婆媳關係 今日: 1 | 主題: 27777

積分: 258

1^#

發表於 19-11-8 01:32 |只看該作者 |倒序瀏覽 |打印

本帖最後由 1013Tsui 於 20-5-15 18:04 編輯

同6299一齊住，有苦自己知。

已經唔記得第幾次，喊到停唔到。谷氣、忍、苦惱，迷茫⋯

62（73歲，已退休，日日喺屋企）極度自私，計較、孤寒、度縮、懶、講大話、搞到大伯同老公零溝通、對99好差⋯⋯99寧願返工都唔想對住62，99好討厭佢，99成日都同我訴苦⋯

同6299住公屋，兩房一廳，租金+水電煤氣雜費全部老公俾。99有返工(返part time)，99今年68歲，奶奶好好人，對我好，我亦對佢好，99係煩小小，但我同99相處一直幾好無乜問題。

拍拖到結婚同住頭半年，我對62係相敬如賓、絕對係有努力對佢好。後來睇清楚62真面目⋯

0 0 0

私人傳訊

積分: 258

2^#

發表於 19-11-8 01:35 |只看該作者

1013Tsui 發表於 19-11-8 01:32
同6299一齊住，有苦自己知。

已經唔記得第幾次，喊到停唔到。谷氣、忍、苦惱，迷茫⋯

本帖最後由 1013Tsui 於 20-7-5 19:02 編輯

62種種黑人憎嘅行為，佢好孤寒、度縮、自私、唔尊重人、壞習慣講極佢都唔改⋯好令人討厭。同老公結婚2年，曾經我有努力對62好，但62從來無對我好過，我無欠62任何嘢。我只想做返我自己，做好自己即可。我亦忍住唔當住62面爆佢，所以至今一次都未試過同佢有正面衝突。

但同一屋簷下，當中一定會有各種問題、苦惱、不便之處、谷氣等等，只有自己知⋯每次因為頂唔順62各種行為，同老公講，換來嘅都係佢語帶無奈地「算啦由佢啦、咁點呀、我可以點呀？咁你想我點呀？唉你唔好咁介意啦、咁一係我鬧翻佢！咁一係搬囉（其實佢唔想搬嘅，只係講晦氣說話）⋯⋯」諸如此類偏激嘅說話。

私人傳訊

積分: 258

3^#

發表於 19-11-8 01:39 |只看該作者

1013Tsui 發表於 19-11-8 01:35
本帖最後由 1013Tsui 於 20-7-5 19:02 編輯

62種種黑人憎嘅行為，佢好孤寒、度縮、自私、唔尊重人、壞 ...

本帖最後由 1013Tsui 於 20-11-3 01:01 編輯

我只希望自己老公企喺我角度諗下，適當安撫一下我，我已經心滿意足。其實老公都覺得6299好有問題，講極都唔聽、唔改。我亦明應該包容老人家多啲，但我個方面已經好努力做好自己，又晚晚煮飯俾6299食，有時真係覺得，點解我要晚晚辛辛苦苦煮埋俾62食？佢根本由始至終當我外人一樣。

無論我幾平心靜氣、講咁小心翼翼地去同老公傾訴，但始終，嗰個係佢老豆。有時真係覺得女人都幾慘，離開自己屋企，嫁咗去男人嘅屋企，幾努力融入佢呢個家，甚至晚晚煮飯俾佢爸媽食。我自己爸媽都無咁嘅待遇。辛苦都算，問題係無家嘅歸屬感，無人明白自己，有時夜晚諗到都會喊

私人傳訊

積分: 258

4^#

發表於 19-11-8 01:41 |只看該作者

1013Tsui 發表於 19-11-8 01:39
本帖最後由 1013Tsui 於 19-11-27 02:42 編輯

其實我唔係想佢地嘈、唔係想老公鬧62，我先開心，我只希 ...

本帖最後由 1013Tsui 於 19-11-27 02:47 編輯

呢種感覺真係好無助，又唔可以同屋企人講太多，唔想爸媽擔心。同朋友講，人地又未必會明白你感受。所以，唯有同自己最親近嘅老公講，深知道講得越多，佢越煩、甚至反感，亦唔想俾太多壓力自己老公。但奈何62有問題，好難做到完全唔同自己老公講。

其實我同老公有好多次嘈、黑面，都係因62而起。所以，我唯有盡量少啲同老公講62嘅不是，而家當62透明，忍，零溝通。我已經明確同老公講，62自私、講大話，我已經好難再同佢友好相處，老公亦表示無問題、理解我，話可以接受到我同62零溝通。

私人傳訊

積分: 258

5^#

發表於 19-11-8 01:45 |只看該作者

1013Tsui 發表於 19-11-8 01:41
本帖最後由 1013Tsui 於 19-11-27 02:47 編輯

呢種感覺真係好無助，又唔可以同屋企人講太多，唔想爸媽 ...

本帖最後由 1013Tsui 於 20-5-17 16:05 編輯

...

私人傳訊

積分: 258

6^#

發表於 19-11-8 01:46 |只看該作者

1013Tsui 發表於 19-11-8 01:45
老公亦同我講好咗，有BB/生BB先會搬，但老公目前並唔想生住，話而家香港情況、住屋問題、生完好大責任等等 ...

生B又好、搬又好，我都唔想俾老公太大壓力。但可以點算？發覺自己情緒已經有啲問題。

有無JM情況同我一樣？要點樣睇開啲、令自己好過啲？Thanks

私人傳訊

KILW

積分: 11384

7^#

發表於 19-11-8 02:16 |只看該作者

外家有無地方比你同老公住？無就唯有同老公講自己精神開始有問題，叫佢諗清楚要62定要你，如果有錢可以生完b搬，即夠錢租樓住，如佢咁都唔搬，你都睇清楚佢係咩人啦。趁無小朋友離婚，仲有時間同機會識第二個生b組織家庭。
仲有，你有唔開心就同家人講，你第日有咩突然爆出黎佢地仲擔心傷心，咁不如一早講等佢地睇下有咩幫到你。

私人傳訊

積分: 258

8^#

發表於 19-11-8 03:06 |只看該作者

KILW 發表於 19-11-8 02:16
外家有無地方比你同老公住？無就唯有同老公講自己精神開始有問題，叫佢諗清楚要62定要你，如果有錢可以生完 ...

本帖最後由 1013Tsui 於 20-11-3 00:59 編輯

好多謝JM你嘅回覆。我每隔一段時間會返爸媽度住1個月左右，但始終自己嫁咗，而且有我阿哥阿嫂，所以我唔可以/唔好意思成日長住。
我地傾咗生B一定搬，但目前老公唔太想生，我亦唔想逼佢。老公係有時唔太表達自己，有時會發下脾氣唔理我唔沊我咁囉。
我有同我屋企人講自己情況，但始終唔想自己爸媽擔心，所以唔想講太多⋯
唉而家真係唔知點做先啱⋯

私人傳訊

VivianNg2014

大宅

積分: 3199

9^#

發表於 19-11-8 03:46 |只看該作者

好明白你感受，情況簡直完全一樣，但我面對嘅系恐怖嘅99，會喺我背後講我不是，冇其他人時佢都當我透明，我比你好彩嘅系唔使長時間對住佢，但一兩年點都會同住兩個月，嗰兩個月簡直覺得情緒有問題，老公又系拍拖多年，大家相處冇問問，只要唔涉及佢屋企人就唔會嘈交，唔想公開太多，如果想傾訴，可以搵我

私人傳訊

CCHINGC

積分: 12137

10^#

發表於 19-11-8 08:20 |只看該作者

樓主本身有無工作？如果有可以分散多D注意力，少D時間係屋企，無就去做下義工，參加D社區興趣班，盡量係老公不在家時，少D時間逗留係屋企，一來避免衝突，二來識多D朋友，自己可以搵到人傾訴，唔會屈住屈住

私人傳訊

Yee_ng

男爵府

積分: 6303

11^#

發表於 19-11-8 08:31 |只看該作者

回覆樓主:

會唔會佢都唔想搬，所以話生B就搬，佢咪唔住，要睇佢平時家庭開支佢出得多唔多，如果多搬出去+生B洗費佢未必應付到

私人傳訊

Chu122

積分: 170

12^#

發表於 19-11-8 10:10 |只看該作者

KILW 發表於 19-11-8 02:16
外家有無地方比你同老公住？無就唯有同老公講自己精神開始有問題，叫佢諗清楚要62定要你，如果有錢可以生完 ...

真係好唔明BK咁多惡毒人，夫妻一嘈，唔理原因，就建議離婚。你估打工，唔啱轉工咁簡單？你地其實為咩結婚，係為離婚？離婚係解決問題既其中一個辦法，但唔係第一個辦法。咁問你，你生左個仔女養隻貓狗，唔聽話就斷關系，送佢去保良局同愛協？

樓主，如果你覺得你老公無問題，無左你62係度，你地就唔會嘈？學其他人建議，話開始精神有問題，去見下心理醫生，再同你老公傾，再唔搬可能會惡化。再唔係，真係意外整個B，前提係你兩個真係想有B同會錫個B，唔好當佢負累。

私人傳訊

KILW

積分: 11384

13^#

發表於 19-11-8 10:20 |只看該作者

Chu122 發表於 19-11-8 10:10
真係好唔明BK咁多惡毒人，夫妻一嘈，唔理原因，就建議離婚。你估打工，唔啱轉工咁簡單？你地其實為咩結婚 ...

我又唔係叫樓主宜家即離婚，邊有人話係第一個辦法？我係叫佢同老公講清楚問題已經好嚴重，睇下老公做唔做野。你都係比咁嘅意見，我只係講多一步：如果老公仲係咩都唔做，老婆長期唔開心，甚至精神出問題都唔願意解決，如果去到咁一係樓主忍到痴線，一係離婚啫？
趁無小朋友離婚嘅意思係其實想話唔好生b住，面前自己生活都咁多問題，bb只會做成更多要處理嘅問題。

私人傳訊

vangogo

積分: 128

14^#

發表於 19-11-8 13:46 |只看該作者

1013Tsui 發表於 19-11-8 01:46
生B又好、搬又好，我都唔想俾老公太大壓力。但可以點算？發覺自己情緒已經有啲問題。

有無JM情況同我一樣 ...

我好明白你，真係好無奈。
我準備搬埋一齊住，就即刻開account , 有個樹洞係好重要架。

多d上嚟傾，揾到同路人。

私人傳訊

sinohk33

積分: 11925

15^#

發表於 19-11-8 14:25 |只看該作者

回覆樓主:

樓主，有咗小朋友更加冇得搬，你知唔知香港個樓價，真係唔好生，比心機搵錢啦。

私人傳訊

積分: 258

16^#

發表於 19-11-8 14:47 |只看該作者

VivianNg2014 發表於 19-11-8 03:46
好明白你感受，情況簡直完全一樣，但我面對嘅系恐怖嘅99，會喺我背後講我不是，冇其他人時佢都當我透明，我 ...

本帖最後由 1013Tsui 於 20-11-3 01:02 編輯

⋯⋯

私人傳訊

積分: 258

17^#

發表於 19-11-8 15:43 |只看該作者

CCHINGC 發表於 19-11-8 08:20
樓主本身有無工作？如果有可以分散多D注意力，少D時間係屋企，無就去做下義工，參加D社區興趣班，盡量係老 ...

好多謝你嘅建議同鼓勵呀。我而家暫時無工作，我情況比較特殊我係新移民要等多2、3年先可以喺香港工作。我其實好想返工，但無HKID並唔容易，我有諗過我返返國內做嘢但又要同老公分隔兩地又要喺國內租屋各種洗費。而且老公覺得我而家唔返工無問題，陪喺佢身邊、照顧佢飲食起居已經好好。
我雖無返工但都有嘢做：
1、我中午會煮嘢食俾老公(老公工作好自由，多數home office工作或者食完晏先出門做嘢)
2、幾乎每晚都係我負責煮飯，通常都會煮三個餸
Ps 奶奶放工順便買餸，62乜都唔做
3、洗衫拖地等等呢啲係日常工作
4、早排有幾個月我去咗上堂讀書學習

我會去了解一下義工&興趣班，謝謝你

私人傳訊

芯如

積分: 277

18^#

發表於 19-11-8 15:44 |只看該作者

回覆樓主:

要同6299住，真係好無奈。你要自強，諗方法賺多些錢，先可以搬

私人傳訊

積分: 258

19^#

發表於 19-11-8 16:39 |只看該作者

Yee_ng 發表於 19-11-8 08:31
會唔會佢都唔想搬，所以話生B就搬，佢咪唔住，要睇佢平時家庭開支佢出得多唔多，如果多搬出去+生B洗費佢未 ...

本帖最後由 1013Tsui 於 20-5-17 16:07 編輯

....

私人傳訊