吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇jm既老公都係咁咖？

夫婦情感今日: 4|主題: 42788

收藏本版

發帖

返回列表

跳至頁

查看: 11718 | 回覆: 65

12 3 4

積分: 35654

1^#

發表於 17-1-22 23:55 |只看該作者 |倒序瀏覽 |打印

我老公唔會主動，有時亦好抗拒我，唔好話床事，拖手錫錫佢永遠唔會，咁我咪主動啦，行街果陣走去拖住佢，一陣佢就fing甩我手，有時佢放工返到屋企，攬下佢啦佢又推開我（唔太力），佢訓覺前我錫下佢，佢又嗯一聲擰開，又或者專登用條脷頂開我

我真係好冇癮，因為我地都有幾個小朋友，我唔想冷落佢，見人地話生左bb後會冷落另一伴，我盡量都做返老婆應該有既野，但係佢反而掉返轉，話好攰唔想唔好搞我咁，好似對我完全冇晒興趣，佢又唔係冇需要只係唔需要我，有時見佢都會成日睇女人，街會睇電話會睇，電話都會睇女性器官由其大胸，佢會睇完又睇，有時同佢睇下機，佢又覺得我阻住佢，問我自己冇機睇咩，我樣樣野都想分享佢知，但係佢又唔係……收收埋埋，我會因為咁好多時都唔開心，可能我而家又陀住一個成日亂諗啦

0 0 0

私人傳訊

BREADWING

珍珠宮

積分: 35654

2^#

發表於 17-1-23 00:08 |只看該作者

回覆樓主:

講返，佢對仔女係好好好錫錫到燶，佢做到既都會比佢地，總知算係好爸爸，對住我係負責任，每個月家用佢比到都會盡量比我，咁我係ftm,屋企所有開支都係佢，都明白佢會好大壓力，所以我比較著重儲蓄，所以錢銀去到我手就好難撩到出去（所以老公成日話我貪錢計到盡），我自己都算慳唔亂買野，只係我冇安全感怕突然間有咩事需要筆錢，所以就算老公有時話叫我借比佢我都唔願借，就算借都收返息，我成日話你擺銀行定期銀行都唔會比你話攞就攞啦，不過佢唔太認同，變左而家有時我問下佢工作上既野，佢都以為我問佢攞錢

上次個仔要交費，我問左佢一聲銀包有冇500蚊，佢就大大聲話我做咩係咪想偷錢，而家你冇咩咁樣講，其實我真係好唔開心

私人傳訊

BREADWING

珍珠宮

積分: 35654

3^#

發表於 17-1-23 00:15 |只看該作者

回覆樓主:

我應該要點做呢，拍拖到而家結埋婚都已經十年，老一輩既就只係叫我乜都要忍，做好自己本份，佢返工好辛苦點點點，但係我成日諗婚姻唔係大家既咩，我好想大家關係好d,咁對一世咖嘛……

私人傳訊

jeremylui83

子爵府

積分: 14244

畀面勳章

4^#

發表於 17-1-23 00:15 |只看該作者

結左婚幾耐？連埋肚入面果個，總共有幾多個小朋友呢？
其實啲錢實際上係你老公的，你工作只係為家庭理財。。你儲蓄個出發點係好，但你同老公下下計到盡，佢會對你反感的。。你已知問題所在，希望你盡快改善自己。。
一個人承擔成個家庭係好吃力的，你俾左個貪錢感覺俾佢，佢冇晒癮對你心淡都有可能。。

私人傳訊

BREADWING

珍珠宮

積分: 35654

5^#

發表於 17-1-23 00:24 |只看該作者

jeremylui83 發表於 17-1-23 00:15
結左婚幾耐？連埋肚入面果個，總共有幾多個小朋友呢？
其實啲錢實際上係你老公的，你工作只係為家庭理財。 ...

結左婚7年拍拖3年，加埋都10年，細路黎緊4個，我儲定錢係因為佢份工好唔定，有工開先有果種，同埋之前佢有前科有錢係身就亂fing，打機買點都用左十幾萬唔只呢樣，仲走去買倫敦金之前輸左5萬，上個月又輸多3萬，仲要唔比我知買左輸左先同我講，其實佢比家用我都仲有錢淨，我知佢係因為我著重錢所以每個月出幾多佢都唔會話我知，同埋唔會比多d我，佢只係覺得錢係佢搵，搵幾多點用點分配係佢既事，我唔好理，好啦到佢冇淨fing晒又問我借，老實講我真係唔鍾意，明明佢出糧出咁多只係比人工20%我做家用，但係佢都唔節制下自己仲怪我

私人傳訊

BREADWING

珍珠宮

積分: 35654

6^#

發表於 17-1-23 00:33 |只看該作者

jeremylui83 發表於 17-1-23 00:15
結左婚幾耐？連埋肚入面果個，總共有幾多個小朋友呢？
其實啲錢實際上係你老公的，你工作只係為家庭理財。 ...

不過都多謝你提醒我，冇錯佢的確對我比以前反感左，錢只係其中一個問題，佢有乜野開心唔開心都唔想同我講，寧願同佢班舊同學講，我都感覺到佢開始好想去結識女仔鍾意同其他女仔互動，因為佢有同人講過話d女同學唔太靚但性格人品好吸引人,又有意無意同我講話約人去打羽毛球，但其實呢十年佢從未打過羽毛球

我都知佢唔好運動

私人傳訊

恩庭寶貝

禁止訪問

積分: 29958

7^#

發表於 17-1-23 00:34 |只看該作者

提示: 作者被禁止或刪除內容自動屏蔽

私人傳訊

jeremylui83

子爵府

積分: 14244

畀面勳章

8^#

發表於 17-1-23 00:36 |只看該作者

有機會係佢工作同生活壓力大，想fing錢去減壓，但咁做當然係錯。。
不如大家傾下，你睇下點樣可以幫到佢用另一個方法去減壓，你地有4個小朋友，你老公即係一個養六個人，唔簡單。。當然想像到你都超辛苦湊細路唔係講笑。。大家都為了家庭付出很多，要互相關心多些體諒才可以行落去。。

私人傳訊

jackiemei

侯爵府

積分: 23624

9^#

發表於 17-1-23 00:44 |只看該作者

BREADWING 發表於 17-1-23 00:08
講返，佢對仔女係好好好錫錫到燶，佢做到既都會比佢地，總知算係好爸爸，對住我係負責任，每個月家用佢比到 ...

你收「利息」難道佢會開心？

私人傳訊

BREADWING

珍珠宮

積分: 35654

10^#

發表於 17-1-23 00:50 |只看該作者

jeremylui83 發表於 17-1-23 00:36
有機會係佢工作同生活壓力大，想fing錢去減壓，但咁做當然係錯。。
不如大家傾下，你睇下點樣可以幫到佢用 ...

經濟上就一定幫唔到佢，我次次一開口講野或者大家討論時候都好容易鬧交，我知佢份人唔輸得要我認同佢或者要我收聲唔比我講，我自己又包拗頸唔忿氣條氣唔順又吵幾日嬲幾日……所以我都唔知由邊到開始同佢講好，定係我應該要返下外家幾日等大家冷靜下呢？好似日日對住變左佢覺得好多野都理所當然，我又係咁，好似沒完沒了，佢攰我又攰，大家累鬥累，唔知咁樣做可唔可以有小別勝新婚感覺呢？

私人傳訊

BREADWING

珍珠宮

積分: 35654

11^#

發表於 17-1-23 00:56 |只看該作者

jackiemei 發表於 17-1-23 00:44
你收「利息」難道佢會開心？

其實收利息目的係想佢唔好下下借，有d野借開就一路借，呢d係我自己覺得啦，雖然某程度上我咁做係好衰，不過我都係為成個家庭著想，若果有一日佢唔掂都仲有我做後盾

私人傳訊

uglyfufu

大宅

積分: 3287

12^#

發表於 17-1-23 01:26 |只看該作者

錢係老公賺，問你借＄要收息，佢一定覺得你計較同睇＄大過天啦！我自問都管＄管得嚴，但若c6有玩具想買（hi fi/相機貴至幾萬），又或者佢請佢屋企人去旅行或食飯（由二丶三千至三、四萬），我都盡量由得佢，只要唔好經常係咁就ok（有時有啲玩具我知佢恨左好耐，我甚至主動送俾佢，氹下佢開心）。佢賺＄辛苦，佢當然有權去使用自己嘅＄，大前題係唔影響家庭開支。

你以為為頭家，佢只會覺得你守財貪錢和算死草，咁關係又點會好？佢當然唔會俾多過20%你啦，因為借返要收息喎，佢自己keep住好過啦

私人傳訊

BREADWING

珍珠宮

積分: 35654

13^#

發表於 17-1-23 01:43 |只看該作者

uglyfufu 發表於 17-1-23 01:26
錢係老公賺，問你借＄要收息，佢一定覺得你計較同睇＄大過天啦！我自問都管＄管得嚴，但若c6有玩具想買（hi ...

佢d錢點用我冇過問佢，就係衰在佢用完晒佢d錢就好興問我借，佢比既家用冇錯係佢賺，但係我成日話家用係最後防線，冇必要都唔會攞，佢控制唔到自己永遠洗突，有幾多就洗幾多，好似近幾日佢睇中部車，已經話想買要換車，部車幾十萬唔係閒錢，加上我地已經有部車係就係舊d,但行得走得又冇事，無啦啦做咩要換，頭先佢都炳我，話又唔係我比錢駛咩問我，咁又係呀到時供唔掂唔好又問我攞，好老實我真係經歷左d事先有咁既改變睇得咁重，之前佢爭銀行錢搞唔掂筆數搞到我一身蟻，因為佢用我個名去借，如果佢有小小自制能力我都唔會咁，不過衰左之後又係一樣

私人傳訊

BREADWING

珍珠宮

積分: 35654

14^#

發表於 17-1-23 01:45 |只看該作者

uglyfufu 發表於 17-1-23 01:26
錢係老公賺，問你借＄要收息，佢一定覺得你計較同睇＄大過天啦！我自問都管＄管得嚴，但若c6有玩具想買（hi ...

咁樣唔通我真係仲由佢攞……

私人傳訊

patpatching

大宅

積分: 2158

15^#

發表於 17-1-23 04:46 |只看該作者

收息又真係過份咗，有借有還咪算囉，一家人計到咁盡，破壞夫妻關係何必呢？

私人傳訊

sumlam

珍珠宮

積分: 35137

好媽媽勳章

16^#

發表於 17-1-23 05:13 |只看該作者

回覆：有冇jm既老公都係咁咖？

兩公婆要講到收息

段婚姻都好危下

再加上你先生對你親密既舉動，其實已經顯示左

好快啲加油諗諗計點氹番佢了

自由.自由,多少罪惡假汝之名以行

私人傳訊

kathau

大宅

積分: 2607

17^#

發表於 17-1-23 07:29 |只看該作者

回覆樓主:

你老公一人做野, 都夠膽生4個, 相信人工應該好高, 又或者唔使供樓, 咁你守住積蓄係可以理解的。

不過而家攪到老公對你印象差哂, 做女人真係好無奈。嘗試改變下, 十年夫妻, 你應該知道佢想你點。

私人傳訊

BREADWING

珍珠宮

積分: 35654

18^#

發表於 17-1-23 07:55 |只看該作者

kathau 發表於 17-1-23 07:29
你老公一人做野, 都夠膽生4個, 相信人工應該好高, 又或者唔使供樓, 咁你守住積蓄係可以理解的。

不過而家 ...

的確佢人工係唔錯，所以佢係足夠自己用，不過人心不足蛇吞象，愈搵得多就愈洗得多，佢成日話你理得我我好快又搵得返啦，我都知佢而家應該好境d，以前都試過4個月冇工開，要修補返關係令佢對我唔反感就只有錢可以解決？定係我任由佢做所有野？我覺得好難做，我太多顧慮佢又好似冇咩顧慮咁，佢係一個想做就做左先，有乜野第日先算既人，不過係呢版黎講算好小事，佢唔飲唔嫖唔賭暫時，如果繼續咁樣佢可能會變成咁都未定