少年成長 今日: 0 | 主題: 16108

積分: 45707

2025勳章蛇年勳章

1^#

發表於 21-9-14 10:50 |只看該作者 |倒序瀏覽 |打印

本帖最後由 goodsnooky 於 21-9-14 12:19 編輯

今日有朋友問起，問我嘅大仔係唔係基佬？我即時反應係，點解你覺得佢係基嘅，佢話佢個女喺Instagram 見到佢啲post。我唔敢正面回應，因為我知道大仔係雙性戀，pansexual。我係唔係做錯呢？

自從加入baby kingdom後，好多爸爸媽媽都覺得我教三個仔好好，諗深一層，我其實覺得好失敗，大仔十七歲無論學業丶音樂丶運動及創業投資都可以獨當一面，唯獨係點解佢要係pansexual 呢？心理醫生話性取向係與生俱來嘅，我同佢口講話接受咗佢，但我又好似成日過唔到朋友嗰關，有時我都自相矛盾。

二仔十三歲話佢有話比同學聽，佢哥哥「唔係直嘅not straight 」，我聽到好嬲，鬧咗佢半個鐘，佢反駁話如果哥哥淨係鐘意女仔，問我會唔會阻止佢同同學講，佢仲話我簡直係無形性向歧視(implied sexual discrimination)。

0 0 0

私人傳訊

積分: 84431

畀面勳章 BK Milk勳章

2^#

發表於 21-9-14 12:14 |只看該作者

吾會特登講
有人問會坦白答
但其實個人覺得問既朋友都吾識尊重別人。呢啲個人私隱問題都問得出口

總言之尊重兒女的選擇

佢哋都係獨立的個體並不是我們的附屬品
佢哋有思想自己的人生自己負責任
只要對身體生命無影響我絕對尊重

若問今世所遇，皆是前世的緣。今生寬以待人，來世皆是善緣。

私人傳訊

積分: 45707

2025勳章蛇年勳章

3^#

發表於 21-9-14 12:28 |只看該作者

本帖最後由 goodsnooky 於 21-9-14 12:29 編輯

回覆家家公主的帖子

我都有同感，呢個朋友成日都係咁，所以我有陣我費事答佢。大仔曾經用英文問我: do you prefer a gay son who makes significant contributions to mankind or a straight son who relies on the social benefits for the rest of his life?
我話好容易揀，一定係前者，但喺朋友面前，我係好怕佢地知道，所以我同大仔講，如果佢同男朋友拖手仔拍拖，一定唔可以去auntie 同uncle 平時會出現嘅地方，好似餐廳同商場，佢就好唔開心，佢話我講到佢拍拖要做過街老鼠咁，但我有苦衷佢呢個竹升仔點會明吖？

私人傳訊

積分: 84431

畀面勳章 BK Milk勳章

4^#

發表於 21-9-14 12:34 |只看該作者

goodsnooky 發表於 21-9-14 12:28
回覆家家公主的帖子

我都有同感，呢個朋友成日都係咁，所以我有陣我費事答佢。大仔曾經用英文問我: do y ...

我又覺得你仔吾開心正常
佢又唔係做啲咩作奸犯科嘅事情
做爸爸都唔體諒佢
仲要限制出入地方
其實你唔需要介意朋友點睇你個仔
我哋做人唔係活響人哋嘅說話裏面
每個人都有自己嘅選擇權利同人生
其他人唔應該加諸任何批判及意見

其實你比我有啲感覺係因為嗰個係你個仔
你無奈地表面上話接納佢嘅性取向
但實質你嘅內心係唔接受唔知點樣去面對外人
恕我直言

呢個問題你首先要自己調校一下心態

若問今世所遇，皆是前世的緣。今生寬以待人，來世皆是善緣。

私人傳訊

積分: 45707

2025勳章蛇年勳章

5^#

發表於 21-9-14 13:16 |只看該作者

回覆家家公主的帖子

你一語道破，自從佢十三歲同我地講佢鐘意咗個男仔，我心態上係唔想俾朋友知道，但我起碼比佢媽媽嘅反應好，佢媽媽係完全無接受佢，所以最後佢十六歳生日之後俾佢媽媽趕咗出去，佢決定返黎同我住，我同佢相處算係合得來，但喺呢個問題上意見已經分歧咗好耐。佢唔理世俗眼光，同男朋友去街好公開，喺學校都人所共知，出黎選student leader索性打正旗號做小眾領袖，鼓吹性向平權，相比我要求佢低調大相逕庭！就係因為佢太公開，有啲朋友係家長就會問，唔好怪我，但我真係有啲勞氣同擔心。

私人傳訊

積分: 84431

畀面勳章 BK Milk勳章

6^#

發表於 21-9-14 13:30 |只看該作者

goodsnooky 發表於 21-9-14 13:16
回覆家家公主的帖子

你一語道破，自從佢十三歲同我地講佢鐘意咗個男仔，我心態上係唔想俾朋友知道，但我 ...

點會怪你

會勞氣同擔心都係正常
雖然話唔理世俗人的眼光但易講難為
始終中國人社會難接受同性戀

其實最怪阿仔係你同佢媽媽
連你地都標籤左同性戀嘅行為係唔啱
如果唔係你前妻點會趕佢走，你又點解要咁勞氣
調返轉頭咁諗，如果同性戀嗰個係你而你父母又好似你地咁樣對待你你又會點？

你係咪真係唔介意因為同性戀呢件事而冇咗個仔？你都講到你大仔能夠獨當一面，唯獨係性取向方面你唔接受，但唔接受你又可以點做呢？

其實同性戀冇乜大不了
同小朋友有自閉症嘅情況一樣
有好多家長都唔願意提起自己小朋友有自閉症
淨係呢個逃避行為已經將小朋友的自我價值貶低晒

值唔值得？

若問今世所遇，皆是前世的緣。今生寬以待人，來世皆是善緣。

私人傳訊

積分: 45707

2025勳章蛇年勳章

7^#

發表於 21-9-14 15:26 |只看該作者

我坦白講，當佢十三歲同我講佢係雙性戀，我有將佢趕咗出街，佢無喊無要我叫佢返屋企，反而走咗去佢男朋友個屋企叫佢阿媽收留，佢男朋友嘅媽媽就打電話同我傾咗好耐，最後搵左學校社工去化解問題。

我唔希望冇咗個仔，但矛盾係在於點面對朋友同其他屋企人，紙包唔住火，我好難想像我爸爸媽媽如果知道佢地最錫嘅孫係鐘意男仔之後嘅反應，所以同前妻協議寧願將呢個秘密帶入棺材，都唔會俾老人家知道。

私人傳訊

積分: 84431

畀面勳章 BK Milk勳章

8^#

發表於 21-9-14 16:47 |只看該作者

goodsnooky 發表於 21-9-14 15:26
我坦白講，當佢十三歲同我講佢係雙性戀，我有將佢趕咗出街，佢無喊無要我叫佢返屋企，反而走咗去佢男朋友個 ...

本帖最後由家家公主於 21-9-14 16:59 編輯

我真係想吾通點解你地要因為佢係同性戀就趕出街？

私人傳訊

積分: 45707

2025勳章蛇年勳章

9^#

發表於 21-9-14 17:08 |只看該作者

回覆家家公主的帖子

因為當時我地諗佢會被罰後改變，點知道弄巧反拙，佢變得更唔信任爸爸媽媽，我花咗唔少時間重建大仔嘅信任。

私人傳訊

積分: 84431

畀面勳章 BK Milk勳章

10^#

發表於 21-9-14 17:23 |只看該作者

goodsnooky 發表於 21-9-14 17:08
回覆家家公主的帖子

因為當時我地諗佢會被罰後改變，點知道弄巧反拙，佢變得更唔信任爸爸媽媽，我花咗唔 ...

本帖最後由家家公主於 21-9-15 14:32 編輯

小朋友本身最信任一定係父母
又點會想到只係做左父母吾鍾意既事就要被趕出街咁陰公。失哂信心啦

放開啲啦爸爸
同性戀只不過係有個比較感情要好既同性朋友一齊玩一齊成長我地大人既朋友都會有普通同投契之分啦係咪？
吾使想得太多啦反正你地用到以為最絕嘅方法（趕出街）你大仔都吾會屈服
咁又何必再晌呢個問題上無限loop
咪盞影響父子感情加油

私人傳訊

積分: 45707

2025勳章蛇年勳章

11^#

發表於 21-9-14 17:45 |只看該作者

本帖最後由 goodsnooky 於 21-9-14 17:46 編輯

回覆家家公主的帖子

你講得好啱，我確實喺呢個問題上糾纏咗四年，咁你對你個TB女有乜反應，我宜家仲未可以好似佢男朋友父母咁，佢哋話不論性向都會支持個仔同埋佢鐘意嘅人，如果將來我個仔同佢個仔結婚，一樣咁愛我個仔。
佢男朋友十八歲，志願係做一個electrician ，好似同大仔性格唔係好夾，但兩個喺教會識咗十年有多，又好似好投契。我多事問大仔佢同男朋友嘅關係，佢話佢男朋友其實係扮straight acting，其實係girl 黎架，我聽完我話咁都得？

私人傳訊

積分: 84431

畀面勳章 BK Milk勳章

12^#

發表於 21-9-14 18:26 |只看該作者

goodsnooky 發表於 21-9-14 17:45
回覆家家公主的帖子

你講得好啱，我確實喺呢個問題上糾纏咗四年，咁你對你個TB女有乜反應，我宜家仲未可 ...

本帖最後由家家公主於 21-9-15 14:33 編輯

我既態度想法同你大仔另一半家長一模一樣

無論將來條路佢地點行我對阿女都係無限支持

吾係因為怕無左個女而將就接納
我真心覺得無問題都係果句
每個人只需為自己人生負責任
我地做父母真係無必要比太多意見同情緒去仔女既事情上。吾係吾關心。但要選擇性提點

況且佢兩個夾唔夾投吾投契真係只有佢哋自己先知。唔係我哋呢啲見兩三次面就可以定奪
唔夾唔投契自然會分手啦，我哋何必想太多

私人傳訊

積分: 45707

2025勳章蛇年勳章

13^#

發表於 21-9-15 07:41 |只看該作者

回覆家家公主的帖子

多謝你嘅分享，我會嘗試放手，睇吓佢地將來發展。你細仔對家姐係TB 有咩反應？對大哥有男朋友，二仔話his life his choice ，但佢自己就一個女朋友，可能細路喺外國長大都好早拍拖啦！

私人傳訊

積分: 84431

畀面勳章 BK Milk勳章

14^#

發表於 21-9-15 07:57 |只看該作者

goodsnooky 發表於 21-9-15 07:41
回覆家家公主的帖子

多謝你嘅分享，我會嘗試放手，睇吓佢地將來發展。你細仔對家姐係TB 有咩反應？對大 ...

我細仔本身可能阿氏保加
基本上佢對周遭嘅事情唔係太上心
就算佢有留意到佢都唔會有咩意見
好多嘢都覺得唔關佢事佢唔會去理

你二仔講得好啱呀佢嘅人生佢自己選擇

有時真係小朋友會比我地大人更清醒

若問今世所遇，皆是前世的緣。今生寬以待人，來世皆是善緣。

私人傳訊

積分: 45707

2025勳章蛇年勳章

15^#

發表於 21-9-15 09:11 |只看該作者

回覆家家公主的帖子

大仔唔怕俾人知，二仔話如果同學問起就如實作答，反正同一間中學好多人都知道，睇黎你照顧兩個青少年都好辛苦，大仔曾經有一個同學有Asperger ，佢話嗰個同學間唔中會失去理智，試過intermediate school 坐巴士去戶外學習，因為坐唔到最後嗰行，拎瑞士軍刀出黎兇人，大仔就打咗佢兩拳同其他同學將佢制服，結果學校竟然要趕呢個同學出校，大仔就代佢求情，事件最後不了了之。
好奇一問，如果遇到一個Asperger 嘅小朋友，要點應付？三仔就快七歲，佢話有一個同學有Asperger ，我怕佢唔知點同佢相處，三仔好牛精，因為佢夠高大，成日「以武立國」，打起上黎就唔好喇！

私人傳訊

積分: 84431

畀面勳章 BK Milk勳章

16^#

發表於 21-9-15 09:20 |只看該作者

goodsnooky 發表於 21-9-15 09:11
回覆家家公主的帖子

大仔唔怕俾人知，二仔話如果同學問起就如實作答，反正同一間中學好多人都知道，睇黎 ...

我仔無咩脾氣但細個時好固執
認定左既事情如果要改變會默默流眼淚
有可能自細比我呢個阿媽食得住

我唔會因為佢有呢個症遷就佢
我只當佢一般小朋友咁去教育同佢講好多人生道理。一次唔明講夠10次10次唔明講就30次
日日都苦口婆心，大大下發覺佢開始有轉變

開始唔會再為一啲要改變嘅事情去流眼淚，因為佢知道流眼淚都冇用，我會同佢講爸爸媽媽可以遷就你但出去個社會冇人一定要遷就你，媽媽明白你有轉變令你缺乏安全感，但隨着你長大你係男仔你必須要去調節自己心態

我個仔嘅思維好成熟，好多嘢都睇得好通透
佢亦有自己嘅目標將來要做一位電腦工程師
所以佢好努力讀書

若問今世所遇，皆是前世的緣。今生寬以待人，來世皆是善緣。

私人傳訊

積分: 84431

畀面勳章 BK Milk勳章

17^#

發表於 21-9-15 09:24 |只看該作者

goodsnooky 發表於 21-9-15 09:11
回覆家家公主的帖子

大仔唔怕俾人知，二仔話如果同學問起就如實作答，反正同一間中學好多人都知道，睇黎 ...

佢亦都會以家姐為榜樣
所謂榜樣就係家姐嗰份毅力同堅持
我大女係一位飛鏢運動員
疫情之前經常出國代表香港去比賽
都拎過唔少世界級獎項
所以阿仔覺得家姐係女仔都做得到
佢係男仔吾衰得好勝心兩姐弟都一樣有
其實我覺得好事黎
但佢又知道自己運動方面唔出色
所以佢就投放好多時間響讀書方面
亦讀得吾錯

若問今世所遇，皆是前世的緣。今生寬以待人，來世皆是善緣。

私人傳訊

積分: 84431

畀面勳章 BK Milk勳章

18^#

發表於 21-9-15 09:35 |只看該作者

goodsnooky 發表於 21-9-15 09:11
回覆家家公主的帖子

大仔唔怕俾人知，二仔話如果同學問起就如實作答，反正同一間中學好多人都知道，睇黎 ...

其實遇到阿氏保家嘅小朋友都唔需要話點特別同佢相處，本身佢哋都會好怕同其他人有任何交流及身體接觸，當然屋企人除外

同佢地傾偈可能會覺得悶，因為佢哋只會一問一答。說話冇尾音，又或者只係點頭或擰頭去表示
同佢地盡量保持距離，因為你唔知道你遇到嗰位小朋友會唔會係情緒方面比較容易失控，呢類小朋友遇到一些改變真係會出手就好似頭先你話有個小朋友拎把軍刀出嚟一樣，因為佢坐開嗰個座位突然俾人坐咗佢會表示10分不安，其實佢自己可能都冇意識攞把軍刀出嚟會傷害到人，只係想話嚇下個同學俾返個位佢

我個仔係輕微就唔會有呢個情況失控
我自己亦未見過

若問今世所遇，皆是前世的緣。今生寬以待人，來世皆是善緣。

私人傳訊

積分: 45707

2025勳章蛇年勳章

19^#

發表於 21-9-15 10:49 |只看該作者

回覆家家公主的帖子

你兩個仔女都各有所長，可喜可賀。我大仔從小就被學校標簽為資優兒童，grade 2 去grade 5上數學同科學堂，其他課餘時間就學美術、鋼琴、練習游泳等等，佢有怪我同佢媽媽冇俾佢直接跳班，同冇乜童年生活，我以前教仔方式同宜家好唔同，大仔以前我冇乜理佢，祇覺得既然佢IQ高，又成日攞奬，一定無事。咁諗係錯，因為EQ成長比IQ更重要，資優學生都可以有情緒問題，可以企圖自殺，我曾經試過差唔多冇咗呢個大仔，所以我會更加珍惜宜家嘅關係。
三仔嘅有Asperger 嘅同學，唔鐘意同三仔打招呼，三仔就話佢好冇禮貌，佢同學聽咗好嬲，砰一聲拍自己張枱，三仔就懶理佢。呢度小學好怪，同學間打招呼可以互相擁抱，但嗰個同學怕人掂佢，三仔就寫一張紙貼喺佢嗰個同學張凳話no hug for XXX，個同學就尖叫，學校話三仔欺凌，三仔話I’m only writing the fact.

私人傳訊