婆媳關係今日: 0|主題: 27758

收藏本版

回覆發帖

返回列表

跳至頁

查看: 26864 | 回覆: 8

我俾我歐洲奶奶同姑仔搞到好唔開心（超長文慎入） [複製鏈接]

colourful16

複式洋房

積分: 470

1^#

發表於 24-9-15 22:47 |只看該作者 |倒序瀏覽 |打印

本帖最後由 colourful16 於 24-9-16 10:50 編輯

簡單介紹：
我的歐洲老公10年前嚟港讀書之後認識我，然後工作，我哋結婚，生咗兩個小小朋友。我哋喺度生活。
我老公父母一早離婚，有個妹妹，即係我嘅小姑子。
小姑子有個傾咗十幾年戀愛嘅男朋友，2年前意外懷孕，生咗個仔，簡稱 O 。但係就算懷孕有仔，小姑子堅持唔會結婚，佢認為婚姻唔靠譜。

99，有個傾咗18年戀愛嘅男朋友，佢嘅男友幾年前患咗前列腺癌。佢嘅男朋友有個女，可以話係99嘅繼女，繼女同佢男朋友識咗三四年，計劃之中生咗個女，而家1歲。繼女聽講都唔打算結婚。

-
1，老公係度10年，佢冇一個親人拜訪過佢。
99唔嚟嘅理由係，佢唔可以坐飛機，會嚴重耳痛。
其他人嘅理由：未知。
我哋結婚嘅時候，小姑子同繼女打算嚟嘅，而且係表現得好期待嘅嗰種，一直有討論行程，但係討論緊，突然慢慢發現佢哋唔吭聲喇。
我老公主動去問我99，先話佢哋唔打算嚟喇。
小姑子之後先發咗訊息話因為佢男朋友冇辦法陪佢嚟，繼女又因為學業嘅問題（我老公完全唔接受呢個理由，佢完全唔關心學業），佢又唔想自己獨自坐飛機，會驚，覺得機票好貴，所以決定唔嚟喇。冇半點歉意。
我老公生氣，同99理論，99完全都係幫住小姑子，冇諗過我老公獨自一人喺呢邊，連婚禮都冇一個親人嚟係幾慘。

2，因為疫情，我哋中間有5年冇去老公屋企睇佢屋企人。呢5年，我哋仔女出世咗。
舊年我哋第一次帶小朋友去睇老公嘅屋企人，返咗20日。中間雖然小朋友經歷咗 covid ，但係後來都康復咗。不過我地舊年沒有見到姑仔同繼女一家。（宜家霖返，覺得人地根本不在乎，包括我99）
其實呢20日係有全部人都健康嘅時候嘅，並唔係完全冇機會。

2.1因為婚禮嘅事，呢5年我一開始係十分討厭小姑子，我冇同佢交流過，但當然，佢亦冇同我聯絡。
第一次聯絡，係佢懷孕，我主動發訊息恭喜佢嘅。
第二次聯絡，係佢男友得咗 covid ，我去關心一下佢哋。
但係佢從來都冇主動聯絡過我。

3，因為舊年冇見到小姑子同繼女一家，我老公好期待可以見到佢哋一面，今年又返去喇。

4，今年返去，我99同佢戀愛18年嘅男朋友一個月前分手咗。係佢嘅男友主動同佢分手嘅。
我哋本以為佢會好傷心，今次我哋返去啱啱好可以陪住佢。
但係呢，佢同我老公講，佢聽到分手嗰一刻，感覺好驚訝好意外，佢話自從佢男友患癌之後，就總係鬧佢，脾氣更差。而佢一直都冇提分手，因為佢男友病咗，佢認為主動提分手唔係太好。
我老公問，會唔會係佢有外遇咗？99話，佢唔可能搵到另一個女人，佢因為癌症而失去咗性能力。冇女人會要佢嘅。
99仲同我講，當佢聽到分手嗰一刻，佢內心係 hooray ，佢話佢仲係個好年輕嘅女人，有好多機會。而且第二日，佢即刻上 tinder 搵新嘅對象。呢一個月嚟，佢已經認識咗無數個人，見面都有7.8個喇。當然極品嘅男人仲係好多嘅，所以佢仲不斷尋覓。

其中佢係網上認識一個男人話係美國佛羅里達州有房，我99同小姑子繼女講，佢哋叫99要去睇醫生醫好個耳朵，唔係就冇機會飛去佛羅里達州⋯⋯呵呵，原來佢哋眼中，自己個仔遠遠不如一個剛剛認識的在美國有房的男人！

5，我老公話，99表現得好似同一個青少年啱啱搵對象一樣，佢感覺我哋今次返去反而阻礙咗佢媽咪同對象見面嘅機會。
佢覺得佢嘅媽媽似乎並唔係好歡迎我哋。
話說我哋今次都係停留20日。

6，當我哋離開前一星期，99收到佢前男友嘅訊息，話佢想見我哋一面，我哋當然答應，我同老公都好鍾意佢嘅前男友。
我就同我99開玩笑話，話唔定你前男友只係想嚟見你啫，我99居然畀咗個十分噁心嘅表情，類似呢個(emoji)。
我同我老公簡直傻眼喇。所謂嘅18年感情都係假嘅咩？

7，今次返去我個小朋友又一次病咗，而且仲病得好嚴重。亦因為生病，所以小姑子同繼女一家亦都冇一直見面。
幸好返港前仲係康復咗。所以返港前3日，我哋去咗繼女屋企見面。亦係唯一一次見面。

！！8，同小姑子見面前，聽講小姑子男友嘅麻麻走咗，佢哋要去葬禮。
我話，叫 O （小姑子仔）過嚟啦，我哋一齊照顧佢，佢可以同我啲仔女玩。

估唔到99一口拒絕。
小姑子一家大多數都係喺99屋企住，所以呢度有好多 O 嘅玩具。 O 大多數都係我99帶嘅，佢甚至叫我99喊媽媽。

99話， O 見到佢嘅婆婆被其他小朋友佔有咗，見到佢嘅玩具被人玩咗，會好嫉妒嘅好唔開心嘅。佢哋唔想佢唔開心，唔可以令佢產生唔開心嘅情緒，所以唔可以接佢過嚟。

我同我老公傻眼咗，呢個係咩神邏輯！我老公認為呢個完全係過度保護小朋友。

我哋之後先明白，99似乎完全唔期待所謂嘅我哋中國人好重視嘅家庭團聚，小朋友一齊玩唔係重要嘅事，重要嘅係佢嘅親外孫要同邊個玩，佢似乎認為我嘅小朋友太調皮咗，一直阻止小朋友嘅見面。

8.1我99同我老公講過，佢同小姑子照顧 O 係保護佢唔受到任何負面情緒影響，佢哋認為噉樣對佢嘅情緒發展會更好。

例如，只有佢一喊，就要一定要抱一定要安慰。其實沒有錯，但係我因為咁壓力好大。舊年返去我仔先幾個月大，每次半夜佢喊，可能我多數太累比較遲抱佢，但係99係幾乎一分鐘之內（講緊係大半夜！）會過黎企住，佢意思係佢可以去安慰我仔。不過我驚左，所以每次我仔喊，我需要馬上，係馬上抱佢！

例如，如果佢唔鍾意食嘢，就唔會逼佢食，所以 O 完全就係皮包骨。 2歲90cm 10kg 。小朋友係強逼唔到，我意思係佢地唔會做出嘗試。如果佢no就no。小朋友想點就點。
有個例子，我仔今次腸胃炎，講緊係2歲人仔連續幾日痾10幾次！佢開始唔痾第一日，我99帶佢地出去玩，忘記帶水。其實就正樓下，想飲水可以返屋企。但係我99買了支果汁俾我仔飲！我唔知道詳情，但我認為佢係因為我仔想飲，佢就買。

例如，佢哋為咗佢有好嘅睡眠，喺佢瞓覺嘅時候，去廁所就唔會沖廁所，驚吵醒佢。sorry 我知道呢個其實好個人，但係因為我有些許潔癖，我沒有辦法接受。

比如話，小姑子同男友關係唔好，成日吵交，佢男友成日講粗口。
小姑子並唔愛佢，但係唔願意分手。我99都好討厭佢。
因為佢驚佢男友嘅家人會起訴佢，然後打官司爭取每個週末 O 同佢男友家人一齊度過，呢個係小姑子唔願意嘅，因為佢認為佢男友嘅家人唔正常，所以小朋友唔可以同佢哋呆一齊。
所以寧願自己同親媽一直忍住唔愛嘅男友，總係吵架嘅男友，一齊生活，都唔肯分手。
（呢個究竟邊個先唔正常呢？小朋友喺呢種父母冇愛嘅環境長大，情緒仲可以有幾健康？）

有個更極端嘅，99嘅前男友同我哋見面嘅時候，偷偷透露話：
有一日99買咗滑板車畀 O ，佢同繼女嘅男友幫手安裝，佢哋調整高度時，叫 O 過嚟企喺度試下高度，只係企喺度，隔離仲有大人哦！
但係卻被小姑子大鬧係咪想害死佢個仔，因為佢個仔冇戴頭盔。
然後小姑子又一直鬧99買咗啲咩垃圾嘢。

！！8.2話說今次我哋小朋友生病咗，需要食藥。我個仔唔鍾意食藥，我好無奈，就叫我個女過嚟幫我試下可唔可以餵藥，估唔到我個仔見到姐姐過嚟，佢即刻就食咗藥喇。
之後，每次食藥我個仔如果唔肯食，我都會叫我個女過嚟。
但係，我99居然用佢哋嘅母語同我老公講，佢唔鍾意我呢種餵藥行為。
佢認為弟弟係因為驚姐姐，先會食藥，噉樣會對佢有非常負面嘅心理，會嚇到佢，亦會令佢害怕姐姐，影響佢哋姐弟嘅關係。

對唔住，我完全理解唔到呢種邏輯！

9，我哋係同99住嘅，99需要載我哋4個人開車1小時45分鐘，到繼女屋企。然後開1.5個鐘來回車，去接小姑子同佢小朋友嚟繼女屋企。然後又要1.5個鐘來回送小姑子返屋企。然後再送我哋返去，開1個鐘45分鐘。

10，小姑子唔鍾意開車，佢嘅男朋友因為工作冇辦法載佢。
但係我哋問，點解佢唔叫車？
99解釋，小姑子會驚帶上小朋友坐陌生人嘅車，冇兒童座椅，冇安全感。
重點嚟咗！！ ️
準備送小姑子返屋企時，繼女嘅男朋友出聲話可以送佢返屋企，噉樣99就唔會咁累喇，
但小姑子話，佢需要有兒童汽座，繼女男朋友話佢哋架車本來就有。
小姑子話，佢需要99車入面嘅汽座，嗰個係佢精挑細揀嘅。
繼女男朋友話，噉可以移去佢架車度，唔礙事。
但99話，冇事，反正時間都一樣，佢送就得喇。

11，呢個係我哋時隔6年第一次見到小姑子同繼女。
見到小姑子時，佢就遠遠企喺度，郁都唔郁，雙手交叉，同我冷冷講咗一句，簡單笑咗，講 hi 。
見到繼女，佢一直行過嚟，我就畀個擁抱佢。

12，呢個係99所有嘅孫子第一次見面。
我99完全冇喺我小朋友陌生嘅環境中理會或者抱我嘅小朋友，反而一直去抱住繼女嘅女兒。
當小朋友一齊玩嘅時候，我個仔因為妒忌（佢要我99），所以就輕輕推咗一下小姑兒嘅仔 O ，99好嚴厲噉話咗我個仔，話唔得。
推人唔啱，我當然知。我每次都會第一時間教育我個仔。
或許因為聽到被責罵，我個仔係越鬧越反抗嘅，佢又推咗 O 一次（完全冇受傷）。
今次，小姑子用非常惡嘅眼神望住我個仔，並且非常惡大鬧我個仔，話 STOP ，之後用佢哋嘅語言講（我老公後來翻譯畀我聽），已經第二次喇！
我個仔畀佢嚇喊咗，我都畀嚇到咗，呢個人簡直係個惡魔。
我想利申，我覺得被冒犯，係因為我認為在小朋友沒有受傷可能的情況下，教育小朋友係應該由我教訓，我自己會帶佢走，教育佢。
而且，2歲小朋友小推撞係正常行為。
『Pushing is a natural behaviour for toddlers as they learn about their surroundings and assert their independence.』

13，我老公就同我99解釋，我個仔只係妒忌。
99一邊抱住繼女嘅女兒，一邊居然冷漠噉同我老公講，我個仔值得被噉對待（被罵），而且睇我個仔同望住殺人犯眼神一樣。
但係，99之前擔心 O 會有妒忌嘅心理，先唔畀佢嚟屋企同我嘅小朋友玩，點解佢卻無視我個仔嘅妒忌呢？

14，每次我個女想去洗手間或者去另一個房嘅時候，99都非常緊張噉問我個女要去邊。因為佢一直用唔信任嘅眼神望住我兩個小朋友。

15，我同我老公講，我以後再唔會再見到你妹妹喇。我好討厭佢。

雖然我篇文忽略左我99的正面點，雖然我篇文或許有不公平的指控畢竟係我的角度。雖然有些事情你地會覺得與我無關，係我多管閒事，但其實正因為亂七八糟的事情，令我對佢啲刮目相看，有因有果，令我覺得佢哋咁沒人情味。
回港有一段時間了，雖然已經遠離曬佢地，雖然我講左唔想見到我小姑子，但我心裡面非常唔開心，我每日壓力都好大。每次想起，我都情緒激動。我覺得我甚至有心理創傷。
我沒有選擇同佢地講，因為我覺得完全係雞同鴨講，我地意見完全都唔同，但我又覺得我心裡面係渴望俾佢哋知道我幾痛恨佢哋。
所以忍無可忍，走黎呢度講。我知道網絡的世界有好多謾罵，正如我係外國媽媽谷發文俾人瘋狂鬧，但算了，我本身都唔開心了。

謝謝你地願意睇到呢度。

0 0 0

私人傳訊回覆引用

ggiee

男爵府

積分: 7935

2^#

發表於 24-9-16 00:26 |只看該作者

colourful16 發表於 24-9-15 22:47
簡單介紹：
我的歐洲老公10年前嚟港讀書之後認識我，然後工作，我哋結婚，生咗兩個小小朋友。我哋喺度生活 ...

好彩住得夠遠
我第一感覺係覺得你老公好慘
生活係咁既家庭
好彩佢遇到你
有返一個正常既家

另外你99擺明唔係正常人亦唔中意你
感覺仲有少少歧視你地
尤其係你個女一行開就問住曬
好似擔心你們會做一些帶破壞既行為

如果係咁你只能盡力保護你老公同家人
我估你老公比你更hurt 一百倍
之後可以少返去就少返去吧
去都不要去咁耐或同住
自己租酒店租車

另外都唔好計較佢哋d咩了
99就係一個自私偏心既人
姑仔就自我又被寵壞
無謂同佢哋計較！保護家人的mental n physical health 為上

私人傳訊回覆引用

colourful16

複式洋房

積分: 470

3^#

發表於 24-9-16 00:50 |只看該作者

本帖最後由 colourful16 於 24-9-16 00:52 編輯

ggiee 發表於 24-9-16 00:26
好彩住得夠遠
我第一感覺係覺得你老公好慘
生活係咁既家庭

首先好多謝你願意睇我的負面廢長文。
然之後，我仲要更加多謝你真係認真睇左黎同埋帶有同理心回覆我。你真系好好人。

我用英文係一個外國媽媽谷發，佢哋全部鬧我鬧到撲街。話我多管閒事，話我自己小朋友打人本身就係大問題，值得被佢哋鬧。

我老公冇錯，佢好hurt，但同時又縮沙唔想同佢地講。但同我老公深入傾，原來佢係唔想佢老婆即係我俾佢屋企人憎，唔想我日日夜夜俾佢哋係背後講我壞話。因為知道佢哋同我地意見不合，講左都簁氣。

不過其實我講出來已經好開心了，我覺得我只係需要打開心靈講出來，有人同情，我已經好滿足。畢竟網絡世界俾人鬧好普遍。

最後多謝你，溫暖了我。