3歲或以上今日: 2|主題: 8852

收藏本版

發帖

返回列表

跳至頁

查看: 13101 | 回覆: 3

訴苦，粉嶺補習社 [複製鏈接]

bubuxhang

民房

積分: 7

1^#

發表於 21-9-29 04:44 |只看該作者 |倒序瀏覽 |打印

本帖最後由 bubuxhang 於 21-9-29 08:10 編輯

本身我小朋友係粉嶺花x廣場勤xx補習，純粹係一間託管嘅補習社，功課唔洗自己做，有啲大啲嘅哥哥姐姐(係果度補嘅中學生)講哂答案，你肯寫就得，溫書都唔洗旨意㗎啦，如果冇乜要求，但求做哂功課，其實佢係冇問題的，本身都聽過補習社係咁，所以試完之後都冇再補了。之後就到聽我訴苦了。。
有日係街收到張單張，係一張補習嘅單張，入面有功課輔導班、專科強化班、精讀班，經過一輪了解，咁我覺得教得識我小朋友做功課，而唔係抄，點都會有進步嘅，加上我去睇過個環境先再決定去補。
我交待下我會補嘅原因:
1.人數少。佢唔係補習社黎，係屋企(欣x苑欣x閣)補，咁我覺得點都好過補習社嘅，始終人數會少好多，佢又話明最多5個學生(單張+whatsapp對話都係咁講)。同埋交錢前，我都有同個老師交待下小朋友情況，講過我小朋友好心散，唔太專注，所以想搵少啲人嘅補習，等佢少啲人令佢分心(我小朋友係比較鍾意傾計)，我仲話惡少少都可以，佢話冇問題。
2.佢聲稱學生必須完成所有功課及默書，先可離開。
3.單張寫可加錢接送。因為我係在職媽媽(夜班)，屋企人早上番工，加上仲有個細啲嘅小朋友要湊，見到佢話有接送服務(+$350)，所以都比較放心，因為都要過馬路，唔太放心小朋友自己番屋企(路程就係欣x苑行番花x廣場x座)，咁我地地點時間都傾好左㗎啦。

到開始補習的第1天，我送小朋友去補習，咁我到佢樓下等佢(我提前whatsapp佢話大概幾耐到)，咁企係度等都算啦，到第2日，約好咗16:30係x座樓下等，之後我行去7-11等，佢遲到，打比佢又唔聽，whatsapp又唔應，過左10mins先覆，咁我見到佢，就同佢講，下次遲到講聲，唔該。咁之後都有遲啦，又叫我之後係惠康等，總之就近佢多啲，我就Say No啦，我話要湊細果個，其實佢成日遲到呢點，我已經好炆，我話下次就到我先落黎，咁第日佢send whatsapp話就到，我由屋企行到惠康過埋條馬路，再企左6,7分鐘先見到佢個人，其實已經好嬲，所以佢話就到，我已經唔會相信佢。淨係接送都搞到咁，相反，我等到佢到左我小朋友先落樓(48分話到咗，我小朋友已經落緊去，53分已經到咗佢屋企)，佢話我小朋友點解要佢等咁耐，仲係咁催我小朋友，要我小朋友行快啲，我都算了。

雖然係功課班，我都會check下啲功課做好未，做成點嘅，就見到佢寫字(外)寫錯，我就影相同佢講聲(佢好多字都未識，所以所有字都要寫得好清楚🙏🏻)，避免尷尬，我冇話佢寫錯字啦，不過佢都冇覆我。

到英文默書，16個英文生字(動物)，我星期一比佢(星期四默)，本身cat,hippo(識串4個)呢啲比較簡單已經識串，到默書前一晚，發現佢都係識果4個，咁我就去了解下，(佢: 有一個問題就是只有4日，要求她全部生字識曬，這個要求有點高)，我R哂頭，我都廢事嘈了。

功課方面，發現有做錯又有做漏(我每天send學校eclass家課表比佢)，咁我頭頭覺得係咪2-3個鐘唔夠時間呢，咁我就決定放學後，同佢係屋企做左啲難啲嘅功課先再去，淨番1,2樣抄書先留番係補習社做，咁就多啲時間溫書。不過最後都冇野溫到番黎，我就同佢講做得7788，點解都冇溫書呢？佢竟然答我0.0(但是今日的抄詞語，還沒有做完？)，到見面，問我做咩唔做埋抄書？我立刻黑人問號，咁去你度做乜？

補咗12日，勞氣足12日，唔係講接送問題，就功課默書，重點係補習唔係得5個人，係有11個人，佢1個老師+1個工人姐姐，同佢媽媽間唔中幾日係度之外，1個人點教11個小朋友做功課？(係我小朋友話比我知有好多人)，咁我whatsapp問佢有幾多學生，問左幾次都唔覆，我就當面問佢點解有11個學生咁多嘅？佢答覆:有啲小朋友早少少黎，會陸續少人，我心就覺得都比咗錢，唔想嘈到咁薑，另外，因為佢有接送服務，即係其他小朋友補緊時，佢會出左去啦！難怪我小朋友話佢有時出左去，不過我都可以算。

今晚我終於忍唔住啦，因為今天有4樣功課，我小朋友完成抄書，淨番1頁宗教功課，2頁數學，1頁中文功課未做，去左佢度3個幾鐘，宗教功課有幾條冇做，數學1頁冇做，中文做左1半，佢同我小朋友講，宗教功課佢唔會教，呢樣我可以接受，咁其他點解釋？我已經無辦法再容忍呢個所謂嘅補習老師。

佢就不斷話我小朋友有問題，我小朋友唔尊心，啲功課唔識做，叫都唔肯做，講佢自己已經好盡力協助我小朋友。1對11可以比幾多時間我小朋友？大前提，我已經係補習前已交待小朋友情況，佢話我冇講過，係我記錯，其實whatsapp有record我有講的，只係當面講得再詳細啲，不過佢堅持我都算了。我話唔補了，你退番錢比我，因為你無能力教我小朋友，佢: 這是月費，現在不是我不補，是你不來補。
咁好老實，我預咗佢唔退嘅，不過見到後面兩句，我就好鬼嬲。本身已經唔認自己遲到有問題，功課搞唔掂就推卸責任去哂我小朋友度，到最後又推落我度。其實有哂cap圖㗎，不過唔知點post。

係度奉勸大家千其唔好去欣x苑欣x閣上門補習社(女姓龐)。