少年成長今日: 0|主題: 16108

收藏本版

發帖

返回列表

跳至頁

查看: 13108 | 回覆: 0

相處之道 [複製鏈接]

csir3290

子爵府

積分: 12554

1^#

發表於 21-9-26 11:53 |只看該作者 |倒序瀏覽 |打印

琴日睇電視無意中睇到一個三年前嘅節目重播，節目就係講香港殘奧選手蘇樺偉嘅專輯，節目入面亦都提到蘇華為同佢媽媽嘅相處，其中蘇媽媽提到同個仔嘅相處入面，最重要就係互相尊重同埋要有溝通。佢話好多嘢個仔都會問佢意見，但係到最後都會交畀個仔自己決定。佢話因為只有個仔先至知道自己究竟點樣做先至係最舒服最適合自己。好似佢個仔退唔退役呢個咁重要嘅問題，個仔都會問佢，請佢幫佢決定，但係蘇媽媽話，我只係畀咗意見佢，之後都係叫佢自己決定，因為繼唔繼續跑，跑得舒唔舒服係佢自己先知。佢話如果佢自己想退役，但係你叫佢唔好，到頭來跑得辛苦或者攪到受傷，到最後唔開心嘅都係佢個仔自己，所以佢最後都係叫個仔自己決定，佢只係畀意見。

另外佢提到同仔女溝通，佢話好重要係乜嘢都要講，無謂嘢都要傾，如果能夠做到仔女放工返嚟肯主動同你傾下工作上面嘅嘢或者同朋友同事相處嘅情況，咁就已經係好成功。佢話好多時家長都係囉囉嗦嗦，所以啲仔女唔肯講嘢畀佢哋聽。正如我成日都講家長同仔女溝通經常出現嘅兩個大問題，就係第一家長唔懂得聆聽，好多時仔女講少少嘢就已經好批判，但係其實有陣時仔女並唔係需要我哋嘅意見，只係需要我哋去聽，適當嘅時候給與支持同埋認同。如果我哋做家長只係經常批判佢哋嘅講法或者諗法，慢慢佢就會覺得講畀你聽都冇意思。另外在家長成日覺得問問題就已經係溝通，但係正如蘇媽媽講其實無謂嘢都要傾，如果唔係傾開無謂嘢，大家習慣咗個相處模式，咁又點會無端端仔女有嘢嘅時候會主動同你講呢。但係偏偏家長好多時嘅所謂溝通只不過係問問題。

蘇樺偉運動上面嘅成就當然係靠佢自己嘅努力，但係作為家長更加要學習嘅就係佢哋母子相處之道。