少年成長今日: 0|主題: 16009

收藏本版

回覆發帖

返回列表

跳至頁

查看: 20584 | 回覆: 1

又係細路係咁樣 [複製鏈接]

csir3290

子爵府

積分: 11969

1^#

發表於 24-11-24 12:07 |只看該作者 |倒序瀏覽 |打印

上個禮拜講到而家好多人鍾意公眾場所見到啲覺得唔公平或者令到自己唔開心嘅事就拍片放上網公審，其中一個啲人好鍾意影嘅主題就係影啲細路仔冇規矩嘅行為，其實呢啲事好多時只要個片主開聲同個細路仔講一講都可以解決問題，點解會演變到拍片放上網呢？我諗因為好多人都發覺而家嘅社會越嚟越多家長係你同佢講係冇用，因為有部分家長遇到細路仔冇規矩影響到人，就用「細路仔係咁」就叫人忍讓，又或者明知影響到人，點知仲惡過被影響嘅人，咁啲片主就會覺得既然同你講都冇用又或者費事鬧交，咁就不如拍咗段片上網等人哋嚟評下道理，同時發洩道氣。

我都覺得而家真係多咗有啲家長係鍾意用「細路仔係咁」嚟做藉口，人人都要忍讓佢個細路做出嘅行為，因為啲家長以為細路仔係咁樣，即係天生嘅，所以你哋啲其他外人就冇得好駁，亦都冇得話佢教得唔好，因為細路仔就係咁樣天生㗎嘛！但係咪真係咁樣呢？我從來都覺得以為用「細路仔係咁樣」呢句說話就可以開脫一切責任嘅父母，根本就唔明白乜嘢叫做「細路仔係咁樣」，細路仔根本從來都唔係咁樣，佢哋會變成咁樣只不過係源於父母嘅縱容，係父母教成佢哋咁樣。乜嘢叫做「細路仔係咁樣」呢？點解要別人接受你嘅細路係咁樣呢？要記住細路仔係點樣，只不過係源自於父母教成佢係一個點樣嘅細路仔！如果用細路仔係咁樣作為藉口，只不過係話畀人聽，呢個細路仔係由我呢個父母教成咁樣啫！世界從來冇天生係咁樣嘅細路仔，只有由父母塑造成咁樣嘅細路仔，如果作為家長唔識得反省自己教養細路仔嘅方法有冇問題，咁到最後受最大影響嘅都只不過係自己嘅細路仔，作為家長真係要謹記！冇錯你可以覺得你自己嘅細路仔係咁樣，但係其他人會點睇佢係咪咁樣呢？家長唔會永遠都係細路仔嘅身邊，所以你唔能夠永遠都幫佢用「細路仔係咁樣」嚟做藉口希望人哋忍讓，當你唔係佢身邊嘅時候，其他人換點睇佢呢！當我哋覺得一個細路仔冇教養冇規矩嘅時候，其實講到最尾都會覺得係家長嘅責任。學校雖然有教，但係家教始終都係家長嘅責任，細路仔可以喺學校守規矩但係返到屋企可以變成另外一個人，咁就可以知道呢啲係邊個嘅責任。況且當細路仔一路一路長大，佢浸淫係一個咁樣環境嘅家教入面，其實學校對佢嘅影響力只會越嚟越低。所以作為家長始終都唔可以避免教養呢一個責任，細路仔唔係天生就係咁樣嘅，「細路仔係咁樣」只不過係家長教成佢係咁樣！你自細點樣教佢就會養育出一個係點樣嘅細路仔，再用「細路仔係咁樣」嚟做理由嘅話，只不過係話畀人聽係作為家長嘅你將佢搞成咁樣樣，你唔係叫旁人忍讓你個細路仔係咁樣，只不過係叫旁人忍讓你作為家長教到個細路仔咁樣咁解嘅啫。