母乳餵哺今日: 0|主題: 85706

收藏本版

回覆發帖

返回列表

跳至頁

查看: 5064 | 回覆: 3

個半月全人奶埋身bb ，想請教食奶問題 [複製鏈接]

tingting310

複式洋房

積分: 496

1^#

發表於 18-4-15 15:31 |只看該作者 |倒序瀏覽 |打印

1. bb 有時隔1/2/3個鐘先食，想隔得定時d 因之後番工，係咪淨得泵出黎樽餵先做到每隔3小時一餐？
2. 為左儲奶，我有時會食一邊泵一邊。但bb 有時食10分鐘訓左，點都唔醒，咁另一邊泵左。由於果邊食得10分鐘好快（1個鐘到）又醒要食，咁俾泵左果邊埋身定剛剛食10分鐘果邊呢？
3. 有時我覺得bb 係當左我係人肉奶咀，訓唔到狂喊個口又搵食咁我俾佢食佢啜一陣又訓鬆開又喊又搵過，點解決好？

感謝大家沮喪中

0 0 0

私人傳訊回覆引用

Mary媽咪

侯爵府

積分: 23506

2025勳章蛇年勳章

2^#

發表於 18-4-24 01:07 |只看該作者

回覆樓主

我bb 應該同你差唔多大
1)我bb 日頭每隔1-2個鐘就搵奶飲，佢每次飲8-15分鐘，因為我本身太多奶，有時太谷奶多佢會飲得唔係咁好，就會好快飲完，但邊飲邊漏奶可以濕晒2張廚房紙，而當我唔谷佢飲奶會好乖飲得耐少少，咁我可以隔3個鐘多d 先再餵
我見有jm 話猛長期bb 會1個鐘多d就追奶飲
2)頭2星期我全泵一日泵4次，每次d 奶夠阿b 食2餐，間唔時我會埋身既，大約2星期後bb 唔肯用奶樽只肯埋身餵，我就轉左全埋身，一日只泵1次奶夠比bb 飲一餐有多，我自己就會食一邊胸直到鬆晒先會比另一邊胸bb 食，姐係如果今餐bb 食完個胸唔鬆，下一餐會繼續食直到鬆左，再下餐就食另一邊胸啦
因為健康院覺得我全埋身好成功，姑娘就叫我bb 想食就照餵佢，但醫生話我bb 增長差d 接近2倍，就叫我唔好餵咁多比bb 食

我自己都係bb 想食就餵，唔餵佢係咁扭都唔係辦法架
3)你呢個問題我都係咁覺得，但都冇計，因為分唔到佢係真肚餓要食定當奶咀過口癮，此終bb 仲细我自己就覺得只有滿足佢先，遲d 大d 分辨到先唔比囉

唔洗沮喪，我諗個個人奶媽都必經呢d 情況，大家一齊加油啦

私人傳訊回覆引用

Readymami

大宅

積分: 1250

3^#

發表於 18-4-24 04:04 |只看該作者

tingting310 發表於 18-4-15 15:31
1. bb 有時隔1/2/3個鐘先食，想隔得定時d 因之後番工，係咪淨得泵出黎樽餵先做到每隔3小時一餐？
2. 為左儲 ...

1. 我估你Bb 應該係未出月Bb? No, 唔係一定要泵出來樽餵先可以3個鐘, 未滿月bb通常一個半鐘至兩小時就要餵一次奶, 因為母奶比奶粉容易消化, 你講隔三個小時通常都係奶粉bb先可以做到. 當出月之後就會慢慢拉長時間, Bb 慢慢大, 胃仔又會大d, 飲多d 自然隔耐d. 坐月期間係餵得好密好辛苦ga, 不過是值得的
2. 餵人奶係有少少手段,分享希望幫到你. 坐月Bb 大多都係食一邊就夠, 另一邊你可以泵出來儲起, 當然亦都有bb比較大食, 兩邊食哂, 其實建議每次兩邊都要適當吸食去增加奶量. 坐月Bb 飲一陣通常就會訓覺, 你要諗辦法整醒佢, 所謂中埸休息例如換片, 洗pat pat通常都會醒, 亦都可以試下洗臉摸下耳仔整醒佢再繼續飲, 餵奶要一次過食飽, 要比Bb 意識到咩為之飽. 大約飲20-30分鐘就會飽（嘴仔認真吸食來計時). 關鍵是一定要Bb 係清醒下飲奶, 一邊餵一邊整佢, 否則之後習慣左會好容易變奶嘴. 以你情況, 我會係下一餐喂你剛剛泵個邊, 總之上一餐Bb 食左邊, 下一餐就食右邊, Bb 嘴仔就係最有效增加奶量的工具, 亦都通過埋身,母乳就會製造適當營養比Bb, 好神奇ga.
3. 係因為Bb 未食飽, 當佢醒時就會再搵食, 最好就係train Bb 食奶, train 左應該唔會存在人肉奶咀問題. 我上面有講到點train, 你可以試下.
希望可以幫到你, 我自己就係兩個小孩的媽媽,我大b 細b 都無食奶嘴習慣, 亦都無人肉奶嘴問題, 大b餵到兩歳半, 細b一歳以家還餵緊, 目標至少兩歳.