吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 求有經驗媽媽救命

母乳餵哺今日: 0|主題: 85706

收藏本版

回覆發帖

返回列表

跳至頁

查看: 1241 | 回覆: 26

求有經驗媽媽救命 [複製鏈接]

ema0128

大宅

積分: 4174

1^#

發表於 12-9-9 08:53 |只看該作者 |倒序瀏覽 |打印

我囝囝出世左17日，係大碼B，出世有8.5磅。我一心打算餵母乳，俾最好既囝囝。

在醫院頭兩日，我全埋身餵，囝囝食得好又肯啜，到第三日囝囝發燒兼有黃，被姑娘帶去兒科，結果要打抗生素一個星期，頭三日無得食野，要吊匍匐糖。

頭幾日因為太擔心囝囝，結果無泵到奶，第三日開始，我日泵夜泵，希望等囝囝食得番野就可以俾佢食母乳。。。

我見住自己由頭每次得3、4滴到變成10ml，由透明到黃色到白色。

囝囝第三日後醫生俾佢食番野，但因為體重跌得多(8%)，所以醫院開90ml(3安)配方奶俾佢。

囝囝出院後，由於我泵出黎既奶量仍然只有10ml，所以唯有每餐埋身餵後再補配方奶俾佢。

但呢幾日發現囝囝實在太纏身，一扭就要啜，婆婆麻麻爸爸都抱唔掂，由於我既工作常要周圍走，一年亦有2次要出trip，每次2星期。如果我全埋身餵實在有難度，所以我考慮做全泵媽，咁其他人都可以湊到囝囝，但係，我奶量而家只能泵到20ml。

最多既一次係前兩日太累一覺訓天光，朝早泵到接近30ml。但之後每次泵到變番正常既20ml，仲要係左右兩邊加埋一齊計。

而家既我好苦惱。。。

想做全泵媽，但點解日泵夜泵每次都只得20ml？？？？我已經日日飲黑豆茶、上奶湯水(木瓜魚、木瓜雞腳、通草)、2杯鮮奶。

囝囝每隔3個半鐘食一餐，我就一係埋身餵左先，一係泵左先，跟住先補配方奶俾佢。每次時間差唔多，我就會自動漏奶兼谷胸。每次泵完都有清曬感覺，泵都有奶柱，但幼到好似頭髮絲咁，每次泵大約半個鐘左右，兩邊輪流每幾分鐘轉一次，通常泵到後期就變左每吸3下先有一滴。(個泵用緊M牌電單泵)，試過泵完用手擠，但都係慢慢一滴滴出黎，手又累。我每次都檢查有無白點有無塞、但又無喎。。。

到底我應該點算？想做全泵媽，但奶量完全唔夠。
要埋身餵，我又怕囝囝太纏身，怕坐完月後返工無人湊得佢掂。

救有經驗媽媽教路。

PS : 我個胸只有33B，我試過在醫院的人奶房見過其他媽媽餵奶，佢地個胸真係超大。。個個都係木瓜奶，相比之下我個胸好微弱，聽到D媽媽既對話，同我一樣同一日生既媽媽都泵到3泵，仲要BB食唔切。。。我的確有一個很可笑既諗法。。。其實係咪我容量唔夠？

0 0 0

私人傳訊回覆引用

草

伯爵府

積分: 18713

環保接龍勳章

2^#

發表於 12-9-9 09:05 |只看該作者

回覆 ema0128 的帖子

唔一定全泵, 放假時埋身真係方便好多, 可以一路餵身一路泵, 快多d. 仲有係奶唔係淨係係乳房, 我試過塞到近格拉底位置, 埋身食係食到最多, 泵係少好多, 冇一個泵可以模仿bb, 正如冇一種配方粉係模仿晒母乳.

私人傳訊回覆引用

Hyda

男爵府

積分: 5700

3^#

發表於 12-9-9 09:12 |只看該作者

回覆：求有經驗媽媽救命

你一日泵幾多次？可以每2個鐘泵一次黎增奶嗎？
只係供求關係，泵密d個身體就知道你要多d奶先會造多d。bb啜密d更加好。

私人傳訊回覆引用

denise333

男爵府

積分: 8779

4^#

發表於 12-9-9 09:13 |只看該作者

回覆：ema0128 的帖子

得17日人仔，你係唔係滿三十日就要返工？如果有多幾個星期，你埋身多幾星期先啦，唔好補奶粉，你自己兩個鐘泵一次，會漸見成績，唔好計每次奶量，你Mark低每日，可能冇咁大壓力,仲有係要飲大量水。

私人傳訊回覆引用

coola

大宅

積分: 4383

5^#

發表於 12-9-9 09:45 |只看該作者

求有經驗媽媽救命

3個半鐘先埋身／泵一餐（太耐啦），繼續補奶粉唔加泵次數就好快冇奶... 你而家先17日，可以先全埋身幫助上奶先(應該最耐兩個鐘—次，阿B密密啜係幫你上奶，如果淨泵每日要最少8次），休息夠就埋身後再泵黎儲奶返工後備用，返工前一個月再訓練阿B用樽，你而家坐月應該好好休息唔好俾甘多壓力自己，會影響奶量ga。加油！！
btw,我個胸糹田，已經全人奶8個月啦

私人傳訊回覆引用

lisariolee

大宅

積分: 2505

6^#

發表於 12-9-9 09:56 |只看該作者

我直情係平胸，但都可以全人奶。
初初唔夠奶，兩個鐘泵一次，因為乳腺未發達呀...泵前按摩個胸同熱敷先。每次泵都要有target，泵唔出就用手擠，以刺激成個乳房。勤力d，飲多d水，保持心情輕鬆，有幾多餵幾多，唔好比自己咁大壓力﹗奶量多左先泵返疏少少。

私人傳訊回覆引用

bonmom

大宅

積分: 1204

7^#

發表於 12-9-9 09:58 |只看該作者

唔好同人地比,每個媽媽奶量和每個BB的食量都唔同,唔好咁快諗返工住,現階段要多勤力埋身/泵,奶量會慢慢升,唔好太心急俾自己壓力,滿月後就會好好多架喇。我個胸仲細過你都可以全人奶,我個B已6個月

私人傳訊回覆引用

wendy333

男爵府

積分: 7148

8^#

發表於 12-9-9 10:32 |只看該作者

回覆：求有經驗媽媽救命

我係32負A胸,都可以全人奶

唔使擔心,只要勤力啲泵就OK啦

私人傳訊回覆引用

MrsWongJr

大宅

積分: 1815

9^#

發表於 12-9-9 10:42 |只看該作者

回覆：求有經驗媽媽救命

唔駛驚埋身BB會好痴身，我放產假時大部分時間埋身，得我抱BB先唔喊，都驚之後其他人湊唔掂，但BB係好聰明，我返工之後佢就乖乖地喊少咗，其他人抱都OK，而家一到星期六日我係度又扭計D。星期一又乖番:;pppp:

唔好擔心之後，而家全埋身上好D奶最緊要!

私人傳訊回覆引用

鈴鈴喵

複式洋房

積分: 177

10^#

發表於 12-9-9 11:17 |只看該作者

引用:唔駛驚埋身BB會好痴身，我放產假時大部分時

原帖由 MrsWongJr 於 12-09-09 發表
唔駛驚埋身BB會好痴身，我放產假時大部分時間埋身，得我抱BB先唔喊，都驚之後其他人湊唔掂，但BB係好聰明， ...

我啊b又係，見到我果時好痴身，仲要一望到就扮喊，不過我返工果下就唔一定要我。。。。。。
所以唔好咁早驚咁多，岩岩出世，俾bb 理多d身，等佢幫你上左奶先，理完身再泵多陣，好快就上奶！！
祝：常滿

私人傳訊回覆引用

angieody

大宅

積分: 2460

11^#

發表於 12-9-9 14:40 |只看該作者

回覆：求有經驗媽媽救命

唔關size 事架，我有36e又唔見得我夠奶...而家bb24日大吔，我pump出嚟最多果次都係得3oz(2面加埋)...

私人傳訊回覆引用

Daze

大宅

積分: 4018

12^#

發表於 12-9-9 14:52 |只看該作者

回覆：求有經驗媽媽救命

胸的大細同奶量冇關! 依家密密埋身! Build up D supply 先再試pump 啦! 你已經做得好好，一定會成功!

私人傳訊回覆引用

Aotearoa

大宅

積分: 3373

13^#

發表於 12-9-9 15:48 |只看該作者

你可能太擔心了, 影響心情. 要保持心情愉快.
有冇奶同大細胸根本沒有聯繫, 我得33A, 都做到全人奶.
有足夠的休息都很重要.

私人傳訊回覆引用

fulin

別墅

積分: 968

14^#

發表於 12-9-9 16:05 |只看該作者

回覆：ema0128 的帖子

除左湯之外，你要每日都要飮好多水先得。不過，我自重阿B一個月大之後，都無煲湯飲，黑豆粉都只係飲過兩杯，平時只有飲水，因為有JM講過，D奶都係水來的，要出多D奶自然要飲多D水。同時未返工之前都係阿囡幫手啜，真係會快D上奶.我之前左邊少過右邊30ml-50ml,比返阿囡食多左左邊，依家真係兩邊相差20-30ml.所以要決就係多飲水，有機會就埋身餵，泵密D,有人話一日泵8次，不過我懶，一日泵5-6次，依家返工後全泵媽(返左一星期工），都有一日660ml。