少年成長今日: 0|主題: 16132

收藏本版

發帖

返回列表

跳至頁

查看: 13434 | 回覆: 0

「控制狂」與「勸導狂」 [複製鏈接]

csir3290

子爵府

積分: 12791

1^#

發表於 22-5-8 10:16 |只看該作者 |倒序瀏覽 |打印

早幾日睇報紙專欄睇到一篇文章講「控制狂」同埋「勸導狂」兩種人。作者講到喺社會上佢最怕遇到嘅兩類人，就係上面嗰兩種。作者講到喺社會上其實好多呢兩類人，職場上最怕遇到呢兩種人。控制狂相對容易明白啲，就係鍾意控制他人，乜嘢都要人哋跟自己嘅諗法去做。如果係上司都仲好啲，因為只要跟足佢嘅做法就冇問題，如果係朋友同埋家人就更加煩。一唔跟佢嘅做法，就發脾氣甚至冷暴力總之最後就要令你屈服跟足佢哋嘅做法。但係明刀明槍嘅控制行都容易啲對應付，如果係上司或者係伴侶就冇辦法啦，心甘命抵你都要跟住佢做，鬼叫你要打份工或者你要揀同佢一齊咩。但係有啲表面扮民主實質「控制狂」就更難應付，開頭好似冇乜所謂總之完成件工作就可以，但係喺過程中就事事干涉要你估佢點諗然之後用佢嘅方法去做，呢啲就仲麻煩。我喺工作上都曾經遇過呢類上司，真係好難應付。

操控狂難應付另外一種「勸導狂」就更麻煩，佢畀「操控狂」更進一步，其實佢都係想你跟佢嘅方法做，但係「操控狂」就明刀明槍，「勸導狂」就表面好似好關心你成日提醒你，事事都話為你好為你著想，總之佢自己嘅諗法就係啱，硬係將自己嘅諗法套喺人哋身上，其實講到尾都係希望你跟佢嘅方法去做，只不過表面上就好似為你著想為你去諗，呢一種人經常掛喺嘴邊嘅就係「我都係為你好啫」，一有唔同佢嘅諗法嘅話，就係人哋有問題，但係呢一種人表面上就包裝到好似係為他人著想，自己以為為他人著想，其實就係想將自己嘅意見自己嘅睇法強加於人哋身上，呢一種人亦都係唔會覺得自己有問題，因為佢覺得自己嘅出發點就係為人哋好所以唔同佢嘅諗法嘅話就係人哋有問題。

睇完篇文章之後我覺得最常見係好多家長正正就係呢兩類人。青少年人所謂反叛期出現其實正正就係父母犯上呢兩呢兩類人嘅毛病。因為細路仔細個通常都聽父母講，父母控制佢哋一切，到仔女越嚟越大開始有自己想法嘅時候，家長唔適應同埋唔想轉變同仔女嘅相處方式，希望繼續好似以前咁事事都可以控制，做得差啲嘅就係明刀明槍嘅「控制狂」，啲仔女就會覺得父母專橫橫蠻無理。以為好少少嘅就成日喺仔女側邊勸佢呢樣勸佢嗰樣，其實都係事事插手，口中就係為佢好，仔女一日唔跟佢哋嘅做法或者諗法，佢就一路唔停口咁樣所謂勸佢哋。兩種做法都係因為唔懂得將自己代入去仔女嘅諗法入面，唔懂得感同身受。其實到最後都係將仔女推得越嚟越遠。作為家長真係要時刻反省下自己係咪「操控狂」或者「勸導狂」。千祈唔好好似社會上好多人咁，自己不知不覺成為別人心中嘅「操控狂」或者「勸導狂」而令人討厭。

0 0 0

私人傳訊

跳至頁

返回列表

回覆

發帖

熱門搜尋：

少年成長 今日: 0|主題: 16132

瀏覽過的版塊

少年成長今日: 0|主題: 16132