醫護健康今日: 0|主題: 7729

收藏本版

發帖

返回列表

跳至頁

查看: 808 | 回覆: 1

[長者] 專業的護士 [複製鏈接]

eric5354

男爵府

積分: 9623

1^#

發表於 12-1-2 10:51 |只看該作者 |倒序瀏覽 |打印

好多人有錯覺，醫生與護士，等於廚師與侍應。

護士的角色可有可無。

其實，佢地是不同的專業。

醫生的功能：一般是開藥或做手術。

而護士的功能是：照顧病人，令病人更快康復。

護士分為：
登記護士　讀兩年 HD
註册護士　讀三年 DEGREE
專科護士再讀一至兩年。

登記護士唔係做登記架，
佢地工作跟註册護士差唔多。

專科護士有糖尿科，傷口處理科。。。等

護士讀的書，等於半個醫生架。
人體結構啦，病理學啦，修傷口處理，打針抽血，　
藥物學，物理治療。。。。。等等。

而且香港護士考核是很嚴格，只有一次補考機會，
我聽過一班八十人，三年後只有四十人畢業。

我亦聽過，醫院經歷淺的醫生，時不時開錯藥，
有時都係護士交比病人時睇到張藥單有少少問題，
問返個醫生，改返。

好多時，你問護士，佢地都話唔知呀，你問醫生啦。
只是保障自己，我地唔可以怪佢。
因香港存在投訴文化，在醫院什麼都投訴，
如果被人投訴多，唔理投訴者有無理由，被投訴多的護士便無得升職。

如果護士犯一個錯，便可能要離職，好大壓力架。

基於生存及生活因素，更不知誰是投訴專家，
佢地唔關事的，都只說唔知道。

但只要客客氣氣，講到明只是問下意見，
唔會投訴佢講錯說話。

好多問題，佢地都好樂意答架而且有足夠的知識。

下下話找醫生，我地根本唔容易見到醫生，
反而比較容易見到護士。

另外，私家診所姑娘
私家診所的姑娘，有很多唔係護士黎架。
好多都無護理的知識。

我問過一些做過私家診所姑娘的朋友，
佢地話市面上中五畢業，不需要有護理證書，
都可以做私家診所姑娘。

分分鐘，好多老友記家屬比佢地還專業呢？？