少年成長今日: 3|主題: 16108

收藏本版

發帖

返回列表

跳至頁

查看: 14208 | 回覆: 0

吸引力 [複製鏈接]

csir3290

子爵府

積分: 12552

1^#

發表於 22-7-31 09:53 |只看該作者 |倒序瀏覽 |打印

早幾日趁阿女生日專登全家人上咗去「天際100」度參觀。佢兩個由於去過台灣嘅101，所以諗住佢兩個其實都唔會有特別大興趣，不過可能真係未去過，而果日又係平日嘅下午，所以唔係好多人又行得好舒服，而且而家上面仲有一個叫做「5G實驗室」嘅活動，有好多遊戲畀佢哋可以玩，所以佢兩個都玩得好開心好興奮，仲可以四圍去打卡影相，而且仲可以望住個靚景食咗個下午茶。

嗰日我哋上去嘅時候，我哋同一批由老師帶住嘅學生差唔多時間同一齊上去，我同我老婆講話而家啲學生真係幸福，連「天際100」呢啲地方都有學校同佢哋嚟參觀。一齊排隊搭𨋢嘅時候，班學生見到樣樣嘢都覺得好興奮好新奇，上到去嘅時候呢批學生亦都係一樣四圍參同童玩，本來都冇乜特別而且班學生亦都好守規矩冇話騷擾到人。點解會留心到佢哋呢？原因係當我對仔女仲好開心咁喺度四圍玩緊，影緊相嘅時候我同老婆留心到所有喺上面嗰啲嘅長凳都已經畀呢批學生佔據住。可能佢哋已經係中學生，所以佢哋覺得嗰啲「5G」活動好似有啲幼稚唔係好啱佢哋玩，而個靚景又可能只係吸引到佢哋十零分鐘，所以好快脆我已經見到班學生差唔多個個都坐低曬係嗰啲長凳上面。連嗰度上面有幾張枱仔係畀啲小朋友畫畫，寫明信片嘅地方都俾佢哋坐咗，我個仔鍾意畫畫就想坐咗埋去油顏色，班中學生見到我個仔想坐低，其實都好有禮貌即刻讓返個位畀我個仔。隔冇耐我就聽到佢哋嘅老師行埋嚟同啲學生講叫佢哋唔好坐曬喺度，尤其是唔好佔據住嗰啲畀細路仔畫圖畫嘅地方，班中學生都好聽話跟住行開咗，我老婆跟住就陪阿仔繼續畫畫我就同家姐四圍影相，我同家姐影緊相嘅時候又聽到個老師喺我哋後面同另外一批學坐咗喺長凳上嘅學生講，提佢哋唔好坐曬喺度玩手機，個老師仲話咁難得嚟到啲啲咁靚嘅地方就四圍睇下四圍參觀下啦！要玩手機我返屋企先至玩啦，但係當老師行開咗，班學生又坐番曬喺度繼續玩佢哋嘅手機。

我有陣時諗其實如果我哋以前細個做學生嘅時候有咁幸福就好啦！有老師四圍帶我哋去參觀仲可以去啲咁特別嘅地方。但係而家嘅細路仔可能真係部手機太吸引，根本好難有嘢再可以引起到佢哋好大嘅興趣，其實「天際100」上面已經又有靚景又有冷氣仲有嘢玩，但都比唔上佢哋部手機吸引，咁究竟仲有啲乜嘢可以引起佢哋嘅興趣呢？「天際100」對佢哋嚟講可能最大的吸引力就係可以喺一個有冷氣嘅地方畀佢哋自由咁樣玩手機。可能有啲家長會話點解老師會畀你咁樣做，但係我嘅觀察就係老師其實已經成日提醒班學生，但係一個參觀幾十人得幾個老師帶隊就算啲老師不停咁巡，都唔能夠阻止到佢哋攞部手機出嚟，況且我親耳聽到啲老師提啲學生唔好玩手機添！

其實學校已經肯安排唔同嘅活動畀佢哋去參與，學校我估亦都唔係唔教啲學生點樣用手機嘅態度，但係呢樣嘢正正其實應該係由家長自細開始培養仔女有正確嘅態度，俾手機佢哋之前，家長有冇培養佢哋唔同嘅興趣，有冇做好身教，教佢哋要有節制咁佢用自己部手機呢！呢啲自細唔教，到佢哋所有都成為習慣成曬形嘅時候，學校就算做幾多嘢可能效果都唔會理想。就好似呢個參觀咁，我見到啲老師都已經好盡力咁去提醒啲學生，老師亦都唔係話鬧佢哋罰佢哋都係好言相勸，但係細路仔就似乎唔係好感受到學校安排呢啲活動嘅用心，繼續沉醉於自己部手機之中。咁究竟係學校嘅問題定係學生嘅問題亦抑話歸根究底係家長嘅問題呢？

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 3|主題: 16108

少年成長今日: 3|主題: 16108