吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 以前似一家人，而家似陌生人⋯（長）

婆媳關係今日: 0|主題: 27721

收藏本版

發帖

返回列表

跳至頁

查看: 24341 | 回覆: 355

12 3 4 5...18

積分: 1249

1^#

發表於 15-10-18 07:59 |只看該作者 |倒序瀏覽 |打印

我同老公住緊奶奶嘅樓，係頂樓連天台，奶奶住樓下，我地住樓上。一直以黎，樓下就好似大廳咁，大家會係度睇電視，傾計，煮飯食飯，我兩個細路都係樓下活動，本身感情都幾好，我仲出 post 讚過奶奶，話佢簡直對我好過自己阿媽，嫁咗過黎好似搵番細個無嘅屋企感覺，真心覺得一家人好 close 好開心。

但一切由叔仔結婚搬番黎開始變！佢地兩公婆住樓下，間咗間大房俾佢地。起初都冇乜嘢，客客氣氣，佢老婆有時行開行埋都幫吓我睇住啲細路，我大女兩歲，都鍾意同佢地玩。跟住佢老婆有咗，有次工人姐姐放假，我同緊啲細路係樓下食早餐，嗰時都十點，叔仔係房出黎，同我講：「朝早細路唔好係廳玩，老婆有咗要瞓覺！」我嬲嬲地，咪即刻帶番啲細路上樓上，嗰日就同老公係樓上勁執嘢，執番啲位等啲細路可以係樓上玩。從此就叫工人拎早餐上黎，我都明啲細路好早起身，佢地兩個都冇嘢做咪夜瞓好晏先起身。嗰日奶奶仲係個 group 度講吓屋企係好多聲音，大家忍讓吓，又私下 send msg 俾我話念在佢之前點幫過我地，而家叔仔講嘢有咩唔啱都忍吓佢。叔仔同佢老婆又係個 group 度講哂唔好意思，話因為有咗先咁緊張，老婆仲話咁樣叫啲細路唔好係廳玩真係過份。咁我當冇嘢啦，諗住佢地瞓很晏，朝早唔落去等佢瞓好啲。

點知過唔夠一個月，叔仔煞有介事地搵我老公話傾嘢，嗰朝又係工人放假，老公未起身我就帶住兩個落去煮早餐順便食埋，因為我冇辦法抱住一歲細佬又拎住咁多嘢食拖埋大女上去。我地食完都拿拿聲上去，老公就留低同叔仔傾。佢上番黎就問佢有咩傾啦，原來叔仔話不如出錢買爐買雪櫃俾我地，叫我地連煮嘢食都係樓上，日頭都唔好落黎！嘩聽到我同老公火都黎！咁樣即係唔歡迎我地啦！老公答佢話工人煮嘢食嘈唔到你啦啩？你唔使買嘢，我地唔會係樓上煮嘢。因為樓上其實係潛建出黎，啲水喉好易塞，係樓上煮嘢洗嘢係死硬。從此我就唔想見到佢地！除咗工人放假嗰日，我都唔會同細路落去！見到都當見唔到咁！

但係我好唔開心⋯以前明明一家人有講有笑，而家唔俾我地係樓下，我地同奶奶冇再一齊食過晚飯，各有各煮，煮完拎上樓上各自食⋯咁我咪 send msg 問奶奶，我好鍾意一家人一齊食飯嘅感覺，大女一早起身又話要搵嫲嫲，而家唔落得樓下咁我點做好？佢竟然一個字都冇覆我！！我好失望⋯平時佢好多道理講，而家一啲都唔 care.... 後尾我再 send msg 問佢，對叔仔要求我地唔好落樓下有咩睇法？佢又冇覆，我係真心想知佢點諗，想溝通，但原來只係得我在意一家人嘅感覺，淨係我一個人覺得需要溝通！之後奶奶就同我老公講話做乜我 send msg 俾佢，叫佢點答！ok, 既然呢個係你想要既溝通方式我就跟！從此有咩講都係搵老公傳話。我真係心灰了⋯

成件事我最唔開心係奶奶唔覆我，我真係當佢媽媽，又以為佢都好重視一家人開開心心，會想見多啲孫。點知唔係，佢只重視細仔！而家唯有儲錢睇幾時樓價跌就搵機會搬！反正佢地都唔當我地一家人，搬咗佢都唔會有感覺⋯

呻完⋯我想知我算小氣嗎？我重視一家人一齊係唔啱嗎？

0 0 0

私人傳訊

bell18

大宅

積分: 3119

2^#

發表於 15-10-18 08:26 |只看該作者

引用：我同老公住緊奶奶嘅樓，係頂樓連天台，奶奶

原帖由 anidacat 於 15-10-18 發表
我同老公住緊奶奶嘅樓，係頂樓連天台，奶奶住樓下，我地住樓上。一直以黎，樓下就好似大廳咁，大家會係度睇 ...

我覺得你無錯。

錯在你同奶奶之間嘅關係有第三者介入。
你叔仔同老婆冇當你係屋企人，本應一家人大家煮飯一齊食是件很正常及開心事。
而家佢老婆大肚好明顯大晒。。佢而家霸緊地盤好明顯想分清佢屋企同你屋企啦！
最唔底你奶奶唔覆你又話你,又唔幫你。。

其實我同你情況好似奶奶住樓下，但我選擇同奶奶保持一覺段距離，佢對我都OK, 但此中佢一定唔會當正我係女，關係一定不及我同自己阿媽。
你都唔好甘上心，整到自己唔開心。

私人傳訊

mulan1985

珍珠宮

積分: 41970

好媽媽勳章 BK Milk勳章

3^#

發表於 15-10-18 08:29 |只看該作者

回覆：以前似一家人，而家似陌生人⋯（長）

我覺你唔係小氣，只係無係叔仔角度諗。。。。
試想想，換轉人物，你地係叔仔，小朋友係佢地生，可能都會咁做，不如再溝通多次，大前提係大家放下之前唔開心嘅說話，溝通吓想你地係樓上唔落樓下想維持幾時？係咪想坐完月後可以回覆以前。。。。如果佢地話生完都唔比你地落去，一句講晒，搬得
99真係好難答你，你期望佢想點答你？

唔好點評我,電話睇唔到點評

私人傳訊

貧窮媽媽

水晶宮

積分: 51609

4^#

發表於 15-10-18 08:43 |只看該作者

回覆：以前似一家人，而家似陌生人⋯（長）

99 既角度手掌又係肉手背又係肉，都唔知點覆你好，同埋又唔知叔仔老婆講左d 咩

點評

la_source

發表於 15-10-20 12:00

Jolin_Yuen

發表於 15-10-19 12:37

私人傳訊

mwmyway

侯爵府

積分: 20051

5^#

發表於 15-10-18 08:47 |只看該作者

回覆：以前似一家人，而家似陌生人⋯（長）

如果一家人原本開開心心，我會主動遷就返佢地咯，唔好話大肚婆啦，正常人一早就比d小朋友嘈醒都想發脾氣，更何況係大肚婆。而且由頭到尾叔仔態度都好好，你地唔肯讓步姐，佢未有時都肯幫你睇住d小朋友，人地可能好難先有第一胎，如果真係關係好，你都應該替人著想多d lor。唔好話佢地夜訓ge壞習慣，因為每個人都有自己習慣，互相尊重最緊要，但呢個情況我只係覺得你想人地老人家同埋大肚婆就曬你地一家大細咯。其實帶d細佬出去食早餐又或者買d唔洗煮ge早餐有甘難咩

係post到傾下好啦，不接受加好友同打招呼謝謝！

私人傳訊

michelle_mc924

別墅

積分: 652

6^#

發表於 15-10-18 09:09 |只看該作者

回覆：以前似一家人，而家似陌生人⋯（長）

其實大家作息時間唔一樣真係好難夾。我自己都係夜貓，冇中午兩三點都未真正起身，如果早上有人嘈真係會好忟。加上人家個老婆大肚，，當然又緊張D。。你大方D咪同佢地計較，否則有排唔開心。
其實你唔落去，你奶奶都可以上黎搵你地傾計。。個弟婦陀住個B知道性別未？你奶奶有冇重男輕女呀？

私人傳訊

piggyhaha

大宅

積分: 1221

BK Milk勳章

7^#

發表於 15-10-18 09:11 |只看該作者

回覆：以前似一家人，而家似陌生人⋯（長）

我個陣有左，比格離噪醒幾次，我真係嬲到想

私人傳訊

piggyhaha

大宅

積分: 1221

BK Milk勳章

8^#

發表於 15-10-18 09:15 |只看該作者

回覆：以前似一家人，而家似陌生人⋯（長）

死。已經吾舒服，晚晚冇天光先瞓到．其實2個都冇錯。但係掉番轉頭日日朝你比人噪醒。你會點好。

私人傳訊

MaN7378

別墅

積分: 747

9^#

發表於 15-10-18 09:17 |只看該作者

回覆：mwmyway 的帖子

樓主唔好意思，睇完我有些地方唔同意你講法，你都講係細佬仔仲係兩個，做媽媽傢緊係想自己煮啦！邊有可能日日出街買早餐比拒地食甘唔健康，仲有啊！湊住兩個你以為容易傢，尤其男仔無事停，睇得呢個顧唔到果個

私人傳訊

mwmyway

侯爵府

積分: 20051

10^#

發表於 15-10-18 09:39 |只看該作者

引用：樓主唔好意思，睇完我有些地方唔同意你講法

原帖由 MaN7378 於 15-10-18 發表
樓主唔好意思，睇完我有些地方唔同意你講法，你都講係細佬仔仲係兩個，做媽媽傢緊係想自己煮啦！邊有可能日 ...

其實都係一星期一日出去食或者買返黎姐，因為果日工人姐姐放假。其他日子係工人係樓下整完帶上去比佢地。星期日又有爸爸幫手睇住，如果死都唔肯出去食或者買返黎，甘人地仲訓教點搞呀

係post到傾下好啦，不接受加好友同打招呼謝謝！

私人傳訊

lovehugo1314

大宅

積分: 2001

11^#

發表於 15-10-18 10:03 |只看該作者

回覆：以前似一家人，而家似陌生人⋯（長）

其實無話係你小氣定叔仔無氣度…始終一家一主，相見好同住難，人越多意見就越黎越多。怪就怪當初你地唔係住樓下先，住屋問題個個家庭都有，始終都要解決架…

點評

Jolin_Yuen

發表於 15-10-19 12:39

私人傳訊

kyky123

男爵府

積分: 9868

12^#

發表於 15-10-18 10:05 |只看該作者

bell18 發表於 15-10-18 08:26
我覺得你無錯。

錯在你同奶奶之間嘅關係有第三者介入。

您完全是一個好識想及聰明的女性. 我好蠢, 想法同樓主一樣, 當99, 叔仔是一個人, 相信他們. 結果, 傷得好重好重. 最後發現EX 原來都只當他的父母兄弟是一家人. 我都是外人. 不過, 而家知, 都好過不知. 我可以過返自己的生活, 好好愛自己. 我想自私99, 自少對子女的洗腦很好. 我EX, 好笨. 叔仔二人加兒女才是一家人, 他日他老左, 唔通他們照顧他, 其實冇了他們, 我生活開心了好多.

私人傳訊

henry921121

大宅

積分: 3778

13^#

發表於 15-10-18 10:08 |只看該作者

回覆：以前似一家人，而家似陌生人⋯（長）

講真，俾著係我都唔識覆你d mdg la, 仲有兩個細路唔嘈ga, 人地仲訓緊ga. 大肚已經唔係禁舒服，仲要俾人嘈生哂

仲有叔仔都讓步左，係樓主你一味要人就

點評

綿綿雨

發表於 15-10-18 14:04

私人傳訊

小豬澄

珍珠宮

積分: 47366

畀面勳章環保接龍勳章

14^#

發表於 15-10-18 10:10 |只看該作者

回覆：以前似一家人，而家似陌生人⋯（長）

當因為你地嘈佢地頂唔順朝朝比人咁嘈醒同你地反面搬走唔想見到你地還你所謂既家庭樂但你覺得99樂唔樂見到二兄弟反目成仇咁？

其實人地搬番黎係需要時間大家磨合你地又有無了解或者理解一下人地既感受你地係慣左早起人地小朋友未出世係未慣遲下bb 出世又係另一個磨合期你有小朋友你好清楚

私人傳訊

kyky123

男爵府

積分: 9868

15^#

發表於 15-10-18 10:19 |只看該作者

回覆 anidacat 的帖子

"成件事我最唔開心係奶奶唔覆我，我真係當佢媽媽，又以為佢都好重視一家人開開心心，會想見多啲孫。點知唔係，佢只重視細仔！而家唯有儲錢睇幾時樓價跌就搵機會搬！反正佢地都唔當我地一家人，搬咗佢都唔會有感覺⋯"

樓主, 前面說叔仔要求, 您們下不下樓食早餐, 呢D好難說邊個對. 相見好同住難. 一家一主好緊要. 有時2父母同子女大了,都因生活問題吵架.

反而是99不回覆您. 您當她是媽媽. 有HURT 之感受, 我好明白. 感同身受. 因為您付出一片真心. 期待,相信99是一家人. ( 我EX 99, 開口埋人說當我是女, 我們是一家人). 對的, 當冇利益衝突時. 大家飲飲食食去旅行. 是. 當您同她其他子女有意見, 就絕對他們才是一家人, 您永遠都是外人.

好唔答您, 自己是會失望,不開心. 不過真的沒法子. 只有心中有數. 不用生氣. 因為是自己期望同天真. 上一堂. 在99角度. 沒問題. 因為她只是口說一家人. 心中從來沒認真( 我個CASE 是, 您個就靠自己分析).

不過好好是您C6,明白您, 站您個方. 儲錢, 獨立生活. 一定一主, 不是會好多衝突, 不值. 人生不長, 最重要開心. 您冇法控制其他人之喜好. 只可自己幼力生活好.

私人傳訊