我和老婆結婚五年,由第二年開始想要bb,但試左成年都唔得,去私家醫生度check過晒我倆都無問題一切正常,期間中醫呀,計算日子等全部試過晒, 終於在前年走上了iui之路,雖然知道成功機會祗有15%, 但過程都充滿了期待,最後希望愈大, 失望愈大.
最後我倆決定暫停一年, 因為在過往两年真是身心俱疲, 每一次計算日子每一次交功課換來每一次之失望, 加上我覺得做完iui之後因為針藥原因, 老婆身子始終會差啲, 經過一年之調養身子(期間没有睇中醫,祗是戒凍飲, 盡量均恆飲食),我倆决定走出人生重要之一步就是做ivf, 首先是資料搜集, 等自己和老婆有齊共識了解過程和風險避免日後不能互相體諒產生磨擦而影響心情, 進而影響效果. 最後了解到在香港要成十萬蚊, 台灣都要八萬左右, 而深圳祗係三萬人仔左右, 基於經濟原因我已想在深圳做(因想到有可能不衹要做一次), 但老婆有點抗拒, 因信不過國內醫院, 於是乎我自己做了大量資料搜集, 發覺深圳有五間醫院可以做, 再加上一個例子就是我父親早年在法國醫院做一個簡單小手術, 咪一樣搞到要入深切, 最後都要在國內做, 國內唔一定差過香港, 因架不住他們人口基數大病例多, 熟能生巧嘛.通過一些深圳本地朋友介绍, 再加上見網上最少投訴, 成功率亦算高最後選定了深圳武警醫院, 首先在网上問左要帶乜文件及一般流程後, 他們要求一定要女方m第三日見醫生.
講咁多癈話入正題啦, 我們係一月頭決定去見第一次醫生, 早上8點去到醫院, 不育科有五個科室, 每個科室由一位主任醫生或教授带着一隊團隊, 因我們己做左資料搜集所以直接掛號選擇了心目中既周教授. 掛號後等左卄分鐘倒見醫生, 都是問番一些基本資料, 詳情就不多說啦, 最後做了二十多項檢查, 一星期後再上去看报告, 期間見每個科室都有＋幾廾人等, 感覺就像傷風感冒看醫生一樣, 當中亦有香港人甚至我還見到一对外國夫婦. 打左＋幾日針後, 由於老婆卵巢衰退祗谷左兩粒蛋蛋, 幸好周教授之鼓勵及神之保守, 最後都取了四粒蛋蛋, 而其中三粒成功培殖, 跟著於今個月一號放胎, 而上星期六抽血驗已證實怀上了, 而睇孕恫指數還好大機會起孖添. 現等月尾第一次照超声波就知一或二啦哈哈. 成個過程一共用了不到三萬人仔.
最主要成個過程和老婆一起經歴了各種波折, 一起辛苦一起解訣問題, 發覺感情仲愈來愈好添, 所以我覺得做ivf應該夫婦同心, 不能一個著緊一個唔理, 否則會事半功倍架, 心情亦都是成功之一大因素.
這篇主要是寫吓感受, 如有人要詳細過程資料, 我可以叫老婆覆你地, 而佢地醫生話如果做三次, 第一次有55%成功率, 而三次加起來會超過八成添. 希望可以給一些計劃做ivf而又經濟不是太理想既夫婦多一個選擇.
發表於 
發表於 
返回列表
