吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 10|主題: 15926

收藏本版

發帖

返回列表

跳至頁

樓主: 22May

69 707172 73...84

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1401^#

發表於 14-7-31 08:58 |只看該作者

關仁隱事：「手錶」港韓兩邊撈唔掂

呢排韓風hit到爆，韓仔又真係幾高大有型，凡係掛住韓星個名都受歡迎，而有啲韓星組合會加中國人做成員，關仁聽聞奀星「手錶」覺得自己青靚白淨有韓國男人feel，喺樂壇撈極都唔掂嘅佢，約滿舊公司後諗住去韓國博一博，趁住呢排韓風hit可以搵一筆，雖然成功畀佢搭路加入韓國一間經理人公司接受訓練，可惜佢資質平平，又冇心上堂學唱歌跳舞，最終俾經理人公司嫌棄，結果敗返香港，簽咗另一個新經理人，但早排又同經理人反面，搞到𠵱家喺屋企踎躉，認真慘慘！

「手錶」= 鐘一獻

點評

juicy媽返黎喇

發表於 14-7-31 21:41

simple430 welcome back

發表於 14-7-31 09:16

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1402^#

發表於 14-8-1 09:35 |只看該作者

關仁隱事：「搵餐晏」冧仔有一手

鬥靚仔比賽出身嘅大隻仔「搵餐晏」最鍾意媾女，最近佢同鬥靚女比賽出身嘅「好冧」拍飲食節目時，睇中好冧又靚又有錢，於是明目張膽追求，就算做緊節目都照媾，淨係夾餸比好冧食，完全當身邊其他主持透明，後來高層水魚睇片時發現搵餐晏借工作為名媾女為實，於是即刻下令將佢抽起，仲諗住踢佢出局。誰不知搵餐晏冧仔原來一樣好掂，佢冧掂個男監製向水魚求情，又承諾以後會專心工作唔會掛住媾女，水魚先至比佢復工。

「搵餐晏」= 瘟+偉
「好冧」= 塵海林

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1403^#

發表於 14-8-4 09:08 |只看該作者

關仁隱事：嗒完導演媾主角
「小丸子」姣招撞板

有位導演曾經講過內地女星係用一張又一張床瞓上去，先至可以紅。畢竟13億人口，要紅真係要爭崩頭。內地女星「小丸子」就有鋪癮，對啲已婚男特別感興趣，話說佢同大導演「小馬」合作嗰時，好容易就搞掂咗大導，但小馬當然只係逢場作興啦，唔會為佢同老婆離婚。

擺明同小馬有路
後來小丸子知道冇可能取代小馬老婆做正印，部戲拍到尾段，佢竟然開始發功搞個男主角「小虎」，小虎一樣有位星太老婆，但小丸子一於好少理，日日收工都係咁發情慾短訊姣人哋，點知小虎今次唔受媾，仲將嗰啲短訊畀老婆睇，咁當然令到佢老婆嬲到死啦！仲下令小虎以後唔可以同小丸子合作。
咁點解小虎會唔受媾呢！原來佢睇到小丸子點搭上小馬，明知佢同小馬有路，佢犯不着得失大導演。

「小丸子」= 張紙2
「小馬」= 馮小肛

點評

HaHa肥肥邊個係「小虎」 ??? 發表於 14-8-4 11:46

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1404^#

發表於 14-8-4 09:10 |只看該作者

本帖最後由 22May 於 14-8-4 09:11 編輯

關仁隱事：「美人」唔妥「醋埕」靠關係

宅男勁冧嘅「美人」同星二代出身嘅「醋埕」係同公司藝人，不時拍住檔做嘢，佢兩個喺其他人面前扮到好老友咁款，但原來佢哋勁唔妥對方，私下冇偈傾。關仁聽老友講，美人不時同身邊朋友講，自己好多網民支持，佢嘅知名度全憑自己實力得番嚟，話醋埕之所以成日有機會曝光同出騷，完全因為佢父母喺娛樂圈嘅關係，根本係掹父母衫尾，所以好不屑醋埕所做嘅嘢。美人四圍唱衰醋埕，醋埕當然收到風，所以醋埕見到美人都會當佢透明。

「美人」= 黃尾其
「醋埕」= 黃紙埕

點評

simple430 黃紙埕又真係好平庸發表於 14-8-4 12:37

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1405^#

發表於 14-8-5 09:01 |只看該作者

關仁隱事：「玉立」人企佢坐唔專業

呢排好多星二代加入娛樂圈，係咪個個撈得掂就唔知，但肯定好多都俾父母寵慣咗，好有自己風格，唔係好肯聽人講嘢，講衰啲就係唔專業，好似當年步阿哥後塵，入行做模特兒嗰位「玉立」就係其中一位，事關專業嘅模特兒換咗衫後就一定會企喺度等出場，以免服裝出現摺紋影響視覺效果，但玉立就一於少理，人人企佢都會照坐，試過有工作人員提醒佢，佢就黑晒面好唔鍾意咁，認真唔掂！

「玉立」= 謝停停

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1406^#

發表於 14-8-6 09:03 |只看該作者

關仁隱事：「帶金」「帶銀」是非送飯

嗰個兒孫滿堂嘅「帶金」，雖然唔知仲當唔當佢係藝人，但因為佢同佢個妹「帶銀」一樣，為咗見報乜都肯制，而佢哋兩姐妹其實真係好鍾意講人是非，有次關仁去日本旅行，估唔到喺六本木撞正呢對姐妹同阿媽一齊食飯，唔知係咪以為周圍都係日本人，冇人知佢講乜，兩個幾鐘頭嘅晚餐，全程就喺度講人是非，猛鬧一個圈中女藝人，話人哋成日扮有錢晒珠寶首飾咁，真係好討厭。

「帶金」= 帶搵胃
「帶銀」= 帶新胃

很想知道，追夢的人是如何踏出第一步?

私人傳訊

lovebabyking

珍珠宮

積分: 49773

開心吸收勳章最關心BB問題熱投勳章畀面勳章

1407^#

發表於 14-8-6 13:45 |只看該作者

回覆："Apple關仁隱事"一齊諗

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1408^#

發表於 14-8-7 09:08 |只看該作者

關仁隱事：「光管」獅子開大口

成日亂估嘢出位嘅「光管」，估乜都唔中，勝在網友鍾意笑佢吸到人氣，佢又唔怕醜笑笑口。不過光管都恃住自己知名度多咗，更加搶住賺錢，佢眼裏就乜都要錢。關仁八到佢以前黐星拍MV扮花瓶，唱片公司畀佢雞碎咁多車馬費，佢為博曝光都爭住做，但上咗少少位，佢就即刻以為升呢變巨星，好識開價錢，仲要獅子開大口，價錢嚇死人，佢咁樣做落去，好快會貪字得個貧。

「光管」= 大埔 LuLu 懂+2

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1409^#

發表於 14-8-8 08:55 |只看該作者

關仁隱事：「索媽」屈助手做醜人

「索媽」又潮又正，性格亦認真一流，無論人前人後都好有禮貌，傳媒粉絲都like爆佢，唔知係唔係因為佢太順得人，所以有時佢為怕得罪人就唔敢出聲。話說佢之前幫雜誌影相，點知髮型師同佢整個頭整到過晒火，當時人人都覺得唔多襯索媽一身造型，但因為髮型師都係星級，所以亦都有佢嘅堅持，索媽明明都唔多鍾意個髮型，但係又唔敢出聲，怕得罪合作多年嘅髮型師，不過天生愛靚嘅索媽唔做醜人，最後暗地叫助手搵話事人開聲同髮型師講，等佢出聲做醜人避免尷尬，一來唔使得罪髮型師，二來又可以繼續做索媽啦。

「索媽」= 陳胃琳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1410^#

發表於 14-8-11 08:57 |只看該作者

關仁隱事：「小甜心」午夜凶鈴個個怕

美女煮神「小甜心」個樣睇得又煮得，知道做呢行都要有引退同後路嘅時候，就轉型做飲食，個個人都讚佢識諗有計劃之餘，仲嫁個靚仔金融才俊老公。小甜心之前突然爆離婚，大家都覺得好突然，其實識佢哋兩公婆都知道佢哋出咗問題好耐，小甜心太着緊舖頭生意，成個人變得好有壓力，加上佢同老公一心想生BB又唔成功，之後又覺得對方有外遇，搞到成個人崩潰，晚晚夜蒲散心，要周圍搵朋友劈酒，當中包括不時打電話畀番啲前度男友，輕則玩到三、四點，重則個個都要玩天光先肯放人走，搞到佢身邊啲朋友都怕收到佢午夜凶鈴。

「小甜心」= Amanda S

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1411^#

發表於 14-8-13 10:07 |只看該作者

關仁隱事：「花旦」反口覆舌人人憎

藝人接job好多時都會透過中間人幫手，正所謂冇免費午餐，人哋幫你搵到嘢做，畀番佣金人都係天經地義，但原來有個前大台「花旦」個名已經臭晒，唔係個客指定，都唔會搵佢做嘢，因為佢除咗唔肯開工前簽約，搵佢做嘢仲要膽博膽，佢甩底你都冇佢符，最離譜係傾好咗佣金，做完個job佢就會反口，自己鍾意畀幾多就畀幾多人，仲要補多句：「其實畀咁多夠啦！」嘩，街市買餸咩！咁都有得講價，唔怪得你冇嘢做啦！

「花旦」= 塵髮奶?

點評

蕃茄薯仔湯就咁花旦都估到,勁發表於 14-8-16 16:08

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1412^#

發表於 14-8-14 09:34 |只看該作者

關仁隱事：「孱仔強」度屎橋𢱑人仔

近年唱片市道死氣沉沉，連陳奕迅都呻有隻碟喺台灣賣得900隻，難怪好多歌手都要北上搵食，好似「孱仔強」咁，因為呢排出碟好勤力做宣傳，接咗鬼咁多工作，點知檔期搞到亂晒龍，關仁聽聞佢有次答應咗電台做訪問，上節目宣傳新碟，之後有個內地商演搵佢演出，好衰唔衰日期撞到正，孱仔強左度右度梗係做商演頴銀啦，但唔知點同電台交代，佢就度咗條屎橋，話屋企有事，唔可以去電台做訪問，咁就唔怕順得哥情失嫂意啦。

「孱仔強」= 紅桌立?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1413^#

發表於 14-8-15 09:00 |只看該作者

關仁隱事：「游泳」「堅姐」日日鬥餐懵

大台近年啲劇集收視每況愈下，講真幕後高層你爭我奪啲情景，真係隨時好睇過啲劇。好似𠵱家得勢不饒人嘅「游泳」，同另一話事人「堅姐」，鬥到火紅火綠就係人都知，唔少員工每日返工就係睇吓佢哋惡鬥嘅進展。聽聞近日兩位阿姐鬥到越嚟越白熱化，堅姐已經暗自表明，凡係佢話事嘅劇集絕對唔會用游泳啲愛將，好似「靚魚腩」同「旅行達人」等，但係大台𠵱家孭得飛嘅小生花旦賣少見少，兩位阿姐咁鬥，最終咪就係搞着啲幕後左右做人難。

「游泳」= 魚游山
「堅姐」= 620
「靚魚腩」= 黃脆魚
「旅行達人」= 紅永x

很想知道，追夢的人是如何踏出第一步?

私人傳訊

simple430

翡翠宮

積分: 79739

好媽媽勳章醒目開學勳章環保接龍勳章

1414^#

發表於 14-8-16 13:48 |只看該作者

(綜合報道)(星島日報報道)「拉仔」的現任已經是第六個名媛女友，平均一至兩年換畫一次，富貴老竇看在眼內不表態，但阿媽就不時反映意見，希望「拉仔」早日成家立室。

　　其實「拉仔」自細就喜歡和同性玩，奈何是家中獨子，要繼承近10位數字的家業，阿媽講到明要傳宗接代，令家族一代代傳承下去。

　　「拉仔」惟有不斷與城中富三代又嫁唔出的小姐們拍拖，曾經被他追求過的坐埋就用粗口問候「拉仔」祖宗十八代，為因每次都是人前親密人後疏離，偏偏每個女人都當自己是神奇女俠，以為有能力將攣變直，最慘到頭來被利用又不敢出聲講出真相。

　　「拉仔」食硬這班女人的弱點，假拍拖來等老竇送身家給自己，最近已密謀借肚生仔，上演一齣完美的戲。

https://hk.celebrity.yahoo.com/n ... E%B6-220128077.html

「拉仔」= 胡仔 ?????

私人傳訊

chingcging

伯爵府

積分: 19013

環保接龍勳章

1415^#

發表於 14-8-17 01:19 |只看該作者

回覆：\"Apple關仁隱事\"一齊諗

YAHxx 有篇報導, 大家估下主角係邊個?

「鬥雞」飛「前度」失敗決定偷食終老

綜合報道)(星島日報報道)「鬥雞」曾經有兩段難忘戀情，最愛自然是現在「健將」的未婚妻「排骨」。「排骨」向來風騷，所以跟一直拍拖拍到悶的「鬥雞」一拍即合，二人認真程度連「健將」也以為今次甩硬拖。
　　誰不知「前度」來一招尋死，嚇到「鬥雞」以為搞出人命，即時與「排骨」斬纜，乖乖回到「前度」身邊，可惜兩人性格不合遲早出事。
　　「鬥雞」未幾又撻着一位專業人士，對方不單有內有外，而且品性溫純，「鬥雞」下定決心要跟她一起，「前度」即時將「鬥雞」的瘀事一一攤出來要他知利害。怕死的「鬥雞」再一次屈服，亦知道只可以定期偷食，打消離棄舊愛做一隻無腳雀仔的念頭。「前度」今次慘勝，贏人輸心，認真無謂

完全估唔到…

點評

22May 嘩!睇到頭暈都估唔到! 發表於 14-8-18 09:28

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1416^#

發表於 14-8-18 09:14 |只看該作者

本帖最後由 22May 於 14-8-18 11:57 編輯

關仁隱事：「太陽」靠「小兒科」上位

「太陽」喺呢行撈咁多年都紅唔起，自從同女朋友「小兒科」公開戀情後，幾乎全香港有留意八卦新聞嘅人都識佢，終於嘗到飄飄然嘅滋味，佢都好醒目，把握機會討好傳媒，逢電必覆兼有問必答，表現得禮貌周周咁，關仁聽聞太陽一早已經恨上位，以前未同小兒科拍拖仲係零人氣嘅時候，就成日主動問記者有冇嘢夾嚟做，仲話自己乜都肯做㖭，𠵱家終於畀佢靠戀情上位，仲唔趁機碼實傳媒建立關係咩，如果佢哋有日分咗手，都唔使驚記者唔再寫佢啦。

「太陽」= 周紙陽
「小兒科」= 何O兒

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1417^#

發表於 14-8-18 09:21 |只看該作者

關仁隱事：「外婆橋」半夜敲門找慰藉

其實娛樂圈之所以咁多人想入，其實同佢真係好多「福利」有關。乜嘢福利咪就係免費餐囉，好似年前大台出埠開工，當時未咁出名嘅新人「外婆橋」有分演出，到半夜三更佢就出去不停敲男演員房門。
最先俾外婆橋睇中嘅係新紮嘅「唱歌仔」，原本係天作之合姣婆同脂粉客，可惜唱歌仔當時位正印「大公仔」都喺度，所以唔成事。但係外婆橋冇放棄，轉攻另一位男演員「通山跑」，自然水到渠成。其實外婆橋唔止鍾意後生仔，佢亦都同合作過嘅中生「英軍」有一手，用「悅」人無數嚟形容佢，相信都唔錯得去邊。

「外婆橋」= 搖紙0
「唱歌仔」= 唔唱K
「大公仔」= 官音啦
「通山跑」= 塵山沖
「英軍」= 落英軍

點評

蕃茄薯仔湯咁都估到，勁！！發表於 14-8-21 09:58

很想知道，追夢的人是如何踏出第一步?

私人傳訊

GMGM

男爵府

積分: 8237

1418^#

發表於 14-8-18 11:48 |只看該作者

回覆 22May 的帖子

「太陽」= 流毒膿
「小兒科」= 溶早2

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1419^#

發表於 14-8-19 09:16 |只看該作者

關仁隱事：「牛女」30萬做一晚朋友

「牛女」結兩次婚，越搞越大鑊，打大交又爭撫養權，真係冇日安寧，兩公婆各自有羅生門版本。當中有指牛女識咗唔少富豪搞婚外情，原來都唔係新鮮事，密密同內地或者本地富豪聚會，都不時傳出佢出外見識「朋友」，佢喺婚前已主動聯絡不少內地同本地富豪，提出可以短敍一晚、一星期、一個月及幾個月等做「朋友」，婚後要湊小朋友都不時公幹與「朋友」會面。牛女十分進取，為咗保密同避免俾中間人食差價，佢會親自出擊，鎖緊目標就會向有潛力嘅「客戶朋友」暗示，聽聞做一晚朋友價要30萬，真係唔係隨隨便便同人做朋友。

「牛女」= 黃奕

很想知道，追夢的人是如何踏出第一步?

私人傳訊