樓市動向今日: 0|主題: 74641

收藏本版

發帖

返回列表

跳至頁

查看: 1148 | 回覆: 3

供應減半　港島樓價看漲 [複製鏈接]

mission

子爵府

積分: 13831

1^#

發表於 06-1-25 08:17 |只看該作者

供應減半　港島樓價看漲

中原地產研究數據指出，今年全港共有 19740 個單位落成，涉及項目 71 個，其中只有港島區落成量較 05 年減少，令向來供應短缺的港島區，樓價可望看高一線。相反，九龍及新界，住宅落成量均較去年為多。

數字顯示，今年港島有 28 個住宅項目落成，涉及單位 2005 個，較去年 4284 個大減 53.2% ，也是 98 年後的新低，該年僅 878 個單位落成。集團預期供應量持續下降，有利樓價上升。今年落成項目包括大坑名門（ 376 個）及上環聚賢居（ 388 個）。

新界提供 11696 單位

九龍區是住宅落成量較多的地區。今年將有 17 個項目落成，涉及 6039 伙，較去年 3901 伙增加 54.8% ，主要是年內有多個大型項目落成，如大角嘴君港及荔枝角曼克頓山，分別提供 1514 及 1287 個單位。

新界區今年有 26 個項目落成，單位 11696 個，是落成單位最多的地區，較去年 9280 個升 26% 。大型項目有天水圍惠豪園（ 1892 個）及將軍澳都會一期（ 1676 個）。蘋果日報

私人傳訊

mom5354

男爵府

積分: 5839

2^#

發表於 06-1-25 15:30 |只看該作者

Re: 供應減半　港島樓價看漲

樓價可望看高一線都無用呀! 太貴, 好少人負擔到

私人傳訊

mission

子爵府

積分: 13831

3^#

發表於 06-1-26 16:01 |只看該作者

Re: 供應減半　港島樓價看漲

眯埋眼買港島樓

最近，教改問題爭論到人聲鼎沸，唔少人話頂佢個肺，還要高官辭職，搞到成個墟咁樣。香港 o既教育政策亂過亂世佳人，一時又母語教學，一時又英語教學，一時又 … … .。總之到 o左家陣，劉晨都唔知政府用乜 o野教學，簡直頭都暈埋。 o係咁 o既環境之下，唯一自保 o既辦法，就係去買港島樓，都費事同你四圍走。

現時 o既教育政策係乜，確實考起劉晨，因為五時花六時變，都唔知點樣跟。有人會講，香港教育制度咁混亂，不如送子女去外國讀書或者讀國際學校，咁會無咁煩。 o岩，鬼唔知阿媽係女人呀 (不過有 D國家阿媽已經可以唔係女人 )，有錢至得 o架，你估錢少呀，去外國讀書或者讀國際學校，講就易。

既然香港 o既教育政策咁亂龍，只要你有子女，你就要諗掂供書教學。雖然無可奈何，亦要迎合勢之所趨，隨機應變，政府推出乜 o野教育政策，你都要逆來順受，無得傾！

o係咁 o既環境之下，最好方法就係去港島區上學，因為港島區 o既校網好，眯埋眼都比較易搵到名校，唔會咁容易俾你撞到間渣 o野。至於教育政策點變法，你就無得選擇，唯有頂硬上，加多兩錢肉緊，同細路做功課捱到三更半夜，只要學校好，衰極有個譜。但是，咁樣都好過入讀紅番區 D唔知第幾流 o既學校，讀壞書學壞 o左仲衰。只要你有下一代，若果想為佢地好，買入港島區物業，增加你入讀港島區好學校 o既成數，當然你住去九龍塘名校區都得，不過好似爭得仲緊要。

有人會話租港島樓都得，一樣可以入讀到名校，而且未必個個都有錢買樓，呢個當然係，不過要諗下租約到期可能要搬屋 o既問題，諗起頭都痕埋。有云：

香港教育無樣好，

制度亂到離晒譜，

為 o左細路 o既成長，

入住港島當幫補。

劉晨
2006年1月26日

:mrgreen: ?-(