少年成長今日: 0|主題: 16049

收藏本版

發帖

返回列表

跳至頁

查看: 12659 | 回覆: 0

好學唔學 [複製鏈接]

csir3290

子爵府

積分: 12215

1^#

發表於 22-8-28 11:43 |只看該作者 |倒序瀏覽 |打印

早幾日聽收音機，電台節目主持分享湊女心得，佢講到有一日叫個女執嘢，個女只係同佢講話得啦我一陣間執，點知就一路都冇執。後嚟主持終於忍唔住就問個女點解應承咗又唔執呢？點知個女答佢話媽媽都係咁，因為媽媽好多時都係應承咗佢嘅嘢都唔係即刻做，而係跟住就冇咗件事就去咗玩電話，所以點解媽媽得佢唔得呢！個主持話佢個女得四五歲估唔到學大人嘅嘢學得咁快。

其實呢啲情況成日都會喺我哋側邊發生，呢啲就係大人嘅身教或者係榜樣，我哋成日講要做好榜樣畀細路仔睇，但係原來尤其是係細個嘅細路仔佢哋學啲壞習慣學得仲快，佢哋好多時都係望住大人點做佢哋就跟住點做。有陣時家長好在意做一啲良好行為嘅榜樣畀啲細路仔睇希望佢哋學。咁固然係好，但係有陣時偏偏就忽略咗自己一啲生活嘅細節，因為呢啲細節好多時都係我哋嘅生活習慣，所以唔覺得有問題。但係細路仔日日見住啲大人係咁做其實佢哋學得仲快。好似上面我講個電台節目主持人其實都有講，佢都明白佢太太每一日放工返嚟都想有啲時間休息下，所以佢都好明白點解佢太太會揸住個手機喺度玩，但係原來呢啲嘅細節位，細路仔都會看在眼裡。所以做家長除咗要身教同埋做好榜樣之外，其實更加重要就係唔好雙重標準。好多時我哋好刻意做畀細路仔睇要佢哋學嘅嘢，佢哋未必咁快會學，反而我哋生活上面細節嘅壞習慣細路仔就好快趣會學到。

乜嘢係雙重標準呢？就係細路仔唔得但係大人自己反而做，細路仔問起就淨係會同佢哋講因為佢哋仲細所以唔可以。但係呢一種雙重標準正正就係令到細路仔無所適從。所以你要細路仔執嘢，其實做家長自己就應該先做好。你要細路仔唔好成日玩手機，做大人就更加要有分寸喺佢哋面前唔好成日玩手機。你要細路仔守信用做大人就自己更加應該要守信用。總之對細路仔用邊一套標準，自己就應該要達致嗰一套標準。學校教細路仔守嘅規矩同埋乜嘢係好嘅品德，如果家長認同嘅，咁家長就應該用同一套標準去教細路仔，嗰種嘅教法並唔係只係用把口去講同要求，而係應該用同一度套標準去看待自己同埋細路仔。總之家長對自己嘅品德要求有幾高就會教出點樣嘅細路仔。所以有陣時有啲嘢係冇得怪細路仔，因為佢哋好多嘢都只係喺家長身上學返嚟。對細路仔嘅品德培育越細個開始就越容易有成效，做家長嘅認真要留心對自己嘅品德要求先至可以教出有水平嘅細路仔。