雞翼我會係基本鹽、豉油、蔥頭/蔥花、少少酒醃過夜。蜜糖就燒果陣再落，燒一陣搽一層，落三四次就好食到不得了。
豬扒就橄欖油、豉油、鹽、豆粉醃過夜，燒過陣再加蒜蓉上面。另一個方法係就咁加韓式燒烤醬醃過夜好惹味。
牛扒就咩都唔落，放BBQ網上，燒果陣灑鹽同黑胡椒最原汁原味。
我以前好鍾意燒鱔，洗淨處理好切大塊，用照燒汁、鹽醃一陣，燒時打蜜糖燒到脆卜卜好正，或者直情燒果陣搽照燒醬都可以。
另外，燒大眼雞魚都好食，成條魚唔起皮叉住燒，燒到皮肉熟，到時D皮黑咗唔緊要，起晒皮（連埋鱗起）就食得。
花旗太太生活在花旗國，留意時差，你問我未必即時答到。
發表於 
返回列表
