陪月名稱：韓姨姨，真名「林慧X」，約60歲，住觀塘區，自稱有十多年陪月經驗，湊過超過90個BB。
https://www.babysitter.hk/job/%E6%9E%97%E6%85%A7%E5%84%80hon-ee/
呢名陪月係朋友介紹的。當時我的朋友亦是剛成為新手媽媽，喺佢BB重未出世既時候，我大膽搵左佢referral落訂，點知後來我朋友早產後佢竟然不聞不問，完全冇理過佢。當時朋友已經叫我襯重有時間撻訂搵過個，最衰都係自己怕麻煩依家瀨晒野！
罪狀如下：
1）陪月完全不能獨立工作，無論煮飯、同BB沖涼等都一定要有我工人姐姐或媽咪幫手先搞得掂。
2）無記性，成日唔記得D野擺邊，幾個鐘換一次片居然唔記得擺邊。成日唔記得幫佢洗肚臍，BB敏感又成日唔記得幫搽pat pat膏，但又死都唔肯用張紙寫低！最離譜係BB飲幾多安奶都唔記得，要每隔幾個鐘repeat又repeat，搞到我訓都訓唔好！
3）返工前買漏野唔肯自己去補飛，話好重喎，重夠膽死點我亞媽去幫佢買。離晒譜，要個幾廿歲老人家做佢亞四。
4）廚房每日煮完飯好似打仗咁，之後又唔肯洗返乾淨，最係又係點我工人姐姐同亞媽幫佢執手尾，佢就拍拍蘿柚走去「陪BB玩玩」！
5）不能multi-tasking。如果我地餵奶或掃風時問佢野，佢一定要「暫停mode」先可以答我地野。坦白講，如果佢係新手都勉強可以接受，但對一個自稱「做過好多年照顧過過百個BB」的所謂「資深陪月」真係完全接受唔到囉。
忍左佢三日後終於頂唔順炒左佢，走果時佢重要夠膽死追返我地千幾蚊人工，話我地之前俾佢成萬蚊既訂金唔可以當人工喎，要另外再出。當時因為BB喺屋企訓緊覺，而佢又大炒大鬧威脅要搞大件事，我為左息事寧人終於屈服貼錢送走呢個瘟神！
坦白講，成件事我自問實在唔夠強硬，衰心軟所以俾佢食住。只不過一個只係識計較金錢，連BB訓緊覺都要威脅要嘈醒、搞大件事等佢訓都訓唔到既所謂「陪月」，又係咪要諗下自己係咪真係適合繼續做呢行呢？
發表於 
返回列表
