吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 點解要獎？

少年成長今日: 1|主題: 16109

收藏本版

發帖

返回列表

跳至頁

查看: 19561 | 回覆: 10

點解要獎？ [複製鏈接]

csir3290

子爵府

積分: 12560

1^#

發表於 21-5-2 10:54 |只看該作者 |倒序瀏覽 |打印

家姐考完試冇耐，而家又到細佬考。細佬仲有一日先至考完，但係琴日星期六就同細佬一齊去買模型預備佢考完試即刻就可以砌。家姐好似有少少唔抵得，問細佬又未考完試又未派卷唔知道成績點解咁快買模型畀佢，仲話如果細佬考得唔好咁點！

咁我話畀佢聽從來爸爸媽媽都唔會因為只係成績好而獎勵佢哋，我話咁快買模型畀細佬嘅原因係我睇到細佬考試之前好勤力溫習，咁到考完試自然就要放鬆下做佢鍾意做嘅嘢。我同家姐講話就好似佢考完試都一樣，嗰個禮拜，首先唔使再做額外嘅練習亦都可以盡情咁玩自己鍾意玩嘅嘢。我話今次買模型畀細佬唔係因為佢嘅成績而係因為我哋欣賞佢喺考試之前好耐就已經好勤力咁溫習，所以成績好唔好唔係最重要而係個過程入面有冇盡力去做。我話爸爸媽媽最欣賞嘅就係你哋兩個都盡力溫習。

好多時都會聽到家長會同自己嘅仔女講如果考試考得好就送啲咩嘢禮物，如果做到啲乜嘢就送啲咩禮物，我一直都唔係好認同呢種做法，因為咁樣就好似教緊個細路仔要用結果嚟判斷成敗，但係我覺得細路仔反而要教佢哋凡事要盡力，欣賞過程欣賞佢哋付出嘅努力，因為事實當一路長大就會知道有陣時無論你幾努力，但係結果都可能係未如理想。如果只係用考試考得唔好就去判斷個細路仔冇努力或者做得唔好，咁未免太片面亦都削弱細路仔嘅自發性。我成日都話細路仔係需要人哋欣賞同埋認同，只有不斷嘅欣賞同埋認同先至會加強佢哋正面嘅行為。如果獎勵嘅只係結果而唔係欣賞細路仔付出嘅努力，咁到頭來當細路仔失敗嘅時候佢只係會覺得佢所有嘅努力都係白費。我明白有啲家長會覺得其實獎佢都係要搵個藉口啫，咁考試測驗或者比賽嘅成功自自然然就係最簡單最容易嘅藉口，但係我覺得呢啲藉口偏偏就係最容易傷害到細路仔嘅自尊心，同埋最容易令佢哋有錯誤嘅價值觀。所以我同老婆都有個共識就係好少會用買禮物嚟獎勵，反而我哋更多嘅會係用欣賞同埋鼓勵嘅說話，希望教到佢哋令佢哋明白父母係欣賞佢哋付出嘅努力，只要凡事盡力就算結果未如理想父母都一樣咁開心。

0 1 0

私人傳訊

opclk99

禁止訪問

積分: 62814

虎到金來勳章

2^#

發表於 21-5-3 19:08 |只看該作者

提示: 作者被禁止或刪除內容自動屏蔽

私人傳訊

cfsl

大宅

積分: 1230

3^#

發表於 21-5-5 10:38 |只看該作者

csir3290 發表於 21-5-2 10:54
家姐考完試冇耐，而家又到細佬考。細佬仲有一日先至考完，但係琴日星期六就同細佬一齊去買模型預備佢考完試 ...

我每一次考完試都會買一份小禮物或者帶佢去玩以示認同佢嘅努力及付出，成績結果唔重要，盡力及認真的態度才是最值得加許

私人傳訊

Ivyng858

別墅

積分: 663

4^#

發表於 21-5-7 17:28 |只看該作者

高分唔代表一切！jm教得好好！

私人傳訊

小艾美

侯爵府

積分: 23371

5^#

發表於 21-5-21 08:30 |只看該作者

咁點解你冇買份禮物比家姐考完試玩？定你地覺得家姐冇努力？
其實家姐會唔開心唔難理解喎。

私人傳訊

babyhoi

珍珠宮

積分: 33611

大廚勳章陪月勳章

6^#

發表於 21-5-21 11:30 |只看該作者

回覆樓主:

不認同未考完就買，
要買就大家都考完先，
要顧及家姐感受

私人傳訊

csir3290

子爵府

積分: 12560

7^#

發表於 21-5-21 20:32 |只看該作者

回覆 babyhoi 的帖子

其實家姐已經考完好耐，買模型畀細佬只不過因為細佬希望考完試可以做自己鍾意做嘅嘢而佢最鍾意就係砌模型。家姐當日考完試都係休息咗一個禮拜做自己鍾意做嘅嘢! 重點不在於禮物，而係在於大家盡力考完試之後都可以有一個星期休息暫時放低啲書本做自己鍾意做嘅嘢! 所以家姐根本就冇唔開心嘅感覺。

私人傳訊

已刪除用戶

已刪除用户

積分: 6102

8^#

發表於 21-5-27 15:45 |只看該作者

提示: 作者被禁止或刪除內容自動屏蔽

私人傳訊

PurpleSea

大宅

積分: 4460

9^#

發表於 21-6-1 18:36 |只看該作者

csir3290 發表於 21-5-21 20:32
回覆 babyhoi 的帖子

其實家姐已經考完好耐，買模型畀細佬只不過因為細佬希望考完試可以做自己鍾意做嘅嘢 ...

咁家姐有冇禮物呢？

私人傳訊

jayjayjj

大宅

積分: 2660

2024年龍年勳章虎到金來勳章 2018復活節勳章親子王國15週年勳章

10^#

發表於 21-6-2 07:44 |只看該作者

雖然家姐無要求買禮物，但响佢心中可能都想要同細佬同等對待，即細佬有禮物，佢都應有禮物。

樓主有無問過家姐想唔想要禮物？

私人傳訊

SpongeBoBo

大宅

積分: 2501

11^#

發表於 21-6-8 15:30 |只看該作者

csir3290 發表於 21-5-21 20:32
回覆 babyhoi 的帖子

其實家姐已經考完好耐，買模型畀細佬只不過因為細佬希望考完試可以做自己鍾意做嘅嘢 ...

本帖最後由 SpongeBoBo 於 21-6-8 15:52 編輯

聽得出家姐係有唔開心的感覺喎...
家姐應該係個自律的乖孩子，知道讀書係自己責任，貪心係唔應該，所以唔會開口要求買禮物，咁所以佢見到細佬未考完已經開口買禮物會覺得不屑，點知阿父母咁縱容細佬，咁都應承佢。
就等於我哋話啲新移民來到香港好快就有公屋綜援，咁你話努力返工嘅香港人有無唔開心呢？