夫婦情感 今日: 0 | 主題: 42799

積分: 238

1^#

發表於 18-2-20 17:20 |只看該作者 |倒序瀏覽 |打印

結左婚，有左2個小朋友。小朋友咁大，我就做ftm咁耐。我明白就算2個人相愛，結埋婚一齊住，始終因為成長環境唔同，生活習慣不同，需要互相遷就。但咁多年黎就好似我就佢，多過佢就我。
呢2日睇袁詠儀嘅訪問，佢話chilam係永遠冇錯，錯嘅只有係佢。呢句說話都可以應用喺我身上。我c6永遠冇錯，錯嘅只有我。
但我覺得呢個概念真係好難認同。點解永遠只有我錯?我做錯嘅係咪就係嫁左俾c6?仲幫佢生埋小朋友?我已經覺得我樽鹽好渺小，再小就連人都不如喇。面對一個永遠覺得自己啱晒嘅男人，到底可以點解決?

0 0 0

私人傳訊

wing1388

珍珠宮

積分: 47023

開心吸收勳章

2^#

發表於 18-2-20 17:56 |只看該作者

happybima 發表於 18-2-20 17:20
結左婚，有左2個小朋友。小朋友咁大，我就做ftm咁耐。我明白就算2個人相愛，結埋婚一齊住，始終因為成長環 ...

首先人誰無過，個個人都有機會做錯，不過正如妳所講大家成長背境唔同，看事看人嘅標準都唔同，除咗大是大非之事，好難有一個準則去界定。不過當妳話遷就佢嘅同時，佢真係一啲都冇就過妳？還是妳唔覺得佢嗰啲叫做遷就呢？咁呢啲真係清官難審了！

而佢話妳錯，總會有佢嘅理由，如果佢連一個理由都講唔出的話，咁佢呢啲叫做強詞奪理兼野蠻，但妳又有冇嘗試問過佢妳錯乜嘢呢？有十足理據去支持佢嘅講法嗎？如果妳連問都唔問，咁變相妳係接受咗佢嘅說話，如果我係妳我一定會問清楚「我錯在哪？」

解決嘅方法就只有問，問清楚錯在那裡？呢啲就係溝通！如果連呢啲最基本嘅溝通都冇做，咁又點可能解決問題？正如返工老細話妳做錯嘢，都需要指出邊度錯先可以改，妳並唔係佢肚裡面條蟲，唔講？妳估猜燈謎嗎？

百花叢裡過，片葉不沾身。

私人傳訊

積分: 238

3^#

發表於 18-2-20 18:11 |只看該作者

回覆樓主:

當然有問過我錯邊，佢只會話你自己冷靜d先啦！你影響到d小朋友呀! 你自己睇下自己先啦！過左去就算啦好冇! 點解成日都小小事發大黎講呀？etc....總之佢。冇。錯!

私人傳訊

Suncloud

積分: 2286

4^#

發表於 18-2-20 18:15 |只看該作者

happybima 發表於 18-2-20 18:11
當然有問過我錯邊，佢只會話你自己冷靜d先啦！你影響到d小朋友呀! 你自己睇下自己先啦！過左去就算啦好冇! ...

邊個錯有咩所謂? 吾好太執著。最緊要老公會善後

私人傳訊

wing1388

珍珠宮

積分: 47023

開心吸收勳章

5^#

發表於 18-2-20 18:20 |只看該作者

happybima 發表於 18-2-20 18:11
當然有問過我錯邊，佢只會話你自己冷靜d先啦！你影響到d小朋友呀! 你自己睇下自己先啦！過左去就算啦好冇! ...

咁妳當時有冇唔冷靜？還是佢一話妳錯，妳就會抓狂？

百花叢裡過，片葉不沾身。

私人傳訊

積分: 238

6^#

發表於 18-2-20 19:00 |只看該作者

回覆樓主:

其實我覺得我地倆公婆溝通係唔足夠嘅。c6出去賺錢，好多時早出晚歸，什至唔喺香港。好多時屋企有事，佢係一家之主，我都會問問佢意見。好多時當面問佢，佢可能唔答我，就算白紙黑字whatsapp佢，5件事最多覆你1-2件，什至唔覆。除非你追住佢問，否則好難有回應。但同時佢唔係冇意見，有時自己都唔想咁長氣，問左唔覆就自己按自己方法做，卻換黎“唔係應該咁咁咁咩？點解咁做呀？”正式左右做人難!!做又死，唔做又死。
言歸正傳，因為平時溝通不足(或者叫做只有我問/講，但冇答)，好多時我就會被迫到去爆發點。當同一話題講左好多好多次都冇回應/實際改變，軟硬兼施都試過，我就會忟，會大聲話佢。呢個時候，佢就會話“你有咩唔可以好好講架咩？你控制一下你自己先啦！。。。。”c6係唔會記得我曾經幾十次好好地同佢講，希望好好溝通一下，睇下可以點改變。面對呢個周而復始嘅循環，我真係唔識點做。

私人傳訊

積分: 238

7^#

發表於 18-2-20 19:05 |只看該作者

Suncloud 發表於 18-2-20 18:15
邊個錯有咩所謂? 吾好太執著。最緊要老公會善後

點為之善後? 佢嘅善後方法係“過左去就算啦!好嗎？”從來都唔會改變佢自己，令件事唔好再發生。

私人傳訊

aptcan

男爵府

積分: 8997

畀面勳章

8^#

發表於 18-2-20 19:16 |只看該作者

回覆樓主:

其實你小朋友幾大，可唔可以出番嚟做野，我覺得好多c6覺得ftm係無知婦孺，成日淨係識嘈嘈閉，睇唔起自己老婆，所以好多時無視老婆所以野。

私人傳訊

積分: 238

9^#

發表於 18-2-20 19:27 |只看該作者

aptcan 發表於 18-2-20 19:16
其實你小朋友幾大，可唔可以出番嚟做野，我覺得好多c6覺得ftm係無知婦孺，成日淨係識嘈嘈閉，睇唔起自己老 ...

我有2個小朋友，細嘅將會今年升小學。老實講，我已經好多年冇做野，亦都因為工作nature問題，唔想做返以前嗰行，想多d時間照顧小朋友。雖然我自己好想出返黎做野，但小朋友長假/病時嘅安排，我諗左好耐都諗唔到解決辦法(冇4大長老/工人幫手)。我自己對出返黎做野都有恐懼，唔想做唔返寫字樓，又怕冇人請。

私人傳訊

s7824

積分: 3028

10^#

發表於 18-2-20 20:34 |只看該作者

happybima 發表於 18-2-20 19:00
其實我覺得我地倆公婆溝通係唔足夠嘅。c6出去賺錢，好多時早出晚歸，什至唔喺香港。好多時屋企有事，佢係一 ...

本帖最後由 s7824 於 18-2-20 20:35 編輯

有冇一件事例講下？

做 ftm 係好辛苦，有時候真的吃力不討好。做 ftm 優點係可以全心照顧小朋友，睇住佢地成長；但缺點係你嘅世界只有呢個家，家中大小事務對你來說，都係大件事，但對你老公來說，就好小事。可能因為你同你老公嘅重點有落差，所以佢覺得你小事化大，成日唔回覆你家中事務。

既然決定左男主外、女主內，就應該遵守呢個規則，家中大小事務由你解決，你掌有全面控制權，而你老公應尊重你嘅家務事決定，除非係大是大非，否則冇需要去分對錯。

私人傳訊

Nancy20090615

瑪瑙宮

積分: 139789

11^#

發表於 18-2-20 21:24 |只看該作者

本帖最後由 Nancy20090615 於 18-2-20 21:27 編輯

好多男人當 FTM 係蛀米大虫, maid, 食我住我用我, 乜都唔識, 你 no say. 除左做野自己賺到錢可以爭番少少地位.

我唔會為左陪小朋友多 d 而放棄工作, 所以我唔會生多過一个, 有乜事佢亦都撓唔起我. 我無野做先係最大危機. 我有做野都當我工人, 何況我無野做?

私人傳訊

aptcan

男爵府

積分: 8997

畀面勳章

12^#

發表於 18-2-20 22:30 |只看該作者

happybima 發表於 18-2-20 19:27
我有2個小朋友，細嘅將會今年升小學。老實講，我已經好多年冇做野，亦都因為工作nature問題，唔想做返以前 ...

你嘅世界只淨這個家，什麼也怕，既然最細嘅小朋友也升小學，首先可出來先做part time 先，領自己重回社會，接觸多些人，之後安排好或請工人，就可再找全職！

私人傳訊

光感美白

積分: 2129

13^#

發表於 18-2-20 23:55 |只看該作者

happybima 發表於 18-2-20 19:27
我有2個小朋友，細嘅將會今年升小學。老實講，我已經好多年冇做野，亦都因為工作nature問題，唔想做返以前 ...

又要唔想出黎做野, 又怕老公呢野果樣....面對現實啦.....

私人傳訊

積分: 238

14^#

發表於 18-2-21 01:04 |只看該作者

光感美白發表於 18-2-20 23:55
又要唔想出黎做野, 又怕老公呢野果樣....面對現實啦.....

我係極想出黎做野，一黎我有學歷，二黎我自問亦唔係懶唔係笨，出黎野可以搵返我樽鹽，唔駛自己都睇唔起自己。只係以前嗰行要日日返12-15個鐘，冇ot補水，唔再適合我要照顧細路嘅情況。以一個斷左10年工作經驗嘅人，而且再出黎做野要轉行，我宜家嘅矛盾心情，應該只有經歷過嘅人先會領會到。

私人傳訊

積分: 238

15^#

發表於 18-2-21 01:06 |只看該作者

aptcan 發表於 18-2-20 22:30
你嘅世界只淨這個家，什麼也怕，既然最細嘅小朋友也升小學，首先可出來先做part time 先，領自己重回社會 ...

多謝你意見!! part time都係個方法，不過仍要解決照顧細路問題。

私人傳訊

光感美白

積分: 2129

16^#

發表於 18-2-21 04:39 |只看該作者

happybima 發表於 18-2-21 01:04
我係極想出黎做野，一黎我有學歷，二黎我自問亦唔係懶唔係笨，出黎野可以搵返我樽鹽，唔駛自己都睇唔起自 ...

如果你有學歷（你咁講我當你有大學學位），搵recruitment agency 幫你搵工，應該好快有機會。

私人傳訊

Suncloud

積分: 2286

17^#

發表於 18-2-21 10:22 |只看該作者

happybima 發表於 18-2-20 19:00
其實我覺得我地倆公婆溝通係唔足夠嘅。c6出去賺錢，好多時早出晚歸，什至唔喺香港。好多時屋企有事，佢係一 ...

佢想要份尊重/話事權? 你吾問佢，改為講你的做法佢知，加句pls comment.

再盡D，你比plan a or b 佢選。

其實，好多男人都係甘

私人傳訊

積分: 238

18^#

發表於 18-2-21 15:28 |只看該作者

光感美白發表於 18-2-21 04:39
如果你有學歷（你咁講我當你有大學學位），搵recruitment agency 幫你搵工，應該好快有機會。
...

有次agent打俾我，例行公事問我搵唔搵工，吹吹下水，佢話其實去做街市/酒樓仲好pay過寫字樓，叫我諗諗

私人傳訊

光感美白