吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 衰印印 Nitx 揾緊工, 小心

論盡家傭今日: 0|主題: 134091

收藏本版

發帖

返回列表

跳至頁

查看: 1414 | 回覆: 12

衰印印 Nitx 揾緊工, 小心 [複製鏈接]

christine1227bb

別墅

積分: 565

1^#

發表於 11-2-14 13:24 |只看該作者 |倒序瀏覽 |打印

佢叫 Nxta 1982年出世 . 我只請咗2個月已送佢走. 無補1個月比佢. interview時, 勁nice, 好笑容加上個樣唔差. 原來係串精. 佢依家要係14天內搵新僱主.
呢個印印係未完约而請的, 最初見面時,見桐桐肯跟佢, 佢嘅表現亦話頭醒尾. 所以就算邊個炒邊個都好, 只希望佢比心機做下一份工, 佢都唔會想再比人炒第2次呱. 原來呢d人唔係咁樣諗嘅. 佢黎咗我屋企兩個月而令我好反感.

見工時, 同意放假時, 會攪掂d工作後,十點才出門口, 晚上8時回家.

請咗之後>> 話無咁講過, 果日係佢假期可以唔做嘢都得, 一定要9至9. 佢反口我都無辦法, 費時佢擺係個心度唯有ok. 但我退了一步, 佢放假起身唔做嘢,瞓到9點起身乜都唔理.

見工時, 佢話每朝6:30點起身.
請咗之後>> 頭兩個禮拜7:00, 跟住7:30, 最近800 / 8:30 起身

不服從, 要我和家人都要跟佢個套方式.

每次提佢做嘢, 話佢做得唔啱, 佢都好不滿, 比面色你睇, 叫佢三聲應你一聲, 扮聽唔到, 一係黑面回答 "得啦, 等陣先啦" 或者 "你想點呀" .....呢句已經係每一日都會聽到的....反感

自從有次約咗其他媽咪出黎玩, 咁啱我行開買水, 而剛巧其中一位媽咪到咗而印印當然唔識佢啦. 而後來比呢位媽咪提醒我要小心個印印, 因為見到佢根本無望過桐桐, 無理過佢, 而當我買完水回來後, 佢又即刻變臉跟住桐桐玩. 佢好假, 亦佢有d舉動從而佢可能是一個無愛心嘅人. 因此我開始留意佢.
我亦曾對她說此事, 佢話係d媽咪睇錯. 你哋知嘛, 自此之後,佢係度爆陰毒, 同你哋出黎, 佢刻意對你哋d小朋友大顯恩勤, 因為話佢無愛心嘛.

喂桐桐食飯無心機, 偷雞>> 因為桐桐食飯, 肉類會食好耐. 咁佢就淨係比豆腐佢食, 咁佢咪會好快食完囉. 但d雞肉放埋一邊. 剛巧我放工回來, 叫佢點解唔比肉佢食, 全部大大舊擺埋咗, 快d剪d比佢食. 佢又係答我"得啦, 陣間先啦" 我話"唔得,要依家" 佢竟答" 唔洗啦, 佢唔食架啦"

桐桐午睡後會飲奶, 公公係cam 見到佢無比奶佢飲, 我打返屋企話係我係cam見到佢點解唔比奶佢飲? 佢答,有呀,你睇唔到咩? 心想,唔通公公睇錯? 唯有忍住信佢,返屋企數奶樽囉. 咪真係少咗1個奶樽, 奶粉格d奶粉只用了早餐的1次份量.

一直桐桐同阿b好friend. 佢黎咗之後, 桐桐竟然話要追打阿b, 坐架車車追佢, 要車佢喎. 嚇都阿b搵洞. 我已懷疑係印印教佢咁玩. 亦有次我食緊飯, 描到佢係廁所用腳踢阿b出廁所門口. 我即刻渴停佢唔可以踢佢. 佢話佢唔識點樣叫阿b出返門口. 此時,我已經好不安, 佢平時係咪咁樣對阿b呢. 跟住我開始搵另一工人.
***不足一星期, 阿b已離開咗我, 我心裡時常盤算是她造成嗎 ***

最離譜係1月時, 桐桐對腳每日的瘀痕增加, 問桐桐, 佢話係姐姐在廁所"mei"佢. 此時我將阿b事件加起來後. 決心要換工人, 但我一定要找方法, 炒佢都唔可以補比佢, 唔比佢打如意算盤. 阿b已火化都驗唔到屍.
桐桐對腳我影咗相再去睇醫生攞醫生紙. 但她一直沒有回報給我, 佢以為我只認為是普通撞瘀. 因我一直沒有問她.

(屋企太多鎖碎事, 講唔晒)
直到尋日朝早, 桐桐起身叫佢換片開奶. 佢已經無換片. 比咗樽奶桐桐後走入廚房. Gary叫佢睇吓桐桐床仔唔記得拉起個閘,好危險, 驚佢陣間起身會跌落黎就弊. 叫佢依家唔好入去, 等桐桐飲完奶先至入去拉返起個閘. 費時佢奶樽離口就唔飲奶. 印印仍然無理係廚房,我問佢點解唔係桐桐房門等, 有門簾係度,望佢飲完咪即刻入去拉返閘囉. 你仲係廚房, 你點會知道桐桐飲完奶未呢? 佢竟然答 " 唔洗啦! 佢飲完會叫我啦, 我先入去啦"
我好嬲咁問佢, 乜你make sure 桐桐會叫你後才起身, 唔會起身後才叫你咩? 如果估錯, 佢真係係床仔度跌落黎, 後果會點? 就算你估中, 你個人係廚房, 你都趕唔切入到房. 重有, 呢d只係分析比你聽. 其實我叫你咁樣做, 你應該要照做. 乜嘢叫 "唔洗" "等陣先" >>>> 佢聽到後非常不滿.

晚上回家, 公公話比我聽, 食中午飯時, 印印正喂桐桐食粉, 而桐桐坐係高腳餐椅扣咗安全帶. 當公公入廁所, 突然聽到 "澎"一聲, 桐桐即時大哭. 公公亦即出來看看, 桐桐只哭著叫姐姐呀. 問印印, 佢話唔知發生乜事, 睇唔到. 後來桐桐額頭起咗個瘤同瘀咗.
咁我收完線後問桐桐點整架, 佢拖住我去到廚房門口指住姐姐, 桐桐亦用手拍打自己額頭邊說 "姐姐用手拍我呀" 個印印好大聲鬥桐桐 "我邊有呀, 都唔知你點解咁講" 我同佢講: "其實你未必真係刻意打佢, 但係你面對住佢, 喂緊佢, 你話你睇唔到??" ((當中佢嘅態度非常差))
因為尋晚攪到成12點幾, 太夜啦. 所以今朝佢一定要離開. Gary帶桐桐又去睇醫生同影底相片.....

而agent同佢傾咗計, 如佢要求要我補1個月比佢, 我會去報警.
印印只黎咗短短兩個月, 唔好講煩之外, 成日都要擔心, 又要激心, 仲令我哋洗多咗錢添. 更加有傷心(阿b)
水籠頭成個爆晒
用咗半年度嘅kenwood電熱水壺, 佢唔按制開蓋, 所以個蓋合唔返, 要買過.
煤氣爐(cooker)
電熱水爐(沖涼) 壞咗
阿b ................(佢曾經咁樣對你, 我唔會比佢留係屋企架)

上邊1碟及飯煲嘅飯, 就係呢個印印嘅晚餐及翌日午餐黎架. 我都未見過1個女仔可以食咁多飯架.

印印做咗兩星期後, 水籠頭攪成咁

做咗差唔多1個月要換個電熱水壺

(1月份) 桐桐雙腳

當瘀痕開始淡時, 左腳又介傷. 桐桐話係廁所姐姐整到佢

0 0 0

私人傳訊

leechansandy

子爵府

積分: 11511

2^#

發表於 11-2-14 13:45 |只看該作者

我覺得其他事,都是小事,但是女女對腳給她傷都這樣,我會即炒.

私人傳訊

matsushima

大宅

積分: 4186

3^#

發表於 11-2-14 15:44 |只看該作者

嘩痴x線乜x野人黎架

私人傳訊

Hebefish

別墅

積分: 625

4^#

發表於 11-2-14 16:31 |只看該作者

我個舊印都係呀, 我個女比佢燙傷左, 仲話係學校整親...........

私人傳訊

lily-of-valley

寶石宮

積分: 258426

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章

5^#

發表於 11-2-14 21:26 |只看該作者

你有無報警驗傷? 桐桐唔係我個女我都肉赤.

私人傳訊

carrai

子爵府

積分: 14512

6^#

發表於 11-2-14 23:56 |只看該作者

樓主：

報警吧！不要對工人作任何警告前快些報警！有沒有做警察朋友？教你點做！！

針吉唔到肉唔知痛！但作為有囡囡的我見到你囡囡Ｄ相—我痛了。

我們的房子愈來愈大  但家庭成員愈來愈少
生活愈來愈方便  時間卻愈來愈少
更多的學位但常識更貧乏    更多的知識判斷力更少
愈多的專家但愈多的問題    愈多的藥但健康愈差
我們登陸月球又回到地球  卻難跟鄰居打個招呼
我們的科技愈來愈發達  但溝通卻愈來愈少我們變得太重視量  而忽略了質深厚的利益但淺薄的人際關係

私人傳訊