驚自己單獨對住阿B，好驚佢夜晚12點前瞓，因為驚意味住我夜晚無得瞓。老公返shift,佢一出門口我就盼佢返來,夜晚阿B嘈，老公抱佢瞓有時要抱成個幾鐘先得，有時未必得添。我睇住佢我就好內疚，佢返工咁辛苦，夜晚都冇得瞓，好想自己湊，但真係好攰，又要趁佢湊緊我就抓緊時間泵奶。老公下星期返通宵更，要自己面對，我好驚，真係覺得自己好無用，我覺得好辛苦，好懷念以前自由自在的生活，我知我衰，我賤，但我好攰好攰，咩都擔心。佢食得多我又驚，佢食得少我又驚，瞓得多我又驚，瞓得少我又驚，痾得多我又驚，痾得少我又驚，我真係好大壓力，好辛苦，好壓抑，我可以點啊？

0 0 0

私人傳訊回覆引用

LCY30

子爵府

積分: 14923

2018復活節勳章開心吸收勳章最關心BB問題熱投勳章熱血勳章 BK Milk勳章

2^#

發表於 12-9-15 21:18 |只看該作者

唔好咁諗，初生BB係咁，俾多啲愛心佢，佢會感受到妳的愛；加油！新媽媽！

私人傳訊回覆引用

yan-323

男爵府

積分: 9439

3^#

發表於 12-9-15 21:29 |只看該作者

回覆：真係好辛苦，好想拋棄一切離開，覺得堅持唔到啦！

你bb係唔係未到一個月？第一個月係咁辛苦的，好多次便便，食無定時，常常哭。我個b都係咁，但到個几兩個月就好好多。現在4個月好乖了，4個鐘食一次，少哭中意笑，很可愛。所以努力呀，好快過了

私人傳訊回覆引用

tityting

男爵府

積分: 6675

4^#

發表於 12-9-15 21:41 |只看該作者

回覆：yan-323 的帖子

五個禮拜啦

私人傳訊回覆引用

ddddssss

大宅

積分: 4543

陪月勳章

5^#

發表於 12-9-15 21:41 |只看該作者

回覆：真係好辛苦，好想拋棄一切離開，覺得堅持唔到啦！

加油，一定得架，bb喊係本能反應，不要太介意。建議你同老公，姑娘講出心聲，佢地會幫你的。

私人傳訊回覆引用

seaofcandy

別墅

積分: 565

6^#

發表於 12-9-15 21:55 |只看該作者

回覆：真係好辛苦，好想拋棄一切離開，覺得堅持唔到啦！

放鬆d奶媽，頭個幾月係會比較辛苦，bb直腸直肚，餐食餐痾，正常架。bb喊未必一定喊餓，所以有時會好似食好少。

有冇諗過幫佢set 一個約莫嘅schedule黎食？你呢個情況，可能會對你好d，你自己可以control 返d時間。

唔好比太大壓力自己呀！

私人傳訊回覆引用

maggie625

伯爵府

積分: 15258

陪月勳章

7^#

發表於 12-9-15 22:06 |只看該作者

回覆：真係好辛苦，好想拋棄一切離開，覺得堅持唔到啦！

媽媽放鬆d! 佢有重咪得lor 。吾駛諗佢食得多定少嫁，正如大人都會有 up and down 啦。你今日食甘多吾代表聽日食個量都一樣。仲有便便問題都吾好擔心呀，人奶b 便便係水d 嫁。你其實好叻女嫁喇，你明白到人奶對bb 最好又努力做左！！
佢而家五星期大，你可能會辛苦d,因為佢開始愈喊愈大聲，你可能會覺得好心煩。加油呀。我bb 果時都係甘。但到八周大就好好多。我老公長返通宵嘅，我明白夜間可能會覺得有d無助，但你試下慢慢同bb 相處，你會發生其實bb 真係好喜歡媽咪嫁！！！！

私人傳訊回覆引用

大眼的Dog

子爵府

積分: 11812

8^#

發表於 12-9-15 22:08 |只看該作者

回覆：tityting 的帖子

唔好自責，初生係咁架。片多正常，便便稀又正常。我個女而家7周，兩日前開始夜晚訓到6個鐘，我12點餵叫做天光先要起身。我之前都好似你咁，bb喊，掃唔到風嘔奶，片片漏又要換衫，換得衫來佢又醒晒喊。怕係佢嘔左唔飽又再餵。呢個cycle一晚loop左三次，搞成兩三個鐘，個下真係好後悔生左bb，又想叫老公拎個囡俾99算，唔要啦。之後我地夜晚俾一餐粉粉，情況有改善左。你食泵奶都有時有候有份量，唔錯架啦。挨埋呢幾個星期，聽講三個月左右就好多啦。一齊加油啦。

私人傳訊回覆引用

maggie625

伯爵府

積分: 15258

陪月勳章

9^#

發表於 12-9-15 22:08 |只看該作者

引用：放鬆d奶媽，頭個幾月係會比較辛苦，bb直腸

原帖由 seaofcandy 於 12-09-15 發表
放鬆d奶媽，頭個幾月係會比較辛苦，bb直腸直肚，餐食餐痾，正常架。bb喊未必一定喊餓，所以有時會好似食好 ...

支持set routine,我由六周大開始set. 而家九周大已掌握曬時間，晚上佢訓到九個半鐘

私人傳訊回覆引用

snowkit

大宅

積分: 2446

10^#

發表於 12-9-15 22:24 |只看該作者

引用：生之前一直同自己講要餵人奶，好努力去做，

原帖由 tityting 於 12-09-15 發表
生之前一直同自己講要餵人奶，好努力去做，阿B唔識啜，我搵母乳顧問，搵母乳姑娘，點知要同阿B隔離14日，只 ...

儍豬厘既，係咁喎，我个B都一樣！飲人奶係稀便便，—日8-丨2次好正常，BB次次飲奶都痾—次喎！BB细个係常喊，我个女都—樣，有DBB係咁架，你唔好理佢，總之餵飽佢，換好片，佢喊未抱下羅，佢仲喊未有佢，係有DBB唔知点解会常喊既，正常架，亦有BB唔喊，我个仔孰唔喊喇，个个小朋友都唔同架！你肯去照顾佢已经好好，晤好要自已咁大壓力，而且真係好攰，我生阿女時—年無覺好瞓，你有無人可以幫你凑—陣？長期不夠瞓係会令人好沮丧，你最好真係搵個人幫—下，等你有時間抖下氣

私人傳訊回覆引用

ballballkaka

公爵府

積分: 26124

有「營」勳章叻叻勳章

11^#

發表於 12-9-15 22:32 |只看該作者

辛苦嘅時候望下BB...乜都值喇!!
加油呀!!

私人傳訊回覆引用

tityting

男爵府

積分: 6675

12^#

發表於 12-9-15 22:51 |只看該作者

回覆：maggie625 的帖子

點樣set schedule 啊？

私人傳訊回覆引用

scmtse

男爵府

積分: 9224

13^#

發表於 12-9-15 23:08 |只看該作者

回覆：真係好辛苦，好想拋棄一切離開，覺得堅持唔到啦！

人奶B係痾得多㗎!先先係痾成十次八次，我都唔明d姑娘唔講比你聽，等你白擔心!遲下BB可以成十日八日唔痾呀!好正常。我先先都好似你咁辛苦，每日我一路煮飯一路喊，食又喊，自己又要半夜泵半夜餵又喊，覺得點解可以咁辛苦。第一晚，BB係屋企喊足十九個鍾，個時自己一個抱住，超喪。BB又食極唔增磅，d姑娘一個鬧我唔埋身，一個就叫我泵，我個時一個月都唔去健康院，因為一去又喊。不過好快BB會對住你笑，同你有眼神接觸，真係乜都抵番唒。跟住我兩個月返健康院，亞B高度，重量全部生長線50 以上，姑娘一句＂人奶B真係聰明d\" 個刻真係覺得辛苦算得係乜。依家BB真係好多野都ahead。所以辛苦只係開始，之後好多野上左手，有routine 就容易好多。一齊努力，唔好放棄，人奶媽係好辛苦，好多野要sacrifice, 又冇乜人明，同人呻就一句奶粉，真係鬼唔知亞媽係女人咩!你經歷既，所有jm 都經歷過!

私人傳訊回覆引用

scmtse

男爵府

積分: 9224

14^#

發表於 12-9-15 23:12 |只看該作者

回覆：真係好辛苦，好想拋棄一切離開，覺得堅持唔到啦！

重有半夜上BK，呢度大把人奶媽陪你，我冇BK都堅持唔倒咁耐!

私人傳訊回覆引用

netbc2001

禁止訪問

積分: 1478

15^#

發表於 12-9-15 23:21 |只看該作者

引用：點樣set+schedule+啊？ +

提示: 作者被禁止或刪除內容自動屏蔽

私人傳訊回覆引用

ww1003

大宅

積分: 4201

16^#

發表於 12-9-15 23:25 |只看該作者

回覆：真係好辛苦，好想拋棄一切離開，覺得堅持唔到啦！

你好叻啦！初生係咁架！我又係緊張大師！我十幾日已辛苦加累得成個人虛脫咁，之後又不停發燒發冷，仔喊到咀角流血！仲係只請了一個月的工人姐姐前喊，但抱住bb就不停同自己講，為咗佢健康，一定要撐住！有野唔明唔好估估下，多些上嚟看或問，我在這板真的學到好多好多！好多jm真的好好人！

你要加油！

私人傳訊回覆引用

darichie

子爵府

積分: 13489

17^#

發表於 12-9-15 23:27 |只看該作者

回覆：maggie625 的帖子

咁犀利?點set?

私人傳訊回覆引用

ww1003

大宅

積分: 4201

18^#

發表於 12-9-15 23:29 |只看該作者

回覆：真係好辛苦，好想拋棄一切離開，覺得堅持唔到啦！

我成日同bb講:我第一次做媽媽，你第一次做bb！俾下面好喎！

點評

begoodtome

like!!! 發表於 12-9-17 18:00

私人傳訊回覆引用

kyobi

伯爵府

積分: 15667

19^#

發表於 12-9-15 23:52 |只看該作者

回覆：真係好辛苦，好想拋棄一切離開，覺得堅持唔到啦！

傻女，唔好俾咁大壓力自已，全人奶B係稀便架，我隻B去到兩個月先可以連續瞓到4~5個鐘（夜晚），日頭係直頭唔瞓，最多食完奶小睡半個鐘，之後就喊要扭抱，我隻人仔呢兩個半月幾乎係痴喺我身上。

係呢一個禮拜佢先叫戒到夜奶（12點瞓到6：30），之前既時間係不停起身餵奶／換片／掃風咁循環。去到2個月至3個月會好好多架喇，暫時都仲要辛苦一段時間，俾心機呀，呢度好多姊妹會比正能量你！
另一樣嘢，我擔心你有少少產後抑鬱，打俾健康院同啲姑娘傾下，或者上嚟同BK既姊妹傾下啦！