吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 可唔可以幫幫我....好灰

母乳餵哺今日: 0|主題: 85707

收藏本版

回覆發帖

返回列表

跳至頁

查看: 2617 | 回覆: 23

可唔可以幫幫我....好灰 [複製鏈接]

豬扮人

複式洋房

積分: 178

1^#

發表於 07-6-22 20:24 |只看該作者

可唔可以幫幫我....好灰

我bb 食人奶, 佢最多都係兩個鍾就食一次....
則係一點食...食到兩點, 三點就喊要食!
好多時仲要係餵完一兩個字, 佢就又喊要食奶,...
我而家好似一日都冇放底過阿b 係咁要餵奶
係咪我d 奶有問題.................
有咩方法可以改善...............?????? :-( :-( :-(
而家老公都頂唔順夜晚主動開奶粉....
食奶粉就可以一訓訓大約兩個鍾先醒....
攪到我都餵到灰灰地...有D想放棄餵人奶...
同埋我夜晚好似特別難出奶...D 奶又特別稀...
訓醒覺就好D......點算??

私人傳訊回覆引用

jjtseung

伯爵府

積分: 15067

2^#

發表於 07-6-22 20:38 |只看該作者

Re: 可唔可以幫幫我....好灰

你BB幾大??

唔好懷疑自己...

我女女聽日半歲... 個幾月時呢頭食完換片, 嗰頭又要食過... even而家食奶都仲係隔2.5-3hrs就要食, 但我已經算多奶的, 全人奶之餘, 日日有around 10ozs可以储到雪奶... 我覺得人奶好易吸收, 同埋同BB個人的吸收能力有關! 唔好心急, 捱過佐呢關, 你會出奶快佐, 亦會多奶些, 咁BB就會耐d先食架啦!!

儘量唔好補奶粉, 等BB啜多d, 會快d多奶架!! 加油!

私人傳訊回覆引用

bbdou

男爵府

積分: 8493

3^#

發表於 07-6-22 20:47 |只看該作者

Re: 可唔可以幫幫我....好灰

bb如果食食下瞓左，要摷醒佢，等佢知道食奶時食奶，瞓覺時瞓覺，你自己要多d休息，補充多d水份，有時bb要啜並唔係肚餓想食奶，而係要找尋安全感。
不用懷疑自己做奶媽的能力，餵哺係所有哺乳類動物，包括人類，的天性，上天既然賦予你生育的能力，就同時賦予你餵飽養大佢的能力，俾d信心自己，越補奶粉你的母乳路就越難行。加油！

私人傳訊回覆引用

pandabunny

複式洋房

積分: 418

4^#

發表於 07-6-22 22:14 |只看該作者

Re: 可唔可以幫幫我....好灰

我個B而家2個月大，試過每2個鐘頭就喊食奶，但只係食5-10分鐘，日夜如是，攪到我筋疲力竭，日頭有工人幫手，我一餵完奶就休息，半夜餵完奶就放BB落床，自己即刻訓。雖然BB好似每餐飲左好少奶，但磅數有增加，健康院姑娘話即係BB有食飽，食奶時間長短並吾係問題。你吾好擔心甘多，心情差和吾夠訓都會影響奶量，你要堅持下去，只要BB吸啜正確就會飲到奶，BB係吾會餓親的。

私人傳訊回覆引用

Lulu皇后

子爵府

積分: 11160

5^#

發表於 07-6-22 22:39 |只看該作者

Re: 可唔可以幫幫我....好灰

你好叻!!繼續努力呀

你已經餵咗2個月啦,亞b越大,餐與餐之間距離嘅時間會越來越耐,比d恆心啦

未經本人許可, 不得轉載

私人傳訊回覆引用

heyjacque

洋房

積分: 35

6^#

發表於 07-6-23 14:07 |只看該作者

Re: 可唔可以幫幫我....好灰

其實我都有你既問題，而家BB20日大，我每次埋身餵，試過為1-2小時，佢都好似唔想放口，就算放口，過5-10分鐘又喊肚餓，我都對自己埋身餵真係無晒信心。我無比奶粉佢，雖然有一剎那係想放棄，我而家先埋身餵一陣，之後補泵奶給他，因為我怕越唔埋身餵就越少奶。。係好辛苦，但係我都相信母乳是最好的。
我也希望其他媽媽能夠給我意見~

私人傳訊回覆引用

peaceaa1122

珍珠宮

積分: 37862

馬年勳章 2025中秋節勳章 2025勳章蛇年勳章 2024年龍年勳章好媽媽勳章醒目開學勳章畀面勳章

7^#

發表於 07-6-23 15:00 |只看該作者

Re: 可唔可以幫幫我....好灰

我初時同你一樣，但後期醒起姑娘教每邊食15-20mins，食完一邊就用手指輕輕幫佢退出，比另一邊佢食，差唔多15-20mins就停，如bb 喊你可拍下抱下安慰下佢，等下一餐先餵。
這時候你就好去

私人傳訊回覆引用

cherrywbb

別墅

積分: 976

8^#

發表於 07-6-23 15:51 |只看該作者

Re: 可唔可以幫幫我....好灰

大家媽咪好!我都係全人奶媽媽,而家bb差唔多6個月大啦. 我都相信母乳是最好的, 不過過程真係好辛苦, 加上身邊d人都唔太支持我, 總是問我幾時轉奶粉同斷奶. 不過我係bb媽咪, 我點都要支持落去架. bb初出世到3個月時都係食得好密架, 可以每1個鐘就要食而且每次只食幾分鐘. 不過時間係好快會捱過去架, 因為bb大得真係好快. 佢而家都keep住2.5鐘就要食, 而且唔肯用奶樽架, 所以我都唔可以去街去得耐.

只要記住母乳是最好的就可以捱過去啦. 唸吓可以比bb好d既抵抗力, 真係值得架. 努力呀, 各位媽咪, add oil 呀!!

私人傳訊回覆引用

JoLau

複式洋房

積分: 340

9^#

發表於 07-6-23 16:27 |只看該作者

Re: 可唔可以幫幫我....好灰

首先,請你體諒bb仲細, 由其第一個月,佢一路食就一路訓,因為食奶佢好累呀!所以不停食不停訓! 我哋人奶媽媽個個都要經歷過!

我有2個仔 (大仔5歲, 細仔2.5月),都係人奶仔. 當時大仔我係堅持無俾奶粉佢,但係第1個月真係好辛苦, 但第二個月就無問題, 佢食得好快&定時, 但細仔都有不停食奶情況,所以我第一個星期,我訓覺前俾2oz奶粉佢,因為我唔訓會無奶! 佢夜晚2,3點要食夜奶,我一定俾佢食!當我完全上奶,就無食奶粉啦,我的經驗如下:
1. 體諒bb仲細,唔夠力, 佢不停食係正常
2. 可以的話唔好補奶粉, 但如果真係太辛苦,就補小小奶粉,不過要記著呢個做法係唔好,你要有內疚感,同埋你有信心第2晚唔洗補奶粉,否則會'縱容'自己俾呀b食奶粉!
3.bb可能想人抱,所以"扮食奶",每次餵完奶,俾bb其他人抱,可以盡量休息,咁至多奶. 仲有人奶媽媽可能有奶味,所以我哋抱b, bb就想食奶
4. "要掃風" 好重要 ! 我個細仔不停食,不停哭, 因為掃風唔好,d氣頂著個肚,唔舒服,佢以為肚餓,就不停食,當佢 "er"氣後就訓覺
5. 第1個月, 徐咗要去街 or 谷奶,最好就唔 pump 奶,要呀b 埋身食,會上奶好d
6. 我2個仔都係訓係床食奶,因為我可以訓係床一路休息一路餵,但係晚上唔好咁食,因為你同bb訓可能好危險,除非你好"醒訓"

我細仔出生8磅2, 唔夠2個月就16磅,所以人奶b都可以好大隻!

私人傳訊回覆引用

CreamBlue

大宅

積分: 3181

10^#

發表於 07-6-24 00:50 |只看該作者

Re: 可唔可以幫幫我....好灰

唔知你個bb有幾大? 我估都係2個月左右, 我個小bb係6月尾就6個月大, 係全人奶bb, 記得係佢6個星期大時, 我都經歷過唔係幾夠奶, 不過我堅持唔補奶粉, 密密餵, 多休息, 多湯水, 餵完奶後再泵奶(頭幾天泵唔到奶), 當生理上知道需求多了, 奶量慢慢增加了, 到我後來返工前竟然可以儲到不少冰奶做儲備. 所以我覺得要堅持下去, 你一定餵到全人奶, 感到壓力大時上嚟講吓發洩吓都有幫助, 加油

加油

你一定得.

私人傳訊回覆引用

豬扮人

複式洋房

積分: 178

11^#

發表於 07-6-24 19:37 |只看該作者

Re: 可唔可以幫幫我....好灰

多謝咁多位o既回應呀........ :-( :-( :-( 小女子非常感動
有時我真係餵到好似唔知為乜咁辛苦咁....
我奶奶同阿媽就覺得奶粉先食得肥個bb...
又話我餵唔飽佢...
同埋老爺奶奶都唔信我一日到黑o係間房真係淨係餵奶!!
成日話我唔比個bb 佢地見o下....比說話我聽...
老公都因為bb食人奶唔頂肚夜晚喊攪到差唔多晚晚都主動去開奶粉...
好似離開o左醫院之後就冇人支持過我餵人奶....
岩岩番到屋企o個陣真係晚晚都喊....
好彩依度仲有咁多媽媽鼓勵我......
多謝咁多位.....我會努力!!

私人傳訊回覆引用

jadeleejk

別墅

積分: 821

12^#

發表於 07-6-24 22:40 |只看該作者

Re: 可唔可以幫幫我....好灰

JoLau 寫道:
首先,請你體諒bb仲細, 由其第一個月,佢一路食就一路訓,因為食奶佢好累呀!所以不停食不停訓! 我哋人奶媽媽個個都要經歷過!

我有2個仔 (大仔5歲, 細仔2.5月),都係人奶仔. 當時大仔我係堅持無俾奶粉佢,但係第1個月真係好辛苦, 但第二個月就無問題, 佢食得好快&定時, 但細仔都有不停食奶情況,所以我第一個星期,我訓覺前俾2oz奶粉佢,因為我唔訓會無奶! 佢夜晚2,3點要食夜奶,我一定俾佢食!當我完全上奶,就無食奶粉啦,我的經驗如下:
1. 體諒bb仲細,唔夠力, 佢不停食係正常
2. 可以的話唔好補奶粉, 但如果真係太辛苦,就補小小奶粉,不過要記著呢個做法係唔好,你要有內疚感,同埋你有信心第2晚唔洗補奶粉,否則會'縱容'自己俾呀b食奶粉!
3.bb可能想人抱,所以"扮食奶",每次餵完奶,俾bb其他人抱,可以盡量休息,咁至多奶. 仲有人奶媽媽可能有奶味,所以我哋抱b, bb就想食奶
4. "要掃風" 好重要 ! 我個細仔不停食,不停哭, 因為掃風唔好,d氣頂著個肚,唔舒服,佢以為肚餓,就不停食,當佢 "er"氣後就訓覺
5. 第1個月, 徐咗要去街 or 谷奶,最好就唔 pump 奶,要呀b 埋身食,會上奶好d
6. 我2個仔都係訓係床食奶,因為我可以訓係床一路休息一路餵,但係晚上唔好咁食,因為你同bb訓可能好危險,除非你好"醒訓"

我細仔出生8磅2, 唔夠2個月就16磅,所以人奶b都可以好大隻!

我bb1個月多d, 我試過"訓係床食", 但好唔啱位咁, bb一食完就吐好多奶, 點搞呢?
另外, bb有時可以3個鐘一餐, 有時又密密食, 例如1個鐘又食, 點解呢?正常?
我都知唔夠瞓會唔夠奶, 所以半夜就畀奶粉

私人傳訊回覆引用

girahei

大宅

積分: 4072

13^#

發表於 07-6-25 01:56 |只看該作者

Re: 可唔可以幫幫我....好灰

我個女滿月前我除咗去廁所之外係無離開過張床....有時我99見我咁辛苦會叫我pump定1支比佢餵...比我瞓返1-2個hrs....

私人傳訊回覆引用

JoLau

複式洋房

積分: 340

14^#

發表於 07-6-25 13:01 |只看該作者

Re: 可唔可以幫幫我....好灰

jadeleejk,

"bb有時可以3個鐘一餐, 有時又密密食" - 正常

"訓係床食" - 醫院小冊子有圖, 你可以參考!, 其實係我同bb都要側身訓,你可以用手放在bb背脊令佢側身,但我手痛,所以用枕頭放在bb背脊。

"bb一食完就吐好多奶" ，"要掃風" 好重要 !, 佢食5-8 min你就要掃風,由其第1個月, 當bb 大個d (大約1.5 - 2個月)就會食得快d & 可以食完掃風

私人傳訊回覆引用

wawamama

大宅

積分: 2807

15^#

發表於 07-6-25 13:32 |只看該作者

Re: 可唔可以幫幫我....好灰

不要灰心。就當這是一個大project吧。

我明白有些人對餵母乳有錯誤的看法，但是我覺得BB媽媽的決定最重要。其他人說一千句一萬句都好，他們不用對BB負責，當然可以隨心所欲的講說話。

餵母乳並不是容易的。我生完還發生大件事要做手術，其實非常有理由放棄，但是我每次想放棄，看到BB食奶時滿足的樣子，心中會說，至少餵多一個月吧...現在已經7個月了，還在繼續哩。

得閑上來傾下啦。

laughin' to keep from cryin'

私人傳訊回覆引用

李小B太太

大宅

積分: 4412

16^#

發表於 07-6-25 15:26 |只看該作者

Re: 可唔可以幫幫我....好灰

「除左去廁所未落過床」<-- 我都係啊~!!!! (呀, 仲有食飯.. 但飲湯係響床上)
「至少餵多一個月吧」 <-- 我都係啊!!! 全靠0甘諗, 然後「明日復明日」就餵到宜家女女半歲啦~~~

如果老爺奶奶有誤會, 我係你的話, 就「一不做二不休」, 索性開住度房門餵俾佢地睇, 鐘意睇就睇飽佢, 唔好估估下!~
(其實都要體諒佢地, 恨抱孫嘛, 又成日見唔到個孫, 無得玩, 0米囉囉嗦嗦, 其實 bb 0甘細邊有得玩丫, 唉, 佢地距離湊仔事隔幾十年, 唔記得曬啦)

你個bb 好0力, 識得埋身食又識得食奶樽, 做得好啊~! 我果陣都係埋身食 30min 然後補冰奶 (醫院教的), 當然老公要幫手, 如果唔係都幾辛苦0架. 我果陣開始埋身餵時老公就去「坐」奶, 埋身餵完就到老公餵冰奶, 我就響旁邊泵奶. 餵完就輪流掃風換片. 日夜如是. 老公都辛苦0架, 無產假、第日要返工, 但佢好支持, 到宜家bb 全埋身, 老公就好懷念餵奶的日子, 哈!!! 真係苦中有樂0架~ (最近佢有得開始餵粥仔糊仔, 開心到死~)

加油加油加油~~~~~

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

pakyumama

伯爵府

積分: 18436

虎到金來勳章

17^#

發表於 07-6-25 18:08 |只看該作者

Re: 可唔可以幫幫我....好灰

唔好灰心呀!我唔係全人奶媽媽,BB現在奶奶家湊,
每日只有7安人奶俾BB,一星期埋身餵一次,
我奶奶成日同人講我唔夠奶俾B食,唔似我亞嫂0甘
可以全人奶,又慳錢,亞B又健康,我唔夠奶我都唔想,
我由開初好介意佢0甘講,到我依家唔MIND啦,
不過我也有跟她講事實,餵人奶是很辛苦,又要成日泵奶,
又要照雇BB,想瞓晏D都有說話聽,佢依家已好少埋怨我少奶,
只說有多少吃多少,我BB4個半月了,還是一樣每天吃一餐人奶.總之做好本份,不要太大壓力,BB會感應到你唔開心架.
只要BB健康,就什麼都唔計較了.
多D上來同其他媽媽分享下啦

私人傳訊回覆引用

cat.siu

大宅

積分: 3227

18^#

發表於 07-6-26 00:52 |只看該作者

Re: 可唔可以幫幫我....好灰

我個仔仔28號就6個月啦, 你比我叻, 識得上來bk, 搵人支持, 我同你的情況差不多, 屋企人覺得我唔夠奶比仔仔食, 無理由晚上喊得咁密, 還補奶粉給仔仔, 攪到我有點氣餒, 覺得自己好無用, 身邊的朋友餵奶粉, 他們不明白我為何攪到自己無得休息, 也要餵人奶, 他們認為餵奶粉BB 一樣會健康成長, 攪到自己心情一日差過一日, 日日喊, 還有自殺傾向, 什麼人什麼事也提不起勁, 後來要睇醫生, 我都是康復後才識上bk, 如果我一早上來吸收多些經驗和知識就好啦, 可惜我當時不懂, 所以你真的比我幸福.

老公 + 仔仔 = 我一生的成就

私人傳訊回覆引用