6個月-1歲 今日: 5 | 主題: 18006

積分: 681

1^#

發表於 24-8-4 01:02 |只看該作者 |倒序瀏覽 |打印

大家好, 我的目標：我唔想BB 第時要人餵飯, 可以獨立自己食野食飯。
而家我B 差唔多6個月, 4個半已經開始試食米糊, 都係用匙餵食, 5個多月大時候就趁無其他人 (6299 姨媽姑姐) 既時候會比佢自己拎住香蕉黎食, 而家拎住fruit 奶嘴食, 練下自己食野。
我想問下如果佢成7個月先開始BLW 會唔會太遲? 係咪一開始都係傳統餵食+finger food, 然後轉全BLW? 定一直傳統餵食+finger food? 同埋我係咪唔應該太執著傳統餵食 / BLW 因為最尾小朋友大D都會自己拎住餐具食飯?
有冇BLW 既媽媽既小朋友大左都係要餵飯 / 偏食?
或者傳統餵食都係會有偏食或是大左都係要餵食既問題?

琴日我抱住我B係我大腿食D 已經蒸熟左既南瓜, 係好淋既。因為佢第一次食, 有 gaging 既情況
99 同姨媽姑姐同老公都話我比佢自己拎黎食 (反對BLW)
仲話D人行BLW 唔啃死咪無事, 一啃到咪大件事囉 (反對BLW, 佢地全家傳統餵食)
99又唔比BB坐high chair 話要一歲先可以坐 (衛生署話6個月以上就可以坐)
到底要點樣或者咩步驟先可以實踐到我既目標? 還是我都係唔好咁執著?...

0 0 0

私人傳訊回覆引用

Nbs

水晶宮

積分: 62710

2^#

發表於 24-8-4 22:26 |只看該作者

我見我細佬嗰三個細路都係BLW
好老實，因為唔係"傳統"嘅湊法，所以第一件事係要身邊嘅人識做唔好出聲唔好插手，否則你真係好難做
第二，我唔知會唔會哽親，但係我細佬全家人包括工人們長老們都上晒急救堂，知道如果哽親應該點樣做
第三，要有心理準備會食得好messy, 食到全枱全地全身全頭都係，因為理輪上你係唔會幫佢，就算佢喺到玩食物都唔理佢的。所以要有心理準備食完之後要執拾同埋沖涼，如果你屋企人唔幫手你自己一個做晒都幾煩。有時我見我細佬啲細路係直頭唔着衫咁食 (喺街都會，當然係好細個bb 時）

私人傳訊回覆引用

awless

男爵府

積分: 6442

3^#

發表於 24-8-10 13:52 |只看該作者

7個月先開始BLW 唔會太遲. 傳統餵食最後 "唔會" 自己拎住餐具食飯 , 如果有工人可以一直餵

你識得處理哽親就可以, 但其實BB仔好精,
feel 到哽親好容易就吐返出黎. 好快就掌握到放入口的食物大小.

我用stokke , 一可以坐, 我就的佢去飯檯同大人食飯, 佢唔食都要睇我地食.
之後佢自己亦坐stokke 食飯, 一有得食佢自己埋位. 容許佢觀察同建立習慣, 呢一點好重要的

佢大概14個月可以完全自己食了, 當然都係天一半地一半啦,
18 個月左右我俾雞腿雞翼佢, 可以自己食

私人傳訊回覆引用

Suki_W0ng

民房

積分: 28

4^#

發表於 24-8-13 12:42 |只看該作者

本帖最後由 Suki_W0ng 於 24-8-13 12:43 編輯

littlegarden 發表於 24-8-4 01:02
大家好, 我的目標：我唔想BB 第時要人餵飯, 可以獨立自己食野食飯。
而家我B 差唔多6個月, 4個半已經開始試 ...

我BB七個半月早排俾佢自己食蒸數咗嘅蔬果點知咬斷咗一舊我馬上伸手挖都黎唔切然後咔住又嘔唔出個一刻我好驚一邊做緊急措施一邊喊，大嗌我姥爺後面二三十秒後嘔翻出黎個一下我成個人都軟曬踎係地下⋯ 根本無辦法想像如果bb發生咩事我永遠都唔會原諒自己

私人傳訊回覆引用

09142023

積分: 1539

5^#

發表於 24-8-13 21:29 |只看該作者

行咩方法首先考慮方便照顧者及令照顧者冇壓力先，我係傳統餵食，因為我沒有時間執拾BLW之後嘅手尾，同埋BB不嬲飲奶唔好，我希望佢加固食多d，所以傳統餵食我係輕鬆d。
到大少少有時比d手指食物佢當零食揸住來食。如果真係想BLW，要做下功課，最基本識急救同埋認識禁忌食物，例如脆嘅野，蘋果梨依d。面書有個BLW台灣gp ,都幾多資訊可參考。

私人傳訊回覆引用

積分: 3362

6^#

發表於 24-8-14 10:43 |只看該作者

我係傳統餵食的（點心手指零食自己食），14個月開始比bb學用匙羹或叉自己食，bb無抗拒肯自己試，好快學識自己食。

無論BLW和傳統餵食目標都係比BB最後用餐具自己食，只要到學用餐具時就懂得放手，我覺得兩者無衝突。

私人傳訊回覆引用

積分: 681

7^#

發表於 24-8-24 13:27 |只看該作者

回覆 Suki_W0ng 的帖子

wa...好得人驚... 我睇到個腦好有畫面...我諗如果我遇到都會滕哂雞...BB 無事就好了... 我諗你都好驚...

私人傳訊回覆引用

積分: 681

8^#

發表於 24-8-29 14:18 |只看該作者

回覆 hearsay14 的帖子

請問比咩點心手指零食BB食?

私人傳訊回覆引用

積分: 3362

9^#

發表於 24-9-4 08:19 |只看該作者

littlegarden 發表於 24-8-29 14:18
回覆 hearsay14 的帖子

請問比咩點心手指零食BB食?

就一筒星星泡芙

私人傳訊回覆引用

積分: 681

10^#

發表於 24-9-12 12:45 |只看該作者

回覆 hearsay14 的帖子

幾多個月比佢試食?
其實係咪主要比佢練自己伸手去拎食野放入手個動作, 只要安全, 都唔一定要限住D食野一定要整到finger foods 咁樣去比佢食?

私人傳訊回覆引用

積分: 3362

11^#

發表於 24-9-12 17:16 |只看該作者

littlegarden 發表於 24-9-12 12:45
回覆 hearsay14 的帖子

幾多個月比佢試食?

手指食物係練手眼協調，我本身無學急救，就跟返傳統餵食糊仔，一歲後再比bb練餐具。重點到時家人陪伴一齊食，比佢模仿大人的方式食嘢。

私人傳訊回覆引用

積分: 681

12^#

發表於 24-9-16 13:05 |只看該作者

回覆 hearsay14 的帖子

咁佢自己食野食得好嗎? 如果自己食得好既話其實 BLW / 傳統 spoon feed 都無話邊套最WORK, 是嗎?

私人傳訊回覆引用

積分: 3362

13^#

發表於 24-9-21 12:32 |只看該作者

本帖最後由 hearsay14 於 24-9-21 12:35 編輯

littlegarden 發表於 24-9-16 13:05
回覆 hearsay14 的帖子

咁佢自己食野食得好嗎? 如果自己食得好既話其實 BLW / 傳統 spoon feed 都無話邊套 ...

14個月開始教佢用餐具，15個月就完全比佢自己食了，煮的菜色都花左時間去研究令佢唔會厭。但我覺得都會受本身性格影響，有些bb可能不餵就不肯食，至少呢樣無發生係我bb身上。

餵食和blw無話邊個好，只係講適唔適合，要了解自己bb的性格，而且一行就要行到底，唔可以餵食一陣又突然行blw，咁樣容易令bb哽親。

私人傳訊回覆引用

積分: 681

14^#

發表於 24-9-23 13:26 |只看該作者

回覆 hearsay14 的帖子

明白, 多謝你既分享

私人傳訊回覆引用

橙寶

積分: 4030

15^#

發表於 24-9-24 23:02 |只看該作者

littlegarden 發表於 24-8-4 01:02
大家好, 我的目標：我唔想BB 第時要人餵飯, 可以獨立自己食野食飯。
而家我B 差唔多6個月, 4個半已經開始試 ...

我係七八個月時先慢慢俾bb嘗試自己食因為嗰陣佢開始手比較有力對食物亦比較感興趣同埋呢個階段可以嘗試唔同種類食物不過我比較懶所以食物我唔會處理好細緻但係怕危險我會面對面望住佢比如蘋果我係俾成個蘋果佢等佢慢慢用牙“刨” 我覺得反而比切好安全好多跟住食物整佢比較容易手抓比如雞腿、餃子全部都係食物原味無額外加調味跟住佢對食物一直都好感興趣唔會揀飲擇食仲好好胃口持續到幼稚園因為有段時間成日出去食食左重口味食物就開始偏食因為無長老之類干涉所以佢一直係自己食飯不過唔知係個人問題還是習慣問題大左都仲係比較鍾意用手同埋食物容易跌到周圍都係

私人傳訊回覆引用

kakanfu

複式洋房

積分: 120

16^#

發表於 24-9-28 13:28 |只看該作者

我表姐教左我一招: 慢1拍

意思係媽媽餵野食嗰陣就係要慢一拍先做野, 唔好服侍得咁周到, 要bb覺得都係自己動手先係最好, 好快佢地就會要搶個匙羹仔自己黎, 當然都同bb食野積唔積極有關, 我跟我表姐幾個b都係食hipp糊仔, 貪佢多味, 溝返hipp奶黎沖, bb食到厭開始慢就換另一隻味, 所以個個轉自己食都叫做簡單

私人傳訊回覆引用

applepieemini