少年成長今日: 0|主題: 16108

收藏本版

發帖

返回列表

跳至頁

查看: 11792 | 回覆: 1

聯繫了兩代人的扭計骰 [複製鏈接]

csir3290

子爵府

積分: 12556

1^#

發表於 21-1-24 11:23 |只看該作者 |倒序瀏覽 |打印

近日阿女又迷上咗玩扭計骰，佢一得閒就會扭，仲會喺網上面搵一啲片段嚟學點樣可以扭得快啲。其實阿女點解會突然間鐘意玩扭計骰，原因就係之前去公公屋企食飯嘅時候，公公自己喺度玩緊扭計骰，仲教阿女同埋佢表弟一齊玩，公公玩得好有技巧，仲好似寫秘笈咁寫低曬啲秘訣。搞到佢兩個小朋友越玩越有興趣。

而家“三乘三”嘅扭計骰對阿女嚟講已經冇曬難度，阿女最近挑戰緊“四乘四”嘅扭計骰，呀女仲專登叫我買多一個畀公公，然之後同公公一齊研究，近排上親去公公屋企食飯，佢哋就喺度研究點樣扭呢個四乘四嘅扭計骰。阿女之所以咁有興趣，我諗其中一個原因就係我哋全屋都冇人識而佢可以喺入面搵到成功感，佢仲成日同我哋講點樣扭。不過講真其實我真係唔係聽得好明呀女講嘅方法。可能我真係冇呢方面嘅天份，不過我雖然聽唔明但係我都可以做鼓勵同埋讚賞嘅工作，所以阿女越玩越有興趣。就咁睇扭計骰好似一件玩具咁但係原來都幾考腦力，亦都好考佢哋嘅邏輯思考，玩呢啲嘢點都好過成日對住部手機。有段時間家姐因為睇完網上面嘅片段學咗成功扭完之後，就覺得自己成功，但自此之後佢成日好驚再次扭散之後就扭唔返咁，所以就放低咗粒扭計骰，呢個時候就係我哋鼓勵佢嘅時候，我提議佢今次嘗試挑戰自己，唔好睇片跟住扭，終於鼓勵咗幾次家姐終於肯扭散番佢，然之後慢慢去嘗試點樣扭返出嚟，見到佢一步一步咁扭，每一次多咗啲進展佢都會好開心。

今次阿女玩扭計骰其中一樣我最欣賞嘅就係同公公多咗溝通，而家去到公公屋企雞啄唔斷咁就係講點樣玩扭計骰。其實老人家又好，家長又好只要搵到同細路仔嘅共同話題其實就好容易溝通。另外，如要細路仔延續一樣興趣其實又係最重要畀佢搵到成功感，雖然玩扭計骰好似唔係啲好重要嘅嘢，但係都係一啲訓練腦力嘅玩意總之令到佢同公公多咗溝通又令到佢可以多咗成功咁點都俾玩手機好。