少年成長

跳至

首頁
1

尾頁
   0


子爵府

積分: 11962


1#
發表於 24-9-29 10:57 |只看該作者
講起同仔女嘅感情,講真我都相當自豪,同阿仔阿女而家嘅感情都仲係好好,相處得亦非常愉快。好似阿仔而家每朝早起身仍然第一件事都會主動走埋嚟攬下我然之後先去刷牙,阿女中四每一晚臨瞓都會攬一攬然之後講good night先至去瞓覺。每一日放工返到屋企佢哋都仲係好多嘢會同我哋講,有陣時仲會講到好似搶住講嘢咁,搞到我同老婆有陣時都唔知回應邊個先好。所以佢兩個到而家遇到問題嘅時候,都會主動開聲問我同老婆嘅意見。但係其實所有嘅呢啲關係,都唔係一朝一夕可以出現,而係經過長時間嘅培養,正如我之前講要多啲傾啲無謂嘢,要互相尊重,唔好成日咁多批判。


做家長好多時最唔能夠放開嘅,就係同仔女講親嘢,好多時都會不奇然帶住批判嘅方式,有陣時覺得佢哋講嘅嘢無聊,有陣時又覺得佢你講嘅嘢冇意義冇用處,又或者會覺得佢哋講嘅嘢膚淺,點解咁容易都唔識等。當我哋成日都帶住呢一啲批判嘅方式去同仔女傾計嘅時候,好容易就會令到佢哋覺得家長同佢哋嘅距離越嚟越遠。另一方面,家長好多時因為冇時間,亦都唔係好願意接觸現在嘅所謂潮流,或者去了解仔女鍾意嘅嘢,咁樣亦都好容易令到大家缺少咗一啲共同嘅話題。而且仔女仲可能會覺得同父母傾計,父母乜嘢都唔知,或者父母講嚟講去都係嗰啲嘢,又或者覺得父母根本都唔尊重佢哋嘅諗法同睇法。好似家長同仔女天生就好似互相矛盾咁,但係其實呢啲嘅所謂矛盾好多時透過日常生活都可以解決。


唔知家長有無留意,好似早幾日突然間好似好流行嘅喺google上面幫學校改名嘅事件咁。有一日阿女突然間喺佢嘅ig度見到佢嘅同學post咗出嚟,佢間學校畀人改咗名,佢即刻攞畀我哋睇,我唔知其他家長嘅反應會覺得無聊,定係覺得乜嘢,但係我同老婆就覺得好似幾有趣咁,仲同阿仔阿女喺度傾,阿仔亦都好緊張望下自己學校有冇畀人改名,當然佢學校都有啦。就係咁樣傾都傾咗一陣,大家又互相笑下。點知到咗第二日呢個熱潮仲越炒越盛,喺facebook又好,係ig又好,都好似畀人洗版咁,全港好多學校都畀人改咗名,我自己都睇咗幾個,返到屋企都即刻同阿仔阿女分享,嗰晚大家就用咗啲時間喺度睇下邊啲學校畀人改名改得有創意,咁樣睇下笑下大家見到啲特別嘅,又會攞出嚟講下,咁又過咗一段時間。講真作為家長睇,其實成件事都幾無聊,啲學生貪得意冇嘢做就喺度玩改名。但係細路仔就係咁,如果你事事都覺得佢哋無聊,都覺得冇用,其實只會越嚟越同班後生割裂,但係只要你肯用啲時間同啲細路笑下傾下,雖然無聊,但係其實咁啲細路又會知道同家長可以傾到啲無謂嘢。而佢哋亦都會覺得家長知道緊個世界發生啲乜嘢事。講真你唔同佢哋傾,你估佢哋同啲同學唔會傾咩!你越係批評佢哋無聊,但係其實佢哋同啲同學都唔知傾得幾開心幾好笑,吓吓都用道德批判佢哋,覺得佢哋咁樣做無聊,其實佢哋都係想玩下笑下啫,又何必太認真呢!件事發生咗兩三日,之後就已經開始冇乜人再提,但係如果家長敏感啲,識得用呢啲時間嚟同佢哋傾下偈笑下,其實就係建立大家日常關係嘅好機會。

點評

Cat7135    發表於 24-10-1 16:39

首頁
1

尾頁

跳至
你需要登錄後才可以回帖 登入 | 註冊