我哋三年前抽中居屋樓花，本應係一件開心事，但兩年前阿女中咗covid之後重症需要坐輪椅，就係惡夢嘅開始，本身我做part time job，照顧屋企又可以賺少少零用錢，依家我要全職再加工人先至搞得掂，最煩就係依家要攪無障礙裝修，我又唔識搞，再加上阿囡青春期唔肯同工人同房，搞到一鑊粥，大家分歧越來越遠，老公又唔肯一齊商討，一味話你揸主意我負責畀錢啫，依家係咁畀裝修設計公司係咁加錢，因為我哋都無無障礙嘅經驗，坊間又好少資料，工程依家又畀咗第二期做曬打拆卸，前幾日師傅打卸完嘅廁所，話洗手盆條去水喉要轉少少灣先可以入牆，唔係好明問下佢，佢就不斷話都做明喉係你鍾意話要做暗喉，我今日約咗個師傅來傾電掣位，佢又唔係好想理，如果有啲乜嘢就會不斷抽秤我，昨天我同阿女去宜家傢俬睇下，阿女叫到佢都唔肯出，我真係覺得好辛苦和心淡(emoji)(emoji)，囡囡知道我好唔開心，佢話唔好理爸爸，我哋行街開開心心。到咗夜晚返屋企，囡囡開始同爸爸傾計，係你媽咪話要搵呢間裝修，依家畀人後加4-5萬....，起初我哋大家一齊去搵裝修，又話無意見，又話睇咁多間睇完未，其實只係睇咗4-5間，我見呢間算係第二平，所以決定撲鎚。
發表於 
返回列表
