大家, 呢一次可能係我最後一次的post 了(當然我仲會留言比其他地方啦)
因為我決定, 我要離婚了!
潛移默化既力量係好大的....成日比條死老野屈屈屈....講講講....講得多.原來我老公一直都以為我真係放狗既時候同個阿叔有路...一直收係心入面....到前幾日爆出來了....
前幾日因為我地放狗一班街坊打算一齊飲下食下...有男有女...地點係正我樓下.....我有話比我老公知...佢有眼見有男有女....但最後都話我勾佬....又踼爛屋企隻門......佢雖然冇打我同隻狗...但成日咁嚇我, 我都精神崩潰....再講我老公有鬱燥病...一直唔肯睇e 生...久唔久會因d 小事又爆好大大件事咁......
福建家庭....係一個惡夢....老既唔開化, 後生既唔開明....我老公一直都唔鐘意我去玩去浦...其實我由嫁後我d 酒肉朋友已經少冇可少...先前我同哥哥join 咗 3 電話台...每星期3一齊有免費戲睇....哥哥次次都送我返屋企....我老公又唔鐘意....到自己老表食飯飲下酒....又唔鐘意....同朋友食飯要10點返到屋企....而家連同街坊食飯都唔得? .....我嫁咗唔等於冇社交個喎....我嫁咗唔係一世返工. 一世做阿四!!!!
我一個月都係去 2-3次街....星期6日都係屋企了....媽媽有時來探我佢都好似唔係好鐘意....
成日一句話我[成日去浦, 對佢屋企人衰!!]
其實, 佢識我既時候, 佢自己咪又係浦緊!!!
早前body check, 話我係肝炎帶菌者....我話比我老公知....佢當時反應係好介意好嫌棄...再見到佢阿媽時, 再講...佢既態度係好差...好似講到我冇仔生咁.
近期我話我肚成日痛...我話去check 下....佢第一個反應覺得我冇仔生....又做埋d嫌棄樣比我睇.....而家仲要咁屈我....屈勾佬都唔止一次, 仲要無啦啦係咁問我係咪爭人好多咭數....???
而家我以人生安全同狗隻安全理由返咗阿媽度住了~
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!