單親天地今日: 0|主題: 18391

收藏本版

發帖

返回列表

跳至頁

查看: 3755 | 回覆: 3

想當年個個都唔願瞓~ [複製鏈接]

Love111111

大宅

積分: 4195

1^#

發表於 20-3-6 05:02 |只看該作者 |倒序瀏覽 |打印

本帖最後由 Love111111 於 20-3-6 05:04 編輯

人老了？學人想當年~
仲用緊MSN時代，一到晚上哇哇叫既生物瞓咗覺就即刻入單親天地，睇下大家傾緊咩！你一句我一句，句句入心入胸，感動到流淚，雙手仲在鍵盤劈喱啪肋不停走動，因為唔會有人見到自己醜態，互勉之就因為同路人！我想大家了！

今晚本來因為“心塞” 走入嚟尋溫暖！但見到新會員迷網，我又想多事，我有話兒，慢慢睇，唔好急，最緊要記住：吸取正能量！

要行單親路了，以後點算？
時間不等人，所以唔好浪費自己光陰！
世界唔會圍住你轉，所以唔好收理自己！
沒人是你心裡條蟲，所以要尋求支援！

好唔甘心？
唔甘心會釋放負能量，不要得。就算佢返到你身邊又如何？情感變了就變了，回不到從前。

擔心生活費？
有能力返工既，搵親人幫忙照顧/請個姐姐返嚟幫手/請鐘點家務助理/鐘點保姆/社區保姆。

無人幫手的可以尋求社工/社會援助，自己湊可以睇住孩子成長。到孩子入學後可以去進修，唔好同社會脫節，為的是孩子可以返全日制後，可返part-time,基本上全職唔駛諗，因為學校假期多，一個人難應付。

我只諗到上面三個問題，想當年有傾這三個話題。

自身方面~(其實好忙架)
跟足健康院簿仔上的每一項填曬佢，有助孩子既成長及學習上評估。(可以不填，到時就填忘記二字，問題不大)

跟健康院派既書仔配合孩子各方面發展，例如：小肌肉大肌肉運動，言語發展，情緒發展等。

學習方面，自理同習慣，設定時間表好重要！多聽兒歌/音樂，認字同讀字開始等等等等

我只希望分享一點點自己經歷，摸索十年仲未摸索到曬，無人有BB就識做人父母，你我一起邊學邊做。自問教孩子成績唔叻，但有一個體貼有愛既小天使在我身邊，幸福感已經爆燈！

育嬰育兒範疇廣廣廣，不能盡錄，可上網搵到好多好多好多有用資料！

不建議電子產品成為幼兒娛樂之一，如要用，15分鐘要休息一次。一日只可玩一次。

天光啦~瞓先！各位晚安！