| Muffins食譜（做到12個） 355g 低筋面粉 1茶匙蘇打粉 2茶匙發粉 1／3 茶匙鹽 225g 糖 (我用190g 糖, 我覺得夠甜) 125ml 菜油 (我用提子油) 一隻蛋 250ml全脂乳酪 一隻半熟蕉，或者一碗blueberries（隨你鐘意多少）。其實生果，朱古力等係自由發揮，只要唔係太多就唔會散。 1）焗爐190度 2）一個碗，攪混面粉，蘇打，發粉，同鹽 3）第二個碗，攪混乳酪，糖，菜油，同蛋 4）將亁料倒入濕料個碗內，慢手攪十來廿秒至混沌。技巧係慢手唔好攪起d面筋，咁先鬆軟。 5）如果用蕉，就將其壓做蓉伴入，如果用blueberries，洗乾淨就可伴入。 6）用紙杯，將料分十二個倒入cup cake嘅焗盤，放入焗爐。 7）入焗爐後加溫至200度。焗20至25分鐘左右，至金黃色。中途可將盤轉180度等焗得均勻d。這一步要睇你個焗爐大細同火力，差不多就自己睇住。想清楚焗透未，插支牙簽入一個muffin內，如拉出來係乾淨就即係得。 8）出爐後將muffins 由盤中倒出等佢地散熱，好似張相咁。 |
發表於 
返回列表
