其實係見近來個個JM整雞煲，我改用雞翼方便D，之後因為屋企有雪菜醃好未用，所以搞咗呢個菜，當晚好受歡迎。食譜如下：
材料：
雞翼 適量（我同咗15隻雞中翼）
香茅 1枝
青蔥 1條
蒜頭 3瓣
芫茜 1小紮
雪菜 適量
醃料：
低鹽生抽 兩湯匙
水 兩湯匙
黃糖 半茶匙
米酒 1湯匙
煮法：
1）先醃雞翼約半小時。
2）香茅打斜切段，用刀背拍一拍扁；青蔥切蔥花；蒜頭去衣切碎；芫茜洗淨切段；雪菜過水沖一沖，未切的就切成細粒。
3）香茅、蔥花、蒜頭白鑊爆乾，加油爆香後，放入雞翼中火煎至表皮轉色。
4）加入清水至雞翼一半高度，中火焗至雞翼差不多熟，汁已收乾一半，灑上雪菜及莞茜，蓋上鑊蓋再焗大概5分鐘。
5）兜勻雪菜及雞翼撈起，上碟時灑上餘下芫茜。
P.S.
1）香茅要出味，要用刀背拍一拍扁。
2）雪菜有咸味，所以醃肉時我冇加鹽同埋屋企一向都食低鹽生抽。另外，雪菜沖多幾沖會冇咁咸，寧願上碟前試味再加調味好過一早已經調得太咸。
3）食得辣加紅椒一齊炆。
花旗太太生活在花旗國，留意時差，你問我未必即時答到。
發表於 
返回列表
