吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 無限既失望

夫婦情感今日: 3|主題: 42712

收藏本版

回覆發帖

返回列表

跳至頁

查看: 28627 | 回覆: 31

無限既失望 [複製鏈接]

Ababe

洋房

積分: 51

1^#

發表於 24-9-22 02:47 |只看該作者 |倒序瀏覽 |打印

嫁左一個愛自己比其他人多一萬倍既人。雖然都明白喺呢個世界上，老婆已係佢叫做最錫既人，不過一秤埋佢自己既興趣，無任何人或事比佢自己既興趣更重要。其實呢個感覺好灰。
最可笑係佢既朋友們只睇到個表面，就為老友發聲，覺得個老友去做自己既興趣都無自由。其實有無眼睇到個老友從來都無犧牲過自己既興趣。小朋友出世頭幾年都無停過每個星期出去做自己既興趣。個老婆痛到死去活來，要自己瞓喺床邊，擺個三個月既仔喺入面，驚自己痛到暈左睇唔到個仔，個仔會翻落床，都無打電話叫佢回家。因為知道打完個電話後，件事唔會好左，個男人只會怨，覺得又少左一次去自己玩既機會。佢只會覺得個老婆係唔鍾意佢出街，扮病。搞笑既係個老婆一直都唔知呢啲痛係因為自己有個瘤，只係繼續自己挨左十幾年先知。

家中對內對外，由小朋友讀書，至到搬屋裝修，大爺都唔想參與。終日㩒電話過世。有次叫佢去睇吓裝修進度，可能佢覺得自己都唔識，睇黎都無用，唔去。咁你唔去，咪我去。一開門，見到一個無着上衫既裝修工人迎面行出嚟，頭頂有盞只有黃光無燈罩既燈膽搖擺住。個感覺係即刻想掉頭走。當然呢啲野阿朋友們唔會知。

個老婆唔係唔可以出街，個老公仲好開通，大大力鼓勵佢出街輕鬆吓。但每次出街後回家，都係要做番家中籃子既野。感覺係出完街仲慘過無出街。佢出街，完全無後顧之憂，因為家中一切一定有人會打點。我出街，出完要用番時間去做番原本喺家可以做妥既野。

到依家個仔都大，真係唔駛太多照顧，不過小朋友都同時下年青人一樣，鍾意玩下電話。作為阿媽可以點教？呢頭話個仔，嗰頭個老豆一直無離開過個電話。

總之就係：倦、懕

0 0 0

私人傳訊回覆引用

netbb

子爵府

積分: 10048

2^#

發表於 24-9-22 11:33 |只看該作者

Ababe 發表於 24-9-22 02:47
嫁左一個愛自己比其他人多一萬倍既人。雖然都明白喺呢個世界上，老婆已係佢叫做最錫既人，不過一秤埋佢自己 ...

走得快好世界

私人傳訊回覆引用

bobo88hk

子爵府

積分: 13965

3^#

發表於 24-9-22 14:12 |只看該作者

回覆樓主:

唔爆佢唔離婚咪忍埋佢不過預左又要厭倦咁照顧埋佢老年呻下咪算囉

私人傳訊回覆引用

kwhkwh

公爵府

積分: 28733

2025勳章 2025勳章蛇年勳章 2024年龍年勳章牛年勳章

4^#

發表於 24-9-22 14:37 |只看該作者

嫁左一個愛自己比其他人多一萬倍既人---> 老老實實, 你不會而定才知掛? 5好生仔添啦, 你一人做哂受哂, 男方晚年仲會有仔擔番買水, 佢最著數。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

Ababe

洋房

積分: 51

5^#

發表於 24-9-22 16:11 |只看該作者

其實都只係呻吓。因為已挨過左一半，仲有幾年，呢段婚姻就可隨時終結。暫時佢仲會喺做得唔好時表示歉意，所以每次都仲叫未跌到谷底。只係失望係不停地loop。

私人傳訊回覆引用

Angelice-BeBe

翡翠宮

積分: 76034

2025勳章 2025勳章蛇年勳章 2024年龍年勳章最關心BB問題熱投勳章我的育兒心得勳章 2011精緻種植勳章畀面勳章環保接龍勳章

6^#

發表於 24-9-22 18:37 |只看該作者

Ababe 發表於 24-9-22 16:11
其實都只係呻吓。因為已挨過左一半，仲有幾年，呢段婚姻就可隨時終結。暫時佢仲會喺做得唔好時表示歉意，所 ...

呻下都好過屈喺心

要改變一個人係無可能，時間耐左，係令自己接受左事實就係咁，對方就係咁…已經無得變，無得回頭。唯有向前望，多d擺心機落小朋友身上仲實際。

私人傳訊回覆引用

papercatdog

大宅

積分: 1282

7^#

發表於 24-9-22 20:13 |只看該作者

Ababe 發表於 24-9-22 16:11
其實都只係呻吓。因為已挨過左一半，仲有幾年，呢段婚姻就可隨時終結。暫時佢仲會喺做得唔好時表示歉意，所 ...

仲有幾年嘅意思係你自己set俾自己的嗎？

我都覺得好心灰意冷，搞唔清楚自己個心諗緊乜，到底係仲有愛，定係唔捨得唔習慣。。。。

私人傳訊回覆引用

Ababe

洋房

積分: 51

8^#

發表於 24-9-22 20:27 |只看該作者

回覆 Angelice-BeBe 的帖子

多謝你。其實已經放晒心機喺小朋友度。幸好小朋友都算係聽話。始終無人有義務令我開心。今次既失望其實都同之前提及既事無關。因之前既事都已過左好耐。只係失望期間見到佢朋友喺社交媒體佢去玩既帖上comment話再講阿嫂就唔比佢點點點。其實我覺得好搞笑既係如果我咁大影響力，就唔會有呢個帖比佢留言啦。