懷孕前後 今日: 1 | 主題: 330364

積分: 991

1^#

發表於 15-6-16 12:20 |只看該作者 |倒序瀏覽 |打印

依家30w啦，呢幾日真係好忟好嬲！當初就老公買樓住近99，點知99個女即姑奶無啦啦生女結婚冚家同99住，佢哋成家成日顧做自己嘢or hea，有麻煩嘢先搵我c6，由我有咗到依家都無幫過我d乜，生完我焗住做ftm！而最近99連之前應承話煲薑醋到依家仲係無回事，返大陸話十幾日後先返！

但我c6又幫住男家，平時已經無乜時間理我嘅佢，仲話咁佢自己煲薑醋，我女家呢邊話幫手煲或者買現成，佢竟然發我屋企人脾氣！好嬲！

0 0 0

私人傳訊

akbc1001

積分: 1373

2^#

發表於 15-6-16 12:52 |只看該作者

些佬自尊心重，覺得要女家做好無面子，但現在咩年代，邊個得閒就邊個做，他家姐都找99幫，何況BB出世好忙，還那有時間自己煲，有時間幫手湊B好過，何況他做等於你做，不如叫阿媽做好過，自己阿媽與人地阿媽有咩不同，要發爛叫他對99發爛，對女家發脾氣更令他自己無面，叫他收埋無謂的自尊，等他冷靜後，用平常心想下是不是真的自己煲醋，除了煲醋，坐月都要人幫下手，99又甩底，不搵外母幫手，除非他出錢請陪月囉。

私人傳訊

積分: 991

3^#

發表於 15-6-16 13:06 |只看該作者

回覆：akbc1001 的帖子

我媽前年過咗身喇⋯大肚期間多得我老豆同家姐照顧，不時煮飯同煲湯我飲，連陪月都係我家姐當送禮物俾我同BB而請俾我！

我明白男女家付出方面好大對比，亦盡量維護c6面子，但多謝都無聲仲要覺得女家同佢爭付出，呢下真係激死我！仲要c6呢幾日都無同我講嘢，依家邊個錯、咩事呀？！

私人傳訊

Y.W.L.

積分: 3413

4^#

發表於 15-6-16 13:52 |只看該作者

回覆：男家乜都唔幫手，女家幫反而c6嬲

唔洗理佢啦！總之男有男家煲女有女家煲，唔理你係買現成定點，總之唔可以俾人撻分你女家既功勞，我果時又係，我6299乜都冇理，我媽特登煲俾我保身用，點知我隻佬拎我媽功勞返去仲要啲仆街姑奶嫌薑少，阿62話買薑俾我媽再整，我整你條命呀！邊個俾返時間我媽？不知所謂，我嬲到叫我隻佬自己買現成俾佢屋企，唔好再煩我媽

私人傳訊

積分: 991

5^#

發表於 15-6-16 16:06 |只看該作者

回覆：Y.W.L. 的帖子

唉，大住個肚已經辛苦，仲要受埋呢d不必要嘅氣，6299唔理我都算喇，死佬咁唔識體諒自己先最火滾

私人傳訊

雞蛋公主59

積分: 2678

6^#

發表於 15-6-16 16:29 |只看該作者

回覆：Maxsobb 的帖子

唔好動氣，老公想佢煲薑醋咪由佢自己搞囉～佢要面呀嘛?咪等佢買薑買醋，自己批薑自己煲囉

。樓主只需要話佢知你要派幾多就得架啦，千祈咪幫手整呀！佢搞得掂既，咪抵贊囉

私人傳訊

積分: 991

7^#

發表於 15-6-16 16:51 |只看該作者

回覆：雞蛋公主59 的帖子

弊在c6係一忙就唔好老脾會好急躁，最終唔開心係我咋！我同c6平時好好地，係好唔甘心不時為奶奶同姑奶而嘈

私人傳訊

雞蛋公主59

積分: 2678

8^#

發表於 15-6-16 18:14 |只看該作者

回覆：Maxsobb 的帖子

對住啲又要面但又要燥既男人真係無言

佢一燥你都唔好show佢啦，出去shopping開心下，佢搞唔掂就買現成薑醋。

不過咁，樓主唔好再為男家幫唔幫手同老公嘈啦…無意思架。因為男家除左你老公，真係冇責任幫手架。當然有人個頭應承但轉頭走左去另計啦。
自己預備生b既事係辛苦啲，但其實咁先會最啱自己心意

加油!

私人傳訊

積分: 991

9^#

發表於 15-6-16 18:39 |只看該作者

回覆：雞蛋公主59 的帖子

薑醋問題同男家唔幫手問題我都唔理喇，我其實一直都無乜出聲，奶奶姑奶亦唔知我嬲，最弊係c6連女家幫我手都有意見，講多幾講佢直頭leave女家whatsapp group，搞到屋企人問我咩事，令我好大壓力，好討厭仲要為c6嘅小器解圍。

第時B出世我都預咗要經常返港島搵老豆家姐幫下手，依家已經為小事介意，唔知到時點算喇

私人傳訊

nj20130121

複式洋房

積分: 360

10^#

發表於 15-6-16 18:42 |只看該作者

引用：唔洗理佢啦！總之男有男家煲女有女家煲，唔

原帖由 Y.W.L. 於 15-06-16 發表
唔洗理佢啦！總之男有男家煲女有女家煲，唔理你係買現成定點，總之唔可以俾人撻分你女家既功勞，我果時又係 ...

唔係呀

你6299唔煲比你都算，你媽媽煲比你保身，啲姑9又食埋一份？！仲要兼唔夠薑再叫你媽整

到底係你坐月定你啲姑9坐月？知唔知醜架？

私人傳訊

yuk1yuk

積分: 1763

11^#

發表於 15-6-16 23:32 |只看該作者

回覆：男家乜都唔幫手，女家幫反而c6嬲

呢啲c6真係欠剷!唔洗同佢勞氣,佢要搞由佢,可能佢都知自己阿媽冇幫手,落唔到面. 佢要自己搞架,先叫佢俾返份陪月錢你家姐先啦! bb未出世,已經有人錫唔好咩?

總之你依家話定俾佢知生左b後要求他如何幫手,學沖涼,沖奶,掃風,哄睡覺... 做唔到唔好吵,產婦唔得閒同佢發脾氣.媽媽照顧好自己先!

私人傳訊

yuk1yuk

積分: 1763

12^#

發表於 15-6-16 23:36 |只看該作者

引用：唔洗理佢啦！總之男有男家煲女有女家煲，唔

原帖由 Y.W.L. 於 15-06-16 發表
唔洗理佢啦！總之男有男家煲女有女家煲，唔理你係買現成定點，總之唔可以俾人撻分你女家既功勞，我果時又係 ...

好明顯c6唔識做!欠教育,要好好話佢,等佢知要錫老婆先!

私人傳訊

jocberry

積分: 3052

叻叻勳章睛靈勳章

13^#

發表於 15-6-17 00:07 |只看該作者

回覆：男家乜都唔幫手，女家幫反而c6嬲

呢d時候仲同老婆鬥氣，你C6唔抵幫，你直接同佢講你既不滿啦，無謂自己屈埋屈埋，激親自己同bb, 你直接問下佢有咩不滿，嬲d咩?(有咩資格嬲)，你馱b經已好辛苦，仲要煩d咁既事

加油，希望你快d攪掂!!

私人傳訊

積分: 991

14^#

發表於 15-6-17 00:26 |只看該作者

回覆：男家乜都唔幫手，女家幫反而c6嬲

我就係前日煮煮下飯崩潰忍唔住好大聲鬧c6，鬧明明佢屋企人應承咗煲又唔理，女家幫反而佢俾說話我屋企人聽！由嗰時至今日，c6無同我講過任何一句嘢，淨係噚日寫張紙話我屋企人whatsapp爭煲薑醋、講嘢咄咄逼人。佢話選擇沈默是金、堅持做佢做到嘅嘢！

真係嬲到睥一聲！但話佢衰又唔係，佢事實仲會做家務、照顧吓我，係佢盲目撑男家、唔識感激尊重女家呢吓我最嬲

私人傳訊

jocberry

積分: 3052

叻叻勳章睛靈勳章

15^#

發表於 15-6-17 00:44 |只看該作者

引用：我就係前日煮煮下飯崩潰忍唔住好大聲鬧c6，

原帖由 Maxsobb 於 15-06-17 發表
我就係前日煮煮下飯崩潰忍唔住好大聲鬧c6，鬧明明佢屋企人應承咗煲又唔理，女家幫反而佢俾說話我屋企人聽！ ...

試下心平氣和咁傾下啦，你可以講返煲薑醋係要預早煲先好，咁女家都係想幫輕下你們，又唔係睇唔起佢地男家，亦唔係想搶野做…………可能佢誤會左呢?!你們傾下啦，兩夫妻慢慢傾，唔好咁勞氣，又可以考慮兩邊分開煲!!
但你可以提返你唔鍾意佢對你家人既態度，問返佢如果你咁對佢家人，佢接受到嗎?!
慢慢傾，遲d湊b都會產生好多問題，到時都要平心地傾，加油!!

私人傳訊

kase_ng

複式洋房

積分: 118

16^#

發表於 15-6-17 02:13 |只看該作者

回覆：男家乜都唔幫手，女家幫反而c6嬲

其實好小事者，可能你c6都有啲產前抑鬱，太大壓力！佢就一定唔啱架喇，你都唔駛勞氣，你屋企人咁錫你唔會要你難做既。你同屋企人講話c6做爸爸，想自己整返。跟住就靜觀你老公搞成點，不過唔好俾意見。如果真係搞唔掂到最後去八珍買現成囉。BB未出世已經嘈，到出左世仲多野嘈！男家始終唔係自己人,唔好旨意佢地

私人傳訊

puguke

積分: 1105

17^#

發表於 15-6-17 05:29 |只看該作者

回覆：男家乜都唔幫手，女家幫反而c6嬲

你老公咁都要嬲？細路仔咩？
女家要幫佢不接受仲要嬲，我會由佢嬲，等佢自己嬲飽佢，衰D我直頭返娘家添！咁要面就自己食自己啦！

等佢自己沉默地反省一下！

私人傳訊