Hello Ccly8383 ，一歲小朋友主要營養來自三餐固體，每日1-2中號碗爛飯/粉/麵、4-8湯匙瓜菜、1/2碗水果粒、2-4湯匙肉/魚/蛋/豆類，一日兩餐奶(360-480ml)係均衡飲食嘅一部份，如果佢唔願意飲，唔建議用強迫嘅方法，可以隔一段時間用杯再試。媽媽有試過俾BB食穀物早餐(corn flake)、例如早餐/下午茶，奶加麥片/薯蓉/ 乳酪、芝士/奶薯蓉)。囡囡固體食得好唔好呀?
點解媽媽想俾BB飲豆粉代替牛奶? 係咪怕佢對牛奶敏感? 一杯牛奶約含300毫克鈣質，而一盒紙包裝加鈣豆奶約250-450毫克鈣，鈣質相約。但兩者各有不同營養素，例如牛奶有動物蛋白質，而豆奶有植物蛋白質。建議餵緊母乳嘅BB可以繼續到2歲或以上係最好架!
建議媽媽試下用唔同方法吸引小朋友,例如奶加麥皮/星星片, 奶布丁等, 俾D鈣質豐富嘅食物小朋友，例如芝士、乳酪、硬豆腐等去補充鈣質。另外, 選購豆奶/豆粉時可多留意產品上營養標籤資料，盡量選擇低糖或無糖｡兩者交替飲用, 可攝取多元化營養素, 加上小朋友固體食物食得好,媽媽都唔需要擔心, 加油呀!
發表於 
返回列表
