母乳餵哺

收藏本版
回覆 發帖
返回列表
跳至頁

首頁
1

尾頁
   0
harrierwong


大宅

積分: 1129


1#
發表於 07-6-18 19:24 |只看該作者

bb出世後全人奶, 一個星期大仲輕磅過出世, 點算好?

好擔心, 阿b出世有3.165kg, 之後就輕, 到而家一個星期大都只有2.9kg, 我好唔開心, 我已經好努力餵奶, 唔知係咪方法唔正確 :-(

我而家大約2.5至3小時餵一次, 每次大約25-35分鐘, 阿b好多時都食左15分鐘就瞓, 要專登整醒佢先可以繼續食多15分鐘. 我睇書都係咁教, 仲教pump另一面乳房10-15分鐘, 阿b食完就再俾pump左呢邊佢食15分鐘, 咁就完成一次餵奶, 阿b下次再食時就3個鐘後.

但我今日去健康院, 姑娘話阿b輕, 3個鐘餵一次太"saw", 要密d餵, 2個鐘就要餵又或者阿b叫肚餓就餵, 如果阿b瞓著就唔好再餵, 俾佢同自己休息, 一來可以訓練阿b食奶時要集中, 一口氣食足30分鐘, 如果要瞓就冇得食, 2個鐘後先可以再食, 仲有, 每次餵唔超過30分鐘, 如果唔係就阿b同媽咪都好辛苦, 冇休息.

我而家好苦惱, 因為我剛開始第一個方法, 都未知成果, 雖然我覺得阿b係好似食得飽d, 但健康院姑娘又話要阿b增磅就要密密食, 我好困擾!!!

我可以點??????? 我只係想阿b重d, 去番出世時體重, 仲有, 你地食飲奶嘅bb係會幾時增磅??

唔該你地幫下我啦!!!!! :-(
Harrier ;-)
私人傳訊回覆 引用

晴朗天


別墅

積分: 794


2#
發表於 07-6-18 19:54 |只看該作者

Re: bb出世後全人奶, 一個星期大仲輕磅過出世, 點算好?

其實班姑娘只係跟住佢地標準既指標黎估計, 我有朋友係外國就冇咁強迫bb增磅, 只要你盡左力就ok了, bb出世時有些水腫係會退的, 食人奶bb一定輕過奶粉bb, 慢慢黎啦, 你岩岩生完bb唔好咁擔心, 只要見到bb健康食得又訓得, 唔好只係掛住個體重, 自己既心情都會影響奶量架, 努力呀!
私人傳訊回覆 引用

杜杜


大宅

積分: 3935


3#
發表於 07-6-18 20:38 |只看該作者

Re: bb出世後全人奶, 一個星期大仲輕磅過出世, 點算好?

我個b當初係醫院住了4日,食了4日奶粉,比出世時重左的,
一回到家,食左幾日人奶,都係輕過出世時個重量,
後來我跟健康院姑娘(同你0個個講的一樣)
阿b一喊就餵,餵得超密,最多不夠2小時就會女餵,
咁阿b就真係肥返,仲比姑娘話重得好好,但你要有心理準備會超辛苦,個幾鐘餵一次,每次又最少15分鐘起,之後掃完風換完片,又差不多要餵奶了..
加油呀...
私人傳訊回覆 引用

kendyyeung


別墅

積分: 920


4#
發表於 07-6-18 20:50 |只看該作者

Re: bb出世後全人奶, 一個星期大仲輕磅過出世, 點算好?

harrierwong:你不用太擔心阿,其他媽咪說的很對阿,我說我的例子給你聽下.因為我個b早產,出世時只有2.5kg, 因此我住院足足住了一個星期先有得走!~ 其實出院的時候都是很勉強才給我出,因為只有2.34kg阿,當我個b一出世我就全人奶餵阿....到了健康院,那些姑娘都話咩14日內要恢復原本的體重哦~還叫我擠d奶出來,總之儘量要餵密d......你話我壓力大吳大?不過,我最終都是...隨緣!到了最後體重都好啦,所以,你都不用太擔心哦!!

是你就是你，不是你勉強都無用~
私人傳訊回覆 引用

咕嚕


別墅

積分: 582


5#
發表於 07-6-18 23:33 |只看該作者

Re: bb出世後全人奶, 一個星期大仲輕磅過出世, 點算好?

沒錯啊,唔駛太擔心既,好似我個b咁,出世就3.08 kg,出院就得2.84 kg,攪到出院個陣話第2日就要返醫院覆疹,
又要驗黃,之後 成15日後先叫做回返3,08kg,
我就係咁餵佢,2個鐘就餵,一餵就成幾個鐘,沒停過,兩邊乳頭又損又痛,之後先慢慢掌握點餵佢,成個星期就冇點訓過,但又想佢重返,之後唯有餵1安奶粉,最多2安,餵奶粉唔係咁好,但係又唔好令自己太有壓力,宜家,yoyo 成個幾月,體重返哂黎,都已經係全人奶,我明壓力會好大,特別當bb 捭醫生話未夠重,身邊既人同自己都會有好大壓力.我都係架., 不過同自己講,未夠重 ,最多咪餵1-2安奶粉law,之後等自己識得點餵,自己又夠時間休息.當然一定要keep 住2個鐘餵,餵密d law,
加油呀,我宜家都係度努力緊,
私人傳訊回覆 引用

dogdogling


大宅

積分: 4385


6#
發表於 07-6-18 23:54 |只看該作者

Re: bb出世後全人奶, 一個星期大仲輕磅過出世, 點算好?

好多 b 都係咁，我隻 b 都係，佢出世得2.34kg，6日大去健康院再磅得番2.2kg，健康院就教每2個鐘餵一次，結果3日重
只許周官放火 不許百姓點燈
私人傳訊回覆 引用

niklaus903


男爵府

積分: 8476


7#
發表於 07-6-19 00:03 |只看該作者

Re: bb出世後全人奶, 一個星期大仲輕磅過出世, 點算好?

今日去左健康院, 真驚訝細佬仔重得好少, 佢出世3.65, 出院3.5, 今日磅只係3.53 ?-( ?-( 佢食得瞓得, 唔知點解重咁少 ?-( 見醫生時佢話BB食唔飽冇氣力都係會瞓覺喎 ~ 咩理論呀, BB唔飽仲唔 :-( 到拆天, 點會瞓到3-4個鐘呀!! ~ 我99同姐姐都話從未聽過咁既解釋 :-| 我話琴晚1.XX餵完佢都瞓到5.XX, 醫生話夜奶好緊要, 日頭食多D, 夜晚都餵多D喎; 後來去母乳小姐請教姑娘, 佢叫我日頭餵密D, 由3個鐘一次可以改為2 or 2.5 一次, 等佢食多D; 而夜晚就佢瞓到就瞓, 等佢develop定戒夜奶的習慣, 似乎個姑娘講野make sense 好多. 番查記錄, nik果時都要差不多3個weeks先去番出世體重, 所以我又覺得冇乜野lor, 但呢2日就要餵密D, 星期四要番去再量多次體重喎, 99話2日邊會咁快增磅呀

我想問下各位奶媽, 你地每次係餵一邊or 2邊? 餵幾耐? 我想參考下, 睇下我係咪有要改善既地方
私人傳訊回覆 引用

咕嚕


別墅

積分: 582


8#
發表於 07-6-19 00:09 |只看該作者

Re: bb出世後全人奶, 一個星期大仲輕磅過出世, 點算好?

我餵一邊45分鐘到,因為yoyo 成日訓,我要成日攪醒佢架,
一定要餵到佢甩嘴2次先停,因為多d後奶.
私人傳訊回覆 引用

nikitac


大宅

積分: 2466


9#
發表於 07-6-19 00:29 |只看該作者

Re: bb出世後全人奶, 一個星期大仲輕磅過出世, 點算好?

唔係架，d newborn 真係會掛住訓而唔食奶架，所以你都係keep 住日頭兩個半鐘頭餵一次奶，餵晒兩邊，一邊最少要有20 分鐘，晚上最好三四點叫醒BB 食奶，因為晚上的催乳激素分泌得最旺盛，對你上奶都好有幫助。想佢增磅就要餵得密，多勞多得。

今日去左健康院, 真驚訝細佬仔重得好少, 佢出世3.65, 出院3.5, 今日磅只係3.53 佢食得?得, 唔知點解重咁少 見醫生時佢話BB食唔飽冇氣力都係會?覺喎 ~ 咩理論呀, BB唔飽仲唔 到拆天, 點會?到3-4個鐘呀!! ~ 我99同姐姐都話從未聽過咁既解釋 我話琴晚1.XX餵完佢都?到5.XX, 醫生話夜奶好緊要, 日頭食多D, 夜晚都餵多D喎; 後來去母乳小姐請教姑娘, 佢叫我日頭餵密D, 由3個鐘一次可以改為2 or 2.5 一次, 等佢食多D; 而夜晚就佢?到就?, 等佢develop定戒夜奶的習慣, 似乎個姑娘講野make sense 好多. 番查記錄, nik果時都要差不多3個weeks先去番出世體重, 所以我又覺得冇乜野lor, 但呢2日就要餵密D, 星期四要番去再量多次體重喎, 99話2日邊會咁快增磅呀

我想問下各位奶媽, 你地每次係餵一邊or 2邊? 餵幾耐? 我想參考下, 睇下我係咪有要改善既地方
私人傳訊回覆 引用

cat.siu


大宅

積分: 3227


10#
發表於 07-6-19 00:53 |只看該作者

Re: bb出世後全人奶, 一個星期大仲輕磅過出世, 點算好?

係呀, 我最初返健康院, 姑娘都話我亞B 輕過出世果時, 現在都OK 啦.
不過真係好辛苦, 餵完奶, 掃風, 換片, 佢瞓一陣又要再餵過, 連半夜也是這樣, 當時如果有人比一個願望我, 我會答要瞓個好覺, 因亞B 出世後都未有好瞓過. :-( :-(
老公 + 仔仔 = 我一生的成就
私人傳訊回覆 引用

reginang


伯爵府

積分: 16163


11#
發表於 07-6-19 11:10 |只看該作者

Re: bb出世後全人奶, 一個星期大仲輕磅過出世, 點算好?

我係大約2-2.5個鐘餵一次,每次祗餵一邊,阿仔通常係清醒咁食,大約食20-25mins,食完冇喊,咁我想佢應該係夠飽.
不過一定要確保bb 食奶姿勢要正確,咀仔要將開夠大,吸吮得正確,出奶量都會多d.
私人傳訊回覆 引用

harrierwong


大宅

積分: 1129


12#
發表於 07-6-19 14:44 |只看該作者

Re: bb出世後全人奶, 一個星期大仲輕磅過出世, 點算好?

真係好多謝你地咁支持我, 聽到你地d例子,我都冇咁擔心, 我以為係我餵得唔好, 攪到阿b輕咁多, 好! 一於俾多一個星期自己同阿b, 希望阿b真係會回復返同快d增磅!!

不過, 阿b其實食完唔會2 個鐘自己醒, 我係咪要叫醒佢呢?2個鐘餵一次, 其實佢冇咩時間瞓, 擔唔擔心呢? 因為餵佢30分鐘, 起碼要45-50分鐘, 佢會食食下瞓著, 我又要攬醒佢先可以再餵, 再加上換片, 掃風, 咁就一個鐘, bb會唔會好辛苦呢?

至於夜晚, 我就唔知叫唔叫醒佢好, 健康院姑娘就話由佢瞓, 瞓到喊, 我昨晚就set alarm, 不過唔知醒, 攪到成3-4個鐘阿b開始叫我先餵, 你地話應唔應該夜晚俾阿b一個長d嘅休息定都係叫佢起身好??
Harrier ;-)
私人傳訊回覆 引用

wtmaggie


複式洋房

積分: 369


13#
發表於 07-6-22 17:55 |只看該作者

Re: bb出世後全人奶, 一個星期大仲輕磅過出世, 點算好?

其實唔好比bb的磅數影響你太多。bb肚餓自然會喊，我唔會叫醒BB餵佢飲奶。我個女嗰時，成日瞓，姑娘同我講，佢要瞓你就比佢瞓，佢肚餓就會喊，到時先餵。而且BB的胃好細，特別係初生，兩匙奶就已經飽，慢慢先要多D。最初媽媽上奶少，BB食好少已經得。隨住BB大，佢要飲多D，就會啜多D，我地個腦收到訊息，就會相應地造多D女奶，如果一路餵，BB一定夠飲，唔好擔心太多。佢瞓你就好瞓，擔心太多，上奶冇咁好，笑多D，食多D，瞓多D。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy