婆媳關係

跳至

首頁
1

尾頁
   0


洋房

積分: 76


1#
發表於 20-5-2 12:24 |只看該作者
其實我本來係唔想生bb嘅人嚟,但我老公好鍾意小朋友,所以最後都係幫佢生左個女。
我老公搵錢唔多,所以結婚同生左之後都一直要同奶奶住。我老公係我未生之前仲實牙實齒話佢媽會幫手湊,叫我唔洗太擔心,唔好俾咁大壓力自己。
點知生完之後根本冇人幫過我手,一個二個淨係得閒就抱起bb玩下,影下相咁。
我老公一放假就出街,我又唔敢亦唔想阻止佢,始終佢翻工都辛苦,同埋佢暫時係成頭家唯一一個賺錢翻嚟嘅人,我唔想令佢覺得我好似又食佢住佢又要佢湊埋B咁。我唔敢同佢講我好累好辛苦,唔敢叫佢幫手...


洋房

積分: 76


2#
發表於 20-5-2 12:25 |只看該作者
有時我老公都會提議不如一齊落街食個下午茶或者行吓,點知又會俾奶奶鬧我地成日掛住周圍去,唔湊B。但其實我已經24小時咁湊個女,我唔明點解佢唔肯體諒下我,都係1-2個鐘嘅。咁既然佢咁抗拒湊,好心佢又唔好成日掂我個女啦,成日都借啲意入嚟抱走啊B,成日好似好得意好好玩咁。仲成日講風涼話話bb好乖,夜晚都唔嘈嘅。我想講係因為我冇點瞓過教又較好曬鬧鐘咁餵奶換片,所以bb夜晚先好似咁靜咁。


洋房

積分: 76


3#
發表於 20-5-2 12:25 |只看該作者
奶奶仲要成日問三問四,管呢樣管個樣。我真係好懷疑佢有冇湊過b,我老公到底係點成長。
成日啊b一扭計就入嚟問佢喊咩,你估我識讀心咩,我已經夠煩,佢仲要煩住曬。
同埋唔知點解我老公一係度,奶奶就成日發脾氣,態度又差,搞到有時我都寧願我老公出街玩,耳根清靜。我每日瞓得幾個鐘都未發脾氣,佢就日日嘈生晒。


洋房

積分: 76


4#
發表於 20-5-2 12:25 |只看該作者
我真係好想帶埋bb翻娘家,我媽都好支持我咁做,但我老公又唔俾...我都明嘅,佢唔想見唔到個女。但我成日都諗反正都係我自己湊,我想去翻一個我覺得舒服同開心嘅環境囉...
我真係唔知我可以捱到幾耐..


洋房

積分: 76


5#
發表於 20-5-2 12:26 |只看該作者
遲吓過多幾個月我都要翻工了,到時都唔知點算⋯⋯


珍珠宮

積分: 32599


6#
發表於 20-5-2 14:11 |只看該作者
湊b係父母責任
真正要幫你手湊b嗰個係你老公,唔係奶奶
早排疫情確診人數上升,普通人都唔敢成日出街
家有初生bb都成日出街,呢點好難理解




禁止訪問

積分: 2053


7#
發表於 20-5-2 14:55 |只看該作者

回覆樓主:

提示: 作者被禁止或刪除 內容自動屏蔽


男爵府

積分: 7097


8#
發表於 20-5-2 16:31 |只看該作者
Ayan2019 發表於 20-5-2 12:24
其實我本來係唔想生bb嘅人嚟,但我老公好鍾意小朋友,所以最後都係幫佢生左個女。
我老公搵錢唔多,所以結 ...

甘照顧bb係父母既責任,如果奶奶肯幫手固然係好,但唔幫你又冇得怨,同埋你老公放假都寧願出街唔幫手湊女係衰左啲,我相信每個在職父母冇邊個係冇壓力,係睇你自己點解決


琥珀宮

積分: 168243


9#
發表於 20-5-2 17:22 |只看該作者
Ayan2019 發表於 20-5-2 12:25
我真係好想帶埋bb翻娘家,我媽都好支持我咁做,但我老公又唔俾...我都明嘅,佢唔想見唔到個女。但我成日都 ...

既然你媽支持,咁你可以耐不耐放bb係娘家,你同老公可以拍下拖放鬆下。
若你返工,你媽可以幫你湊嗎?否則,你要早d去揾人湊


大宅

積分: 2477


10#
發表於 20-5-2 18:42 |只看該作者
Ayan2019 發表於 20-5-2 12:24
其實我本來係唔想生bb嘅人嚟,但我老公好鍾意小朋友,所以最後都係幫佢生左個女。
我老公搵錢唔多,所以結 ...

點解唔叫老公幫手?俾我會爆佢,我都返工,收工都要湊b,你唔出聲,男人就當你搞得掂架


男爵府

積分: 6731


11#
發表於 20-5-2 19:37 |只看該作者
老公唔畀帶b返娘家,咁同佢講你自己返娘家留低b囉!咁巴閉。想問樓主話過多幾個月都要返工,到時邊個湊b?


男爵府

積分: 8127


12#
發表於 20-5-2 20:57 |只看該作者
Ayan2019 發表於 20-5-2 12:26
遲吓過多幾個月我都要翻工了,到時都唔知點算⋯⋯

你真係覺得有問題嗰個係你奶奶唔係老公同自己 你應該post 去夫婦情感嗰版.... 你由得你老公一放假就出街「減壓」 seriously...?


水晶宮

積分: 64616


13#
發表於 20-5-2 22:09 |只看該作者

回覆樓主:

睇唔出樓主老公有幾中意小朋友......


伯爵府

積分: 18754

畀面勳章


14#
發表於 20-5-3 10:49 |只看該作者

回覆樓主:

你老公問題大d,
唔幫手湊都衰,
仲唔比人返娘家?
佢買斷左你呀?
搵錢養家大哂?
有時真係要硬起來,
唔係比人蝦成世,加油!


大宅

積分: 1382


15#
發表於 20-5-3 11:29 |只看該作者
好同情同理解你的情況,唔好唔開心,好多媽媽都經歷過

我大肚時,我有問奶奶,想請工人幫手,或我辭職湊,奶奶都係話會湊,叫我哋兩公婆去返工,BB出世就變臉,唔肯湊。或許奶奶老人家無耐性,亦無時間追究責任,要盡快睇下點安排照顧BB,又要唔得失奶奶,令佢失Face。

如果帶返娘家湊,係一個唔錯的方法,我初頭怕得失奶奶,所以無諗過咁做,最後在奶奶家待左2星期,之後就返娘家坐月湊BB,好多時都係自己媽咪比較了解自己情況,有同理心,我都好多謝媽咪照顧好自己同BB。

有時適當咁同奶奶 幫唔到手的人分開下,對大家都好,俾空間對方。

你呻完就要積極面對你和BB的人生囉!加油


大宅

積分: 2389


16#
發表於 20-5-3 11:55 |只看該作者
儍啦,我係ftm, 我都要我老公放工湊b,同bb親子好重要,點會話阻住休息,你話你老公鐘意小朋友,咁佢減壓梗係要同bb玩啦
我未生之前,我奶奶都話可以湊過夜,但係bb出左世,先知體力唔得,結果我返工既時候先湊日頭,有時奶奶都唔想既


子爵府

積分: 11308

親子王國15週年勳章


17#
發表於 20-5-3 14:14 |只看該作者
疫症期間都一放假就出街,根本無責任心,你都係比娘家照顧bb,盡快返工,你老公同奶奶靠唔住。


子爵府

積分: 11382


18#
發表於 20-5-6 01:30 |只看該作者
睇你無講奶奶喺有b前親口應承幫你手,係你老公呃你。而老公唔幫手湊b,咪你自己搵方法湊,返娘家叫自己阿媽幫手唔需要佢同意,佢咁叻一放工佢湊哂,湊埋半夜,睇佢頂到幾耐...

首頁
1

尾頁

跳至
Presslogic Logo
Baby Kingdom Logo