吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家事百科› DIY修葺牆身油漆（小範圍）

家事百科今日: 0|主題: 39364

收藏本版

發帖

返回列表

跳至頁

查看: 14114 | 回覆: 18

DIY修葺牆身油漆（小範圍） [複製鏈接]

sumbaby2011

伯爵府

積分: 16151

1^#

發表於 22-6-10 17:31 |只看該作者 |倒序瀏覽 |打印

請教各位，大家有無嘗試過在家自己diy修葺牆身的脫落油漆呢？
上網睇過有關小範圍修葺牆身油漆的影片，程序及工具都介紹過，想自己diy試下修葺。不知大家對這方面diy的經驗如何？成功率如何？

除物料（底漆、批灰、乳膠漆）之外，各項步驟涉及的工具，所需費用大概多少？

希望各位可以分享當中的經驗，謝謝。

0 0 1

私人傳訊

clpapa

版主

積分: 34243

2018復活節勳章好媽媽勳章醒目開學勳章畀面勳章親子王國15週年勳章

2^#

發表於 22-6-10 20:23 |只看該作者

要買漆剷, 砂紙 (亦可以用砂紙磚), 都係每樣十零蚊.

私人傳訊

sumbaby2011

伯爵府

積分: 16151

3^#

發表於 22-6-10 22:04 |只看該作者

clpapa 發表於 22-6-10 20:23
要買漆剷, 砂紙 (亦可以用砂紙磚), 都係每樣十零蚊.

多謝回覆。

漆剷、砂紙（或砂紙磚）之外，還有塵掃、油掃、批盪時用的裝灰木板及批盪工具等等，（未知還有沒有睇漏其他工具，如有遺漏，請補充）。

不知以上所有修葺時需用到的工具，費用大概要幾多呢？

私人傳訊

clpapa

版主

積分: 34243

2018復活節勳章好媽媽勳章醒目開學勳章畀面勳章親子王國15週年勳章

4^#

發表於 22-6-10 22:46 |只看該作者

可能要買細水桶用來開漆, 灰板同灰匙唔一定要, 好似片中咁細範圍用漆剷可以代替灰匙, 是但搵塊平既膠/木/金屬就可以代替灰板, DIY 不求完美但求低成本做出來唔好太醜就好.

另外視乎需要買D保護既物品, 手套, 縐紋膠紙, 保謢膠幕之類.

私人傳訊

sumbaby2011

伯爵府

積分: 16151

5^#

發表於 22-6-10 23:46 |只看該作者

clpapa 發表於 22-6-10 22:46
可能要買細水桶用來開漆, 灰板同灰匙唔一定要, 好似片中咁細範圍用漆剷可以代替灰匙, 是但搵塊平既膠/ ...

縐紋膠紙，作用是保護周邊門框之類物件，當油過界時避免油到門框等物件？

另外，師傅提到油掃的質素，應該如何選擇油掃（1.避免容易甩毛; 2.上漆效果又平滑），購買時要留意什麼? 有無牌子可參考?

p.s. 「油漆掃」，在用完一遴（次）後，是否只需用清水沖洗，風亁後就可以等下一遴上漆時再用？（一共需要上兩三次油漆）
至於「底漆掃」，在用完上底漆後，是否能再用於下個工序（上乳膠漆）呢？【因為當中涉及兩種不同漆料，不知「底漆掃」在清洗風亁後，可否再用於下個工序（上乳膠漆），會否影響完工時的油漆效果？】

私人傳訊

yy.wing

大宅

積分: 3753

6^#

發表於 22-6-11 21:58 |只看該作者

本帖最後由 yy.wing 於 22-6-11 22:00 編輯

回覆 sumbaby2011 的帖子

「底漆掃」你都問得都好詳細喎

本來我都唔想再喺度解答問題，我之前好心幫人喺度解答吸塵機電池問題居然被人走出嚟指責警告要封帖。
我又唔係度揾生意先去幫人，帖內都只係得兩三個人話pm佢。
依家我見到識都廢事答又唔係有錢收，而家見有啲帖問咗幾日都冇人回，有人回嘅見有錯誤我都廢事出口補飛，而家見到咁都好心涼。

見你問到咁詳細就再出口幫下你啦。
首先唔知你想修補幾大範圍，你先要睇下本身啲灰係咪有粉化，如果粉化咗就算你再冚灰上去都係食唔到一油油落去就會起泡。
如果你要剷清舊灰就要再油司拿喺上面先好再上新灰，每一次放灰就唔好咁厚，省完唔夠就再補灰，直至你用手摸到幅牆啲灰係平冇灰痕灰印新舊灰之間冇駁口先可以，省灰盡量唔好用砂磚，要用砂紙架或手最好，省灰以見唔到有砂痕砂眼。

底漆嗰度用唔用係以你本身幅牆之前有冇用過為準。

底油或司拿求其一個掃都得，面油就用三A排掃，用之前用隻手撥下啲毛或先浸水。
小範圍可買牆之寶或平底漿，大範圍就用桶裝灰（但就避免用膩子灰，怕你diy唔識用）

（漆鏟﹨粗幼砂紙﹨（塵掃可用乾毛巾或雞毛掃）﹨排掃﹨司拿﹨灰）乳膠漆就自己因範圍幾大買幾多

面油就唔好計油幾多浸，要油到新舊油一致為主，小心油到陰陽色或有掃痕同流眼淚，祝你成功

點評

Adrio77

發表於 22-7-18 15:07

私人傳訊

sumbaby2011

伯爵府

積分: 16151

7^#

發表於 22-6-12 00:43 |只看該作者

本帖最後由 sumbaby2011 於 22-6-12 01:38 編輯

yy.wing 發表於 22-6-11 21:58
回覆 sumbaby2011 的帖子

「底漆掃」你都問得都好詳細喎

多謝你超級詳細的回覆，非常感激。

再想問：
1）你講的「底漆」與「司拿」，是否講同一樣嘢？
2）砂紙是要準備“粗”與“幼”的兩款？
3）用完一次上油漆的排掃，應該如何清潔，留待第二次上油漆再用呢？
4）原來的牆身已經是很多年前的油漆，現在要在牆的某部份修葺而重新漆上油，所產生的新舊色差有什麼方法處理？

多謝你的指導。

私人傳訊

yy.wing

大宅

積分: 3753

8^#

發表於 22-6-12 14:12 |只看該作者

本帖最後由 yy.wing 於 22-6-12 14:22 編輯

回覆 sumbaby2011 的帖子

1）此問題係睇你想點用同買邊隻牌子，「司拿」因一般多數無色用於牆身與灰底下防潮用，「底漆」因有色比較多用喺灰面上好處是面漆更易顯色，但好似立Ｘ有隻都可以两用，亦有一隻叫水性「光油」都可代替司拿。

2）砂紙用紅或者白粗100-120# 幼240-320#，去到最後嗰浸灰就用幼，粗嘅幾時用唔使教呀。

3）油掃﹨排掃就算洗完都可即用，點樣洗你都問你都好新手喎。
其實好簡單如果冇油乾硬喺啲無毛上面就浸下搖下或用手按下都可以了，洗兩三次已經足夠，如果唔放心就用舊牙刷順毛刷下。保存時可放兩三日陰乾再用報紙包住啲毛避免開叉弄彎曲。

4）〝牆身已經是很多年〞咁就我都唔夠膽講你會唔會有機出現陰陽色（深色牆更死），你可先試試照樣小範圍修補睇睇效果先，如果接受唔到咪成幅牆油囉，如成幅牆油唔剷起舊油咁就要洗清淨牆身啲污漬同最好用幼砂纸輕省燙。

以上物料唔知你用邊款好難提供價格，好似以3A牌排掃為例有大有細由6-20頭都差不多成倍價錢，買上面物料去油漆舖買會比較穩陣。
補充多一句：如果新手唔識用排掃就最好改用油轆。