之前係呢到問過好多jm 做咗幾錢，價錢大概都要11k-15k 之間，係fb 碌到有一間九千幾一次，再送peel 美白, 因為都驚平價會係無牌或者有咩問題，所以直接去門市做諮詢，門市個姑娘已表明有日間醫療中心牌，唔係一般診所，因為診所如果冇日間醫療中心牌都係唔做得miradry ,即刻安心咗，諮詢時佢幫我做個test 睇下我出汗面積有幾大，過程係塗咗啲野係underarm之後等一陣再灑啲澱粉上去，有汗線嘅地方就會有黑藍色，姑娘話咁樣可以知道範圍有幾大就做幾大，唔會做漏位置，我覺得幾好，做完個test確認收費就安排同一日做埋miradry，係果到大概stay咗兩個鐘，由一位女醫生做診斷再劃位之後再打麻水，醫生set埋機搞掂哂之後，有個治療師入黎操作部機，治療師跟醫生劃好嘅位打，過程唔係話好痛，到咗同日夜晚就開始痛，因為麻醉開始散，靠醫生開嘅止痛藥加夾住兩個冰袋度過。直到今日過咗兩星期消腫7788，汗味好似真係淡咗，我要持續觀察下
發表於 
好平，我早年做要14xxx，乜都冇送，我做兩次要2萬幾
返回列表
