吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 開心拜龍母廟記（更新：見留言）

想生BB 今日: 1|主題: 109649

收藏本版

發帖

返回列表

跳至頁

查看: 38393 | 回覆: 23

開心拜龍母廟記（更新：見留言） [複製鏈接]

bbooeeyybb

大宅

積分: 2852

1^#

發表於 18-3-25 21:12 |只看該作者 |倒序瀏覽 |打印

本帖最後由 bbooeeyybb 於 18-6-10 07:38 編輯

備孕咗5個月都未有消息，所以同老公plan 今個月去拜荃灣龍母廟，本來諗住下星期復活節去拜，但諗起下星期可能黎M唔方便入廟拜，所以臨時決定提早今日去拜。

拜之前已經上網刨定資料，真係多謝之前JM 打好一篇又一篇拜龍母資料，我哋今次拜神算十分順利！

準備用品：
1. 火機
2. 龍母衣+一束香
3. 水果（我地買咗橙子（產子）3個，提子一磅）
4. 利是$20八封，$50 一封

我地先響荃灣街市入面的紙紮舖同個姐姐講我哋拜龍母求女（因為我地2個想生女），姐姐就執咗份龍母衣、2支紅蠟蠟、3支大香、1紥香比我哋，收我哋$22，不過我地想要大紥d香，加$3 買多少少。之後響街市求其一間生果舖買生果，買咗橙子（產子）3個，提子一磅。

然後在千色店後面撘81號小巴，$5.2 ，響上角山路落車，落車對面有個紅色牌寫住「龍母佛堂」，我地照住個箭咀行斜路上去，行完一條斜路再轉右行多條斜路，就會見到「龍母佛堂」正門。行上樓梯會見到土地公公同好多佛像，我地都有拜拜，不過無裝香。

幸好我地買齊野上去，因為上面無生果賣，只有化寶。

0 0 0

私人傳訊

bbooeeyybb

大宅

積分: 2852

2^#

發表於 18-3-25 21:13 |只看該作者

回覆樓主

上到去，我哋見到有個伯伯，就同佢講我地想求子，問佢點拜，當然我哋好識做，比左2封利是伯伯。伯伯就教我地先點咗三支大香、一束香同一對蠟蠋，拜一拜龍母之後就放好蠟蠋響蠋架，三支大香放大香爐。老公同我就每人拎咗d香放香爐。有一個爐寫明插5支香，有一個爐寫明插3支香，伯伯話其他香爐插3支香便可。生果放神枱上就可以。

之後伯伯響龍母面前，問我先生姓咩，之後唸唸有詞幇我哋祈福，我聽到伯伯話：「5、6 月生狗仔狗女....」仲叫我先生勤力d～伯伯叫我哋化完寶就上去摸龍床。然後我地2公婆一齊雙手拎住龍母衣行到龍母媽媽面前弓三次恭，之後講我同老公個名，年齡，住邊，講：「龍母娘娘，我地想今年可以生個女，希望龍母娘娘保(emoji)，生咗之後滿月會返嚟還神。」我老公聽到我咁講，仲笑我。
之後就拎住龍母衣去化寶爐燒。

私人傳訊

bbooeeyybb

大宅

積分: 2852

3^#

發表於 18-3-25 21:13 |只看該作者

回覆樓主

洗好手準備摸龍床，上返去廟入面有條樓梯上去「龍母粧樓」，上到去會見到龍母像，我地再拜咗一次（入面唔洗裝香）。龍母像後面有個樓梯就係龍母粧室，有個阿姑開門比我哋，前面有1 pair 都應該係嚟求子。入到龍母娘娘間房，好靚好整齊，入面有個龍母像，我同老公跪低，又再一齊唸多一次我同老公個名，年齡，住邊，講：「龍母娘娘，我地想今年可以生個女，希望龍母娘娘保(emoji)，生咗之後滿月會返嚟還神。」
前面果pair 摸龍床，見佢地摸咗好耐都好似未摸到想要嘅嘢。到我地喇，我跪響龍床邊，伸手摸第一張時，心諗住：「龍母娘娘保祐我想生個女！」就摸到「四季平安」，果下有d down down 哋，不過阿姑話可以摸多次，今次我合埋眼，心諗住：「龍母娘娘求你比我模到添丁發財！」之後擘大眼見到自己拎住張紅紙係「添丁發財」，我開心到彈起身。而老公就摸到「四季平安」。之後我地比咗封$50 利是阿姑，再入咗封利是簽香油。

再出返去龍母像再跪低扣頭三次，有唸多次我同老公個名，年齡，住邊，講：「龍母娘娘，我地想今年可以生個女，希望龍母娘娘保(emoji)，生咗之後滿月會返嚟還神。」

然後我哋周圍參觀下，再誠心拜拜其他神像。最後我哋去辦事處，我老公問個職員，話想要點「熊黛琳果隻燈」，真係比佢笑死，因為我地搵資料時見到報導影到熊黛琳響龍母廟點果隻燈，果隻係年尾求到好簽加扣100個頭先可以點，所以我哋用咗$100 點咗個祝願燈。職員仲叫我地每人拎返封利是仔同一人一包茶葉。

返到屋企，我哋將響龍母床摸到的「添丁發財」紅紙用利是封袋好放床下底。希望龍母娘娘保祐。

今日拜完龍母娘娘，心情特別好呀！

私人傳訊

Wongpoman

大宅

積分: 2536

4^#

發表於 18-3-26 00:24 |只看該作者

回覆 bbooeeyybb 的帖子

我前排都去元朗龍母廟摸龍床咁我老公就摸到添丁發財我自己就摸到大吉大利

私人傳訊

bbooeeyybb

大宅

積分: 2852

5^#

發表於 18-3-26 08:09 |只看該作者

Wongpoman 發表於 18-3-26 00:24
回覆 bbooeeyybb 的帖子

我前排都去元朗龍母廟摸龍床咁我老公就摸到添丁發財我自己就摸到大吉大利 ...

都好呀～一家人是旦一個摸到都好意頭

私人傳訊

RosettaC

大宅

積分: 2155

6^#

發表於 18-3-26 09:32 |只看該作者

多口一問，5、6月唔係生豬仔豬女咩?

私人傳訊

bbooeeyybb

大宅

積分: 2852

7^#

發表於 18-3-26 09:50 |只看該作者

RosettaC 發表於 18-3-26 09:32
多口一問，5、6月唔係生豬仔豬女咩?

真係唔知～伯伯咁講無所謂啦～祝福啫

私人傳訊

veshmoon

別墅

積分: 873

8^#

發表於 18-3-26 19:31 |只看該作者

回覆樓主:

立春前出世都仲係狗仔呀~可能咁嘅意思掛

私人傳訊

bbooeeyybb

大宅

積分: 2852

9^#

發表於 18-3-26 20:27 |只看該作者

veshmoon 發表於 18-3-26 19:31
立春前出世都仲係狗仔呀~可能咁嘅意思掛

又可能bor ~

私人傳訊

candy881012

別墅

積分: 610

10^#

發表於 18-3-27 20:00 |只看該作者

Wongpoman 發表於 18-3-26 00:24
回覆 bbooeeyybb 的帖子

我前排都去元朗龍母廟摸龍床咁我老公就摸到添丁發財我自己就摸到大吉大利 ...

元朗邊到有龍母廟？

私人傳訊

bbooeeyybb

大宅

積分: 2852

11^#

發表於 18-6-10 07:37 |只看該作者

回覆樓主：

本帖最後由 bbooeeyybb 於 18-6-10 07:39 編輯

上次三月拜完龍母，我同老公響龍床摸到四季平安。雖然到而家六月都未有BB。不過，四月頭嘅時候，老公返工時架車被小巴撞到，車頭嚴重毁壞。但係老公完全沒有受傷。老公都呀多謝龍母娘娘保佑。所以四月尾，我同老公即刻買咗啲生果同香，去荃灣龍母廟還神。先知還神係要「還神紙」（之前刨baby kingdom 都好少JM 講到好仔細）。因為撞正清明節，所以當日唔可以補作福，職員叫我地五月再去。後來，因為五月太忙，最後搞到六月頭先唔得閑去。

尋日終於去到，首先買定生果同香上去龍母廟，想到去排隊同職員講想求子。職員叫我哋先同婆婆買份「入廟拜神」，入面有兩支蠟燭、八支大香、同龍母衣。裝完香同燒寶之後再返去跪響龍母前求纖，一支求家宅、一支求子。兩支都係中平簽，之後排隊等芳姐幫我地解簽。芳姐冇特別仔細解簽文，一睇家宅支簽，芳姐話我哋今年會有官非，老公即刻話好中，因為單交通意外佢要上庭。然後睇求子支籤，放姐問我哋有冇睇中醫調理，佢話我哋要調理一下。就係咁多。
然後叫我地兩個，跪響龍母媽媽面前，然後用聖杯幫我地問咗啲問題，佢就望住我地，問我地多唔多返去見父母，我哋話每個星期都返去。然後就問我地兩個有冇拜祖先，我哋話奶奶屋企先正有個位。佢叫我地要返去拜祖先，要買有核的提子、有仔的橙同抽子返去拜，仲睇通聖叫我地邊日返。最後叫我地多謝龍母娘娘。
之後就幫我地寫咗兩張作福嘅紙，另一位職員拎咗兩份作福嘅寶比我地叫我地品完龍母化咗佢（見圖），又叫我地拎三封利是同龍母茶，仲有俾咗三個三角形嘅符（見圖），兩個係俾我哋袋住嘅，一個就教我地貼響屋企門口。仲有兩張作福嘅紙係袋住佢，我問職員係咪年尾先正帶黎還神，職員話唔使等到年尾，話好快中咗咪要還神。我聽到都好開心……，total 連解簽$340 ，另外我封咗d$20 利是比果度d職員。

私人傳訊

bbooeeyybb